Taitọs 2:10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁰ Ayen gbe ota phihọ ayen unu-u, ayen tọrọ obọ-ọ, ẹkẹvuọvo ayen nabọ vwẹ uruemu esiri phia, rere ihwo vwo mu ọghọ kẹ uyono rẹ Ọghẹnẹ Osivwi rẹ avwanre, vwi kemu kemu.

Taitọs 2:10 ပူးပေါင်းရင်းမြစ်များ

Une rẹ Ejiro 101:6

Me vwẹ ẹroesiri ni ihwo rẹ uyota mẹ re hẹ otọ na rere ayen vẹ ovwẹ sa dia, ọ rọ yan vwẹ idjerhe rẹ abe-e ko se gbe odibo kẹ vwẹ.

Aizaya 12:2

Nighere, Ọghẹnẹ esivwo mẹ; ọye me vwẹ ẹro so, oshọ gbi mu vwe-e; kidie Ọrovwohwo Ọghẹnẹ ọye ogangan mẹ kugbe une mẹ, ọ rha rhoma hirhe esivwo mẹ re.

Matiu 24:45

Ono hẹ omamọ rẹ odibo esiri na, rẹ ẹsiẹ rẹ ọrovworo da rhe o de vwo mu olori rẹ uwevwi rọye, rọ da vwẹ emu kẹ ayen re vwẹ ọke yena?

Matiu 5:16

Eriyin na gbe jẹ urhukpẹ wẹn la vwọ kẹ ihwo, rere ayen mrẹ iruo esiri wẹn rere ayen vwẹ ejiro kẹ ọsẹ wẹn rọ hẹ obo odjuvwu.

Iyẹnrẹ Esiri ri Luk 1:47

Ẹnwẹ mẹ ghọghọre vwẹ oma rẹ Ọghẹnẹ Osivwi mẹ.

Iyẹnrẹ Esiri ri Luk 1:80

Ọmọ na da rhe rho ọ da rhe vọn vẹ erhi, ọ da dia evun rẹ aghwa bẹsiẹ rọ ke vwẹ oma phia kẹ Izrẹl.

Iyẹnrẹ Esiri ri Luk 16:10

Ohwo rọ dia ọvwata vwe ẹmu otete, ọye je dia ọvwata vwẹ emu rode; ohwo rọ brare vwẹ emu otete, ọye je bra vwẹ emu rode.

Iyẹnrẹ Esiri ri Jọn 12:6

Ọnana ọ tare, ọ dianẹ kọ davwerhọn rẹ ivwiogbere na-a, ẹkẹvuọvo oji o ruẹ, ekpeti rẹ igho na vwo rhe na kọ wanvwiẹ obo re hẹ evun rọye.

1 Kọrẹnt 4:2

Ọ rọ marho a guọnọre nẹ imuidi na dia ihwo ra vwẹ ẹro so.

Ẹfesọs 4:1

Mẹvwẹ, rọ hẹ uwodi fiki rẹ Ọrovwohwo na, nabọ rẹ ovwan rere ovwan yere eyere ro fori kẹ use nana re se ovwan phihọ na.

Filipae 1:27

Ọvo na gbe jẹn eyere rẹ ovwan fo kẹ iyẹnrẹ esiri ri Kristi na, kọye owenẹ me rhere rhe mrẹ ovwan eyẹ mi vwo jẹ cha, jẹ uvwe nyo nẹ ovwan mudia gan vwẹ erhi ọvo, vẹ udu ọvo vwọ pharha kuẹgbe vwẹ esegbuyota rẹ iyẹnrẹ esiri na.

Filipae 4:8

Ọ rọ ka oba, imoni, emu ejobi rọ dia uyota, emu ejobi ro vwo ọghọ, emu ejobi rọ dia ọsoso, emu ro yovwiri, emu ejobi ro vwo ẹguọnọ, emu ejobi ro vwo erhuvwu, ọ da dianẹ o vwo uyoyovwi, ọ da dianẹ o vwo obo ro fo ejiro, gbe roro imu nana.

1 Timoti 1:1

Ọnana ọhe ri Pọl, ọyinkọn ri Kristi Jesu vwẹ ọ rẹ urhi rẹ Ọghẹnẹ Osivwi rẹ avwanre kugbe Kristi Jesu iphiẹrohọ rẹ avwanre,

1 Timoti 5:17

E jẹn otu rẹ ekpako na re riẹn sun vwo omamọ rẹ ọghọ re mu kẹ ayen, marho kẹ otu re wian owian rẹ eghwoghwo kugbe uyono.

1 Timoti 6:1

E jẹn ihwo ra dẹre re hẹ eviẹn ejobi mu o ọghọ ro fori kẹ iuini rayen, rere e vwo jẹ odẹ rẹ Ọghẹnẹ kugbe uyono rọye emiovwo.

1 Timoti 6:3

Ọ da dianẹ ohwo rhe yono oghẹre rẹ nyono ọfa rọ vẹ omamọ uyono rẹ Ọrovwavwanre Jesu Kristi na shephihọ-ọ kugbe erhnvwu rọ herọ ejobi,

Taitọs 1:3

Ẹkẹvuọvo ọke ro bruru vwọ gba nu, ọ da rhe vwẹ ota rọye phia vwẹ evun rẹ iyẹnrẹ esiri na, kọye a da vwẹ ovwẹ mu ni mi gbe ghwoghwo urhi rẹ Ọghẹnẹ Osivwi na.

Taitọs 3:4

Ẹkẹvuọvo ọke rẹ arodọvwẹ rẹ erhuvwu kugbe ẹguọnọ rẹ Ọghẹnẹ Ọsivwi rẹ avwanre vwọ phiare,

1 Pita 2:12

Ru omamọ rẹ uruemu vwẹ ohri ri Keferi na, o da dianẹ ayen mu ọfian rẹ oruchọ bara owẹ jovwo, re ayen sa mrẹ iruo esiri rẹ ovwan ra vwẹ ejiro kẹ Ọghẹnẹ vwẹ ẹdẹ rẹ okpetu na.

1 Pita 3:16

jẹ evun wẹn fon, rere, ọke ra da harhe owẹ, ayen otu re harhe uruemu esiri ru wo ru kẹ Kristi oma vwọ vo ayen.

2 Jon 1:9

Kohwo kohwo rọ yan hẹ obaro yọ rha dia vwẹ evun rẹ uyono ri Kristi na-a yo ji vwo Ọghẹnẹ-ẹ; ohwo rọ diarọ vwẹ evun rẹ uyono ri Kristi na yo vwo ayen ivẹ na Ọsẹ na kugbe Ọmọ na.

1 Samuẹl 22:14

Ahimẹlẹk da kpahe kẹ ovie na, Kono vwẹ usun rẹ idibo wẹn na re dia ọvwata kerẹ Devid, rẹ ọgọ rẹ ovie, kugbe onotu rẹ ihwo re rhẹrẹ owẹ, ra vwẹ ọghọ kẹ vwe uwevwi wẹn?

1 Samuẹl 26:23

Ọrovwohwo hwa osa kẹ kohwo kohwo kirobo rẹ ọvwata vẹ uyota rọye epha; kidie Ọrovwohwo phi we phihọ obọ mẹ nonẹ na, yi mi yivwi vwẹ obọ te ohwo rẹ Ọrovwohwo vwẹ evwri ghworo nure-e.