Taitọs 3:11 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹¹ Kirobo wọ riẹnre nẹ ohwo ọtiọye kẹ ughwru ọ epha kugbe ohwo rẹ umwemwu robọ rọye bruhwe.

Taitọs 3:11 ပူးပေါင်းရင်းမြစ်များ

Iyẹnrẹ Esiri ri Luk 19:22

Ọ da ta kẹ, obo ri nẹ unu wẹn rhe ọye mi vwo brorhiẹ hwe we wẹ odibo umwemwu na! Wọ riẹnre nẹ mẹvwẹ ohwo ro siaro, rọ tọrọ obo mi phihọ otọ-ọ, ro vuẹ obo Me kọnre-e?

Iyẹnrẹ Esiri ri Luk 7:30

ẹkẹvuọvo otu ri Farisi kugbe otu re riẹn urhi na da sen uyono rẹ Ọghẹnẹ, kidie ọ dia Jọn re vwẹ ame kẹ aye-en.

Iyẹnrẹ Esiri ri Jọn 3:18

Ohwo ro sere gbuyota e se bru hwe-e; ohwo ro sere gbuyota-a ye bru hwe nure, fikiridie o se odẹ rẹ Ọmọ rẹ Ọghẹnẹ ọvuọvo na gbuyota-a.

Iruo rẹ Iyinkọn na 13:46

Pọl kugbe Banabas da gbaudu, ta ota tanẹ, O fori ra ka vwọ ta ota rẹ Ọghẹnẹ na kẹ ovwan. Rẹ ovwan vwo gere ota na nẹ oma na, rẹ ovwan vwọ vwẹ oma rẹ ovwan guẹdjọ nẹ ovwan fo ihwo rẹ arho ri bẹdẹ na-a, nighe avwanre ki hirhe bru ihwo ri Keferi ra.

Iruo rẹ Iyinkọn na 15:24

Rẹ avwanre vwo nyo nẹ ihwo ẹvo vwẹ ohri rẹ avwanre na vwẹ eta kpokpo ovwan, re vwọ hra udu rẹ ovwan, yẹ avwanre vuẹ ayen ọtiọye-e,

Iruo rẹ Iyinkọn na 23:25

O de si ọbe vwọ kpahọ.

Ọbe ri Pọl si rhe Ihwo ri Rom 3:19

Asakiephana avwanre riẹnre nẹ kemu kemu rẹ urhi tare ọ tarọ kẹ ayen otu re hẹ otọ rẹ urhi, rere unu ri kohwo kohwo rọ phraphro vwo rhurhu, rere ihwo rẹ akpọ ejobi vwọ hẹrhẹ orhiebro ro nẹ obọ rẹ Ọghẹnẹ rhe.

2 Timoti 2:14

Karohọ ayen kpahe ọnana, rere wo ji urhi kẹ ayen vwẹ obaro rẹ Ọrovwohwo nẹ ayen vwẹ eta na phra aphro-o, aphro ro fi emuọvo-o, ẹkẹvuọvo yọ de guọghọ udu rẹ ihworinyoro.

Taitọs 1:11

o fori rere ihwo yena rhurhu unu rẹ ayen, ihwo re kparẹ ọsoso rẹ uwevwi ghwọrọ, ri vwi fiki rẹ erere yono obo rẹ ayen eyono-o.

Taitọs 1:14

Wo jẹn ayen davwerhọn rẹ ikun ifefe rẹ ihwo ri Ju-u, kugbe uyono efian rẹ ihwo ri ghwru nẹ idjerhe rẹ uyota na.

Hibru 10:26

Kidie avwanre da vwẹ ẹro koko ru umwemwu rẹ avwanre vwo vwo erianriẹn rẹ uyota na nu, o rhe vwo iye ọfa ra cha gọ fiki rẹ umwemwu-u,