Taitọs 1:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ rọ nabọ yọnrọn uyota rọ hẹ evun rẹ uyono na, rere o vwo se bruche vwẹ evun rẹ uyono na, kugbe o vwo se dje kẹ otu re phra aphro.

Taitọs 1:9 ပူးပေါင်းရင်းမြစ်များ

ỌBE RẸ JOB 2:3

Ọrovwohwo da ta kẹ Ẹdjọ, Wọ karohọ odibo mẹ Job, ọ rọ họherọ vwẹ akpọ na herọ-ọ, ohwo ro vwo eka-an ọ ke je dia ohwo ọsoso oruẹ, ohwo rọ djẹ oshọ rẹ Ọghẹnẹ o de ji sioma nẹ umiovwo? Ọ je yọnre ọvwata rọye, ghwaghwa owenẹ wo ru vwe vwo mukpahọ dede, vwọ ghwọrọ ekueku.

ỌBE RẸ JOB 27:6

Me yọnrọn ọvwata mẹ kokoroko, mi che siobọ no-o; udu me ji bruhwe vwe ẹdẹ ọvuọvo-o.

Isẹ 23:23

Dẹ uyota reyọ, wọ shẹ-ẹ; dẹ aghwanre, kugbe uyono, vẹ ẹruọ.

Iruo rẹ Iyinkọn na 18:28

Kidie ọ da vwẹ ogangan rẹ aphro rọye geri ihwo ri Ju na she vwẹ azagba, ro vwo dje nẹ ọbe ọfuanfon na rhe nẹ Kristi na hẹ Jesu.

1 Kọrẹnt 14:24

Ẹkẹvuọvo ayen ejobi da mraro, rẹ ohwo ro segbuyota-a eyẹ ogbori da vwẹriẹ, obo ro nyori ejobi ko muo ẹro, kọ sa vwẹ unu gbe ikun rẹ obo ro nyori ejobi,

1 Tẹsalonaika 5:21

Davwe emu kemu ejobi ni; churu obọ mu obo ri yovwiri,

2 Tẹsalonaika 2:15

Vwẹ ọtiọye na, imoni, we mudia gan, rere we churu obo mu uruemu rẹ avwanre yono ovwan na, ọ rẹ ota rẹ unu eyẹ ọbe re siri.

1 Timoti 1:10

vwọ kẹ evwọfanrhiẹ, vwọ kẹ ọshare rọ rọvwọ ọshare, vwọ kẹ otu ri mu ihwo shẹ, evwọrọn efian, vwọ kẹ otu ri se oseri rẹ eku, kugbe oghẹre rẹ emu ehrahra efa ri she phiho omamọ rẹ uyono-o,

1 Timoti 1:15

Ọnana omamo rẹ ora ro fori rẹ ihwo ejobi reyọ nẹ, Kristi Jesu rhe akpọ na rhi sivwi iruimwemwu. Mẹvwẹ hẹ onotu rẹ iruimwemwu;

1 Timoti 1:19

rere wo churu obọ mu esegbuyota wẹn, wo jẹn evun wẹn fon. Otu ri siobọ nẹ evun ọfuanfon na rhi shu okọ rẹ esegbuyota rayen kufia.

1 Timoti 4:9

Ota nana muẹro ro fori rẹ Ihwo nabọ reyọ.

1 Timoti 6:3

Ọ da dianẹ ohwo rhe yono oghẹre rẹ nyono ọfa rọ vẹ omamọ uyono rẹ Ọrovwavwanre Jesu Kristi na shephihọ-ọ kugbe erhnvwu rọ herọ ejobi,

2 Timoti 1:13

Yọnre omamọ rẹ nyọno na rn wo yono mie vwe na, vwẹ esegbuyota kugbe ẹguọnọ rọ herọ vwẹ evun ri Kristi Jesu;

2 Timoti 2:2

obo ru wo nyo mie vwe vwẹ irharo rẹ iseri buebu gba vwẹ ayen yono ihwo ri vwo esegbuyota re je sa vwẹ ayen yono ihwo efa rhe.

2 Timoti 2:25

rọ vwẹ aghwanre bru otu re ghwọ uche. Ọke ọvo Ọghẹnẹ me sa kẹ ayen ekuorhẹriẹ re da rhe mrẹ uyota na vughe,

2 Timoti 3:14

Ẹkẹvuọvo vwọ kẹ wẹ, phi obọ phihọ obo ri wo nyori ru wọ nabọ segbuyota na, kirobo re wọ je riẹn ohwo rọ vwẹ ayen yono nwe na

2 Timoti 4:3

Kidie ọke cha rẹ ihwo de jẹ davwerhọ rẹ omamọ rẹ uyono, ẹkẹvuọvo ọke rẹ erhọn rẹ ayen da rhe dia gede gede re ke cha ghwẹ iyono huehn gidoma ri yọno ayen obo ri je ayen,

Taitọs 1:11

o fori rere ihwo yena rhurhu unu rẹ ayen, ihwo re kparẹ ọsoso rẹ uwevwi ghwọrọ, ri vwi fiki rẹ erere yono obo rẹ ayen eyono-o.

Taitọs 2:1

Ẹkẹvuọvo gbe je uyono wẹn dia ọsoso, rọ nabọ shehọ.

Ọbe ri Jud 1:3

Imoni re ghare, rẹ urhuru vwo si vwe vwo siẹ ọbe nana rhe ovwan kpahe esivwo rẹ avwanre ọvuọvo na, emu ọvo da gba phihọ ovwẹ udu ni mi si rhe ovwan vwo bru ovwan uche, rere ovwan vwọ họnre chochọ rẹ esegbuyota ra vwọ kẹ ihwo efuanfon na.

Ẹvwọphia 2:25

umuche ro te ovwan obọ na, wa yọnrọn bẹsiẹ me vwọ rhe.

Ẹvwọphia 3:11

Me cha phẹrẹkpẹ; yọnre esegbuyota ro te we obọ nure na ga, rere ohwo ọfa vwo jẹ erhu wẹn na ẹgborho reyọ.

Ẹvwọphia 3:3

Karohọ obo rẹ ovwan reyọre kugbe obo we nyori; yọnre ọyena, re we kurhẹriẹ. Wo rhe vrẹ-ẹn, ke me cha rhe kerẹ oji wọ gbe cha riẹn ọke re me cha vwọ ro owẹ-ẹ.