Taitọs 1:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ Kidie Ibishọpu, kerẹ odibo rẹ Ọghẹnẹ, o vwo abe-e, o mu oma kpenu-u eyẹ ọ fobọ mu ophu-u eyẹ ọ dia ogbaudi-i eyẹ o gbe ozighi-i eyẹ o vwo urhuru rẹ erere-e,

Taitọs 1:7 ပူးပေါင်းရင်းမြစ်များ

Jẹnẹsis 49:6

E, erhi mẹ, wọ vwẹriẹ umẹ raye-en, E, erhi mẹ, wo te ukoko raye-en, kidie vwẹ ophu rayen ayen hwe ihwo, vwẹ ẹro hrehre rayen ayen yoro uriẹn nẹ awọ rẹ erhuẹn.

Isẹ 14:17

Ohwo ro vwẹ ẹnwẹn ọrhorhorho ruẹ uruemu rẹ ẹkpa, ẹkẹvuọvo ọvwiroro vwo odiri.

Isẹ 15:18

Ohwo vẹ udu gidigidi sua ẹghwọ, ẹkẹvuọvo ohwo ro vwo udu odjidjiro fuẹ ọhọre.

Isẹ 16:32

Ohwo rọ fobọ muẹ ophu-u yovwi nọ ọgba, ohwo ro se suẹ erhi rọye yovwi nọ ohwo rọ phio orere kua.

Aghwoghwo 7:9

Wọ fobọ mu ophu-u kidie udu rẹ ẹkpa ọye ophu dia.

Aizaya 28:7

Enana ejobi na re kpogho vẹ idi, idi egangan re mu ayen gele; te orherẹn vẹ ọmraro re gele vẹ idi gangan, ayen ghwruru vwi jẹn obaro enote, ayen beghe vwẹ orhiebro

Izikiẹl 44:21

O rhe vwo orherẹn rọ da udi-i, vwẹ ọke rọ da ro obo ẹtan rẹ ọguan na.

Livitikọs 10:9

Wọ da udi-i eyẹ udi oganga-an, wọwẹ te emọ wẹn na ejobi, siẹ re ovwan da ro evun re utughẹ ra da vwa oma na, ovwan de rhe ghwu, Ọnana urhi rẹ ovwan yọnre bẹdẹ nẹ edje re te edje.

Matiu 24:45

Ono hẹ omamọ rẹ odibo esiri na, rẹ ẹsiẹ rẹ ọrovworo da rhe o de vwo mu olori rẹ uwevwi rọye, rọ da vwẹ emu kẹ ayen re vwẹ ọke yena?

Iyẹnrẹ Esiri ri Luk 12:42

Ọrovwohwo da ta, Kono hẹ odido rẹ esiri rọ ghwanre na, rẹ onini rọye cha vwọ hẹ enu rẹ uwevwi rọye, rọ cha vwẹ emuọre rayen kẹ ayen vwẹ ọke rọye?

Ẹfesọs 5:18

We gbi jẹ idi muẹ ovwa-an, kidie ọye ozighi; ẹkẹvuọvo gbe jẹ Erhi na vọn ovwan oma.

Filipae 1:1

Ọbe ri Pọl kugbe Timoti, idibo ri Kristi Jesu, si rhe ihwo efuanfon ejobi vwẹ evun ri Kristi Jesu re hẹ Filipae, vẹ ibishọpu kugbe idikini:

Taitọs 1:5

Ọna re sorọ me vwọ yan je uwe vwo vwẹ obi Krit, rere wọ vwọ rhuẹrẹ obo ri miovwiri vwẹ oboyi phihọ, rere wọ rha vwẹ ekpako mu vwi korho korho kirobo ri mi dje kẹ wẹ.

Taitọs 2:3

Rere eya re ghworo vwo mu oma rẹ ayen phihọ ọghọ, e dia ihwo re ta avwravwra-a eyẹ ri ji si ọgba rẹ udi-i, je dia iyono ri yono emu esiri;

1 Pita 4:10

Kirobo ra kẹ ovwan okẹ bu te, ovwan je kẹ ohwohwo rhe, kerẹ omuidi rẹ esiri rẹ Ọghẹnẹ ro ghara ẹserọphẹ rọye.

1 Pita 5:2

Ghẹrẹ uchuru rẹ Ọghẹnẹ ra vwọ kẹ wẹ yọnre na, ọ dia ọ rẹ ẹgbahọ-ọ ẹkẹvuọvo ọ ro nẹ udu rhe, ọ dianẹ ra vwọ mrẹ erere rẹ omaẹvuọ-ọ ẹkẹvuọvo re ruo vẹ evun phephẹn,

2 Pita 2:10

Marho kẹ ayen otu ri keke oma phihọ urhuru si vwe rẹ ugboma ri gbe ẹgua vẹ ọmeme kugbe otu re jẹ ogangan rẹ isuesun fia. Ihwo vẹ udu re vwẹ ẹro koko ruẹ imwemwu, oshọ muẹ aye-en ri di muẹ ihwo yoyovwi harha.