Taitọs 3:14 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁴ Wo mi jẹ ihwo rẹ avwanre wian omamọ rẹ owian rere ayen sa ghẹrẹ omaobọ rẹ ayen, rere ayen je yere fanrhiẹ fanrhiẹ.

Taitọs 3:14 ပူးပေါင်းရင်းမြစ်များ

Aizaya 61:3

ra rhọvwe kẹ ihwo ri muomahọ vwi Zayọn– ra kẹ ayen ovwẹ vwẹ ẹdia rẹ iwurhie, evwri rẹ aghọghọ vwẹ ẹdia rẹ omaemuohọ, ukpo re ejiro vwẹ ẹdia rẹ erhi ro sherua, rere e vwo se ayen ehahe rẹ evwata, ekankọn rẹ Ọrovwohwo, rere e vwo jiro.

Matiu 21:19

Rọ vwọ mrẹ urhe rẹ owe vwẹ orhoma rẹ idjerhe, o de te esiri rọye, ọ mrẹ emuọvo vwẹ enu rọye-e; jokpa rẹ ẹbe ọvo; ọ da ta kẹ nẹ, Ohwo ọvuọvo gbe sa re ubi wẹn bẹdẹ-ẹ.

Matiu 7:19

Urhe kurhe rọ mọ emamọ esiri-i, ke she vwo mu erhanre.

Iyẹnrẹ Esiri ri Jọn 15:16

Ọ dia ovwan re jẹ vwẹ-ẹ, ẹkẹvuọvo mẹvwẹ re jẹ ovwan me da vwẹ ovwan mu rere ovwan yanran ra mọ ubi rere ubi rẹ ovwan vwọ dia; ọtiọye na emu kemu rẹ ovwan nọ Ọsẹ na vwẹ odẹ mẹ, ọ sa vwọ kẹ ovwan.

Iyẹnrẹ Esiri ri Jọn 15:8

Vwẹ oma rẹ ọnana kọyẹ a vwọ vwẹ urinrin kẹ Ọsẹ mẹ rere ovwan vwọ mọ ibi buebu, ọtiọye kọye e vwo dje phia nẹ ovwan idibo mẹ.

Iruo rẹ Iyinkọn na 18:3

rẹ ayen ejobi vwọ chua oghẹre rẹ eki ọvo na ọ vẹ ayen ke dia, ayen ki ru iruo, kidie ibọkpọ ayen rhuo.

Iruo rẹ Iyinkọn na 20:35

Vwẹ evun rẹ emu na ejobi mi vwo dje kẹ ovwan nẹ owian ọtiọye na a sa vwọ cha otu rẹ evwiẹrẹ uko, je me karohọ eta rẹ Ọrovwohwo Jesu, obo rọ tare nẹ, Ẹrhovwo herọ kẹ ọkokẹ nọ ohwo ra kẹ.

Ọbe ri Pọl si rhe Ihwo ri Rom 12:13

Toro arhọghọ fiki rẹ ọkarovwẹ rẹ irherẹn na, yono obo re ru ẹse.

Ọbe ri Pọl si rhe Ihwo ri Rom 15:28

Ọke re me da yan uwevwi re ji vwe nu, re me da vwẹ arhọghọ na te ayen obọ nure, ki me wan obo rẹ ovwan kpo Spenẹ

Ẹfesọs 4:28

E jẹn ohwo ro cho uji jẹ uji vwo, ẹkẹvuọvo e jẹ ọ vwẹ obọ rọye wian, ọ vwẹ abọ rọye ru iruo ro vwo ọghọ, rere ọ mrẹ vwọ kẹ ayen otu rẹ akpọ bẹn.

Filipae 1:11

rere ovwan da rhe vọn vẹ emamọ rẹ ovwata rọ wan oma ri Jesu Kristi rhe, vwọ kẹ urinrin vẹ ejiro rẹ Ọghẹnẹ.

Filipae 4:16

Kidie me vwọ hẹ Tẹsalonaika we kru oghwa rhe vwe obọvo eyẹabọivẹ.

Filipae 4:17

Ọ dianẹ ke me guọnọ ọko-o; ẹkẹvuọvo obo re me guọnọre kẹ iruo esiri rẹ ovwan.

Kolose 1:10

Rere eyere rẹ ovwan vwo se fo kẹ Ọrovwohwo, re uruemu rẹ ovwan ejobi vwo se je rere ovwan vwo ru iruo esiri phia kugbe rere erianriẹn rẹ Ọghẹnẹ rẹ ovwan vwo bu.

1 Tẹsalonaika 2:9

Imoni, ovwan karohọ owian rẹ avwanre kugbe oma elagha rẹ avwanre; obo rẹ avwanre wian te ason te uvo, rere avwanre vwo jẹ oghwa ẹdia kẹ ovwan, vwẹ ọke rẹ avwanre de ghwoghwo iyẹnrẹ esiri rẹ Ọghẹnẹ na kẹ ovwan.

2 Tẹsalonaika 3:8

Avwanre re emu rẹ ohwo ọvuọvo ọphọphẹ-ẹ, ẹkẹvuọvo vwẹ omaesuo kugbe owian avwanre vwo ru iruo te ason te uvo, rere avwanre vwo jẹ oghwa ẹdia kẹ ovwan.

Taitọs 2:8

Nabọ jẹ ephẹrẹ wẹn gba yoyovwi, rere ihwo vwo jẹ uyono wẹn ẹharhọ; rere ihwo re rhẹrẹ ota wẹn jovwo oma vwọ vo ayen, rere ayen jẹ ota ọbrabra ẹta kpahe avwanre.

Taitọs 3:8

Ota na muẹro. Me guọnọre nẹ wọ nabọ yọnre ayen gangan, rere otu ri vwo esegbuyota kpahe Ọghẹnẹ, vwọ ka obaro vwẹ uruemu esiri. Ọ dianẹ kẹ erhuvwu rẹ oma rọye ọvo-o, ẹkẹvuọvo fiki rẹ erhuvwu rẹ ihwo rẹ akpọ.

2 Pita 1:8

Kidie emu nana da dia ewẹn ri de bu, ke djẹ wẹ ephieghe vwẹ evun rẹ erianriẹn rẹ Ọrovwavwanre Jesu Kristi.