Taitọs 2:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Gbe jẹ ekpako na ru dẹndẹn re ayen se gbe emu, rẹ udu rẹ ayen djiro, re esegbuyota rayen gan, re ayen vwo ẹguọnọ ro jerhẹriẹ, kugbe odiri.

Taitọs 2:2 ပူးပေါင်းရင်းမြစ်များ

ỌBE RẸ JOB 12:12

Ekpako na ri vwo aghwanre, erianriẹn kẹ obọ rẹ otọvwe.

Une rẹ Ejiro 92:14

Ayen je mọ emamọ vwẹ evun re ọghwo rayen, ayen vọnre vẹ ame wọnwọnwọn vwẹ ọke ejobi,

Isẹ 16:31

Uyovwi rọ tọnre vẹ esha ọye erhu rẹ urinrin; eyenre rẹ ọvwata ọye e se vwo vwo.

Aizaya 65:20

A gbe cha mrẹ vwẹ evun rọye ọfa-a, ọmọ ọboba rọ wan emọ kpo emọ-ọ, eye ọmare rẹ ẹdẹ rẹ ughwu rọye jẹ gba-a kidie omotete ke ikpe ujori o vwo ghwu, oruimwemwu ro te ẹgbukpe ujori yẹ a harherọ.

Livitikọs 19:32

Ovwan mi vrẹn mudia kẹ ohwo rẹ uyovwi rọye fonro, rere we mu ọghọ kẹ opharo rẹ ọmọmare, wọ Me rha djẹ oshọ rẹ Ọghẹnẹ wẹn: Mẹvwẹ Ọrovwohwo na.

Iyẹnrẹ Esiri ri Mak 5:15

Ayen de bru Jesu rhe, ayen da mrẹ ohwo ro vwo irhi rẹ idẹbono na kugbe Lijọn na ro tidia, o ku ewun phihọ ẹro rọye te otọ oshọ de mu ayen.

Iyẹnrẹ Esiri ri Luk 8:35

Etiyin ihwo da yanran ra mrẹ obo re phiare na, ayen de bru Jesu rhe, ayen da mrẹ ohwo na ra djẹ erhi rẹ idẹbono nu na, o tidia vwẹ awọ ri Jesu, ọ vwẹ amwa rhuo ẹro rọye te otọ; oshọ de mu ayen.

Iruo rẹ Iyinkọn na 24:25

Rọ vwọ phra kpahe ọsoso kugbe oma-ẹnyẹ kugbe ẹdjọeguo rọ cha, Fẹliks de guegue ọ da ta, Yanran tavwe; me da mrẹ uphẹn mi che se we.

Ọbe ri Pọl si rhe Ihwo ri Rom 12:3

Fiki rẹ ẹserọphẹ ra vwọ kẹ vwẹ me rẹ ohwo ọvuọvo vwẹ ohri rẹ ovwan nẹ e jẹn ohwo ọvo rhe roro oma rọye rhuarho nọ obo rọ epha jovwọ-o, ẹkẹvuọvo ovwan vwẹ oma kpotọ dẹndẹn, ọvuọvo kerẹ ọtiẹ esegbuyota rẹ Ọghẹnẹ vwọ kẹ.

1 Kọrẹnt 15:34

Nabọ vwẹ udu kpotọ, wo gbi ruẹ imwemwu ọfa-a. Kidie ẹvo vwọ erianriẹn rẹ Ọghẹnẹ na-a. Me ta ọnana rere oma vwọ vo ovwan.

1 Kọrẹnt 9:25

Ọdjonẹ kọdjonẹ nyẹ oma vwi kemu kemu ejobi. Ayen nyẹ oma rere ayen vwo vwo erhu rẹ ivwrevwre rọ ghwọrọ, ẹkẹvuọvo vwọ kẹ avwanre kẹ erhu ro jẹ ghwọrọ.

2 Kọrẹnt 5:13

Ọ da dianẹ avwanre gbe riẹn oma rẹ avwanre-e, yẹ ọye ota rẹ Ọghẹnẹ; ọ da rha dianẹ iroro rẹ avwanre gbare, yẹ ọye ota rẹ ovwan.

Galesha 5:23

dẹndẹn, oma echiro; enana gbi vwo urhi ọfa ro mu aye-en.

Filipae 4:8

Ọ rọ ka oba, imoni, emu ejobi rọ dia uyota, emu ejobi ro vwo ọghọ, emu ejobi rọ dia ọsoso, emu ro yovwiri, emu ejobi ro vwo ẹguọnọ, emu ejobi ro vwo erhuvwu, ọ da dianẹ o vwo uyoyovwi, ọ da dianẹ o vwo obo ro fo ejiro, gbe roro imu nana.

1 Tẹsalonaika 5:6

Vwẹ ọtiọye na e gbi jẹ avwanre vwerhe, kerẹ otu ri chekọ na-a, ẹkẹvuọvo e gbe jẹ avwanre rhọvwọ rere a vwẹ ẹro kpẹn.

1 Tẹsalonaika 5:8

Ẹkẹvuọvo, rẹ avwanre vwọ dia emọ rẹ uvo na, e gbe jẹ avwanre vwẹ ẹro kpẹn, rere wa vwẹ esegbuyota vẹ ẹguọnọ ru aghighọ ku phihọ, wa rha vwẹ esivwo ru erhu vwo tughẹ.

1 Timoti 1:10

vwọ kẹ evwọfanrhiẹ, vwọ kẹ ọshare rọ rọvwọ ọshare, vwọ kẹ otu ri mu ihwo shẹ, evwọrọn efian, vwọ kẹ otu ri se oseri rẹ eku, kugbe oghẹre rẹ emu ehrahra efa ri she phiho omamọ rẹ uyono-o,

1 Timoti 1:14

ẹserọphẹ rẹ Ọrovwavwanre de rhi reghe nvwe phihọ vẹ esegbuyota vẹ eguono re hẹ evun ri Kristi Jesu.

1 Timoti 1:2

Ro si rhe Timoti, ọmọ mẹ rẹ uyota vwẹ esegbuyota: Ẹserọphe, arodọvwẹ, kugbe ufuoma rọ nẹ obọ rẹ Ọghẹnẹ Ọsẹ na kugbe Kristi Jesu Ọrovwavwante nene uwe dia.

1 Timoti 1:5

obo rẹ avwanre nẹ vwẹ idjedje rẹ avwanre hẹ ẹguọnọ ro nẹ omamọ rẹ udu rhe kugbe evun esiri kugbe uvi re esegbuyota.

1 Timoti 3:11

Eya na me je dia ihwo rẹ use na nabọ we, e ta avwravwra-a, ẹkẹvuọvo e me dia fuefu, ri vwo esegbuyota vwe emu ejobi.

1 Timoti 3:2

Osun na rhe vwo ekan vwẹ oma-a, ẹsiẹvo goi ọ rọvwọ, fuefu, ro vwo iroro, ohwo vẹ udidi, ro ru ẹse, rọ goma rẹ uyono,

1 Timoti 3:4

Ohwo rọ nabọ suẹn nwevwi rọye, ro yono emo rọye phihọ ọghọ emuo vẹ omaevwokpotọ vwẹ idjerhe kidjerhe;

1 Timoti 3:8

Otu ri dikin me je dia ihwo rẹ use na nabo we, ọ ta ota ivẹ-ẹ, o siọgba rẹ ndi-i, o vwo urhuru rẹ efe rẹ okpakpa-a;

1 Timoti 5:1

Wọ ghwọ kuẹ okpako-o ẹkẹvuọvo vwẹ obọ tete kerẹ ọsọmọ; yọnre imighele na kerẹ iniọvo,

Taitọs 1:13

Iseri nana uyota, Fiki rẹ ọtiọye na gba nabọ ghwọ ku ayen gangan, rere ayen yọnrọn esegbuyota na gan.

Taitọs 1:8

ẹkẹvuọvo o ru ẹse, ivun rẹ erhuvwu vwerhọ, o se sun oma rọye rọ dia ohwo rẹ ọsoso, fuanfon, dẹndẹn;

Taitọs 2:7

Wọ vwẹ oma wẹn ru oniru rẹ iruo esiri vwi kemu kemu ejobi, wọ vwẹ uyono wẹn jọdẹ-ẹ, se uyono wẹn gbe oja.

Filimọn 1:9

ẹkẹvuọvo fiki rẹ ẹguọnọ ki mi gbobọnyẹ eyena, wọ riẹnre ne me ghworeọ, me kẹ rha hẹ ekanrọ fiki ri Kristi Jesu na;

1 Pita 1:13

Vwe ọtiọye na gba vwẹ umuamwa mu udu wẹn, vwẹ ẹro te otọ, gbe phiẹrohọ ẹserọphẹ ro bru ovwan cha na vwẹ ẹdẹ rẹ ẹvwọphia ri Jesu Kristi na.

1 Pita 4:7

Oba rẹ emu na ejobi si kẹre re; fiki rẹ ọtiọye na gbe ru dọe re ẹro hiẹ wẹ vwẹ ọke wọ da nẹ ẹrhovwo.

1 Pita 5:8

Jẹn ẹro hiẹ wẹ, rhẹrẹ. Ukọn wẹn idẹbono na ọ rọ rhẹrẹ kerẹ okpohrokpo rọ guan, ro guọnọ obo rọ rọ.

2 Pita 1:6

erianriẹn vwọ ba oma ẹnyẹ vẹ emudiagan, emudiagan vẹ ẹfuọn,