Taitọs 1:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Mi siro rhe Taitọs, ọmọ mẹ ri mi vwiẹri vwẹ esegbuyota ọvuọvo na. Ẹserọphẹ vẹ ufuoma ro nẹ obọ rẹ Ọghẹnẹ rẹ Ọsẹ na kugbe Kristi Jesu Ọsivwi rẹ avwanre, nene uwe dia.

Taitọs 1:4 ပူးပေါင်းရင်းမြစ်များ

Iyẹnrẹ Esiri ri Luk 2:11

Nonẹ na e vwiẹ Osivwi vwẹ obo orere ri Devid, re se Kristi Ọrovwohwo.

Iyẹnrẹ Esiri ri Jọn 4:42

Ayen da ta kẹ aye na, Ọ gbe dianẹ fiki rẹ ota wẹn ọvo avwanre vwo segbuyota-a, kidie avwanre vwẹ erhọn rẹ avwanre nyo rhe, avwanre gbine riẹn vwẹ ọ rẹ uyota nẹ ọnana hẹ Osivwi rẹ akpọ na.

Ọbe ri Pọl si rhe Ihwo ri Rom 1:12

Obo re me ta na ọna nẹ, ọke mi de bru ovwan rhire avwanre ohwohwo ki ru esegbuyota rẹ ohwohwo gan, te ọ rẹ ovwan kugbe ọmẹ.

Ọbe ri Pọl si rhe Ihwo ri Rom 1:7

Re vwo rhe ovwan ejobi rẹ evun rẹ ayen vwerhe Ọghẹnẹ vwi Rom, re seri ne rhe dia irherẹn; Ẹserọphẹ vẹ ufuoma ro nẹ obọ rẹ Ọghẹnẹ Ọsẹ rẹ avwanre kugbe Ọrovwohwo Jesu Kristi nene ovwan dia.

2 Kọrẹnt 12:18

Me vuẹ Taitọs nẹ ọ ra, mi de rhe ji oniọvo na vwọ ba. Taitọs mrẹ erere ọfa vwẹ oma rẹ ovwan? Ọ dia erhi ọvuọvo na avwanre vwo ru iruo? Ọ dia owọ ọvuọvo na avwanre jẹre?

2 Kọrẹnt 2:13

ẹkẹvuọvo udu ko bru uvwe fikiridie me mrẹ Taitọs vwẹ etiyi-in. Ọtiọye na me yan jẹ ayen vwo mi de kpo Masidonia.

2 Kọrẹnt 4:13

Rẹ avwanre vwo vwo erhi ọvuọvo rẹ esegbuyota kirobo rẹ ohwo ro siri na vwori, Mi sere gbuyota, kẹ ọtiọye me je ta, avwanre ji segbuyota rhe, kẹ ọtiọye avwanre je ta,

2 Kọrẹnt 7:6

Ẹkẹvuọvo Ọghẹnẹ, ro brẹ otu re chiyi muotọ uche, ọ da vwẹ ẹcha ri Taitọs bru avwanre uche,

2 Kọrẹnt 8:16

Ẹkẹvuọvo ẹkpẹvwẹ kẹ Ọghẹnẹ ro phi ẹnwẹn rẹ ẹro evwote rẹ ovwan ọvuọvo na phihọ udu ri Taetọs.

2 Kọrẹnt 8:23

Vwọ kẹ Taitọs, ọye hẹ ọko mẹ kugbe usun mẹ ri ruẹ iruo kẹ ovwan na; ra vwọ kẹ imoni rẹ avwanre na, ayen kẹ iyinkọn rẹ ishọshi na, urinrin ri Kristi na.

2 Kọrẹnt 8:6

Ọtiọye dẹn kọye avwanre vuẹ Taitọs nẹ kirobo rọ ghwa tuọn phihọ na, o gbe ghwe ru iruo rẹ arodọvwẹ na gba vwẹ ohri rẹ ovwan.

Galesha 2:3

Ẹkẹvuọvo ekpuyovwi ri Taitọs rẹ ohwo ri Grik ro nene uvwe ra na, ohwo ọvuọvo gbarọ nẹ ọyanvwe tavwe-e.

Galesha 3:26

Kidie vwẹ oma ri Jesu Kristi ovwan ejobi kẹ emọ rẹ Ọghẹnẹ, fiki rẹ esegbuyota.

Galesha 3:28

O gbi vwo ohwo ri Ju eyẹ Grik, o gbi vwo ọviẹn eyẹ ọmuvwiẹ-ẹ, o gbi vwo ọshare eyẹ aye-e, ovwan ejobi kẹ ọvuọvo vwi Jesu Kristi.

Ẹfesọs 1:2

Eserọphẹ dia kẹ ovwan kugbe ufuoma ro nẹ obọ rẹ Ọghẹnẹ Ọsẹ rẹ avwanre rhe kugbe Ọrovwavwanre Jesu Kristi.

Kolose 1:2

si rhe ihwo efuanfon ri se Kristi gbuyota vwẹ obi Kolose. Ẹserọphẹ kugbe ufuoma ro nẹ obọ rẹ Ọghẹnẹ Ọsẹ rẹ avwanre rhe nene ovwan dia.

1 Timoti 1:12

Me kpẹvwẹ Kristi Jesu Ọrovwavwanre, rọ kẹ vwẹ ogangan nana, kidie o ni vwe fo ohwo rẹ uyota, ro vwo se vwe phihọ iruo rọye,

2 Timoti 1:1

Mẹvwẹ Pọl, ọymkọn ri Ktisti Jesu vwẹ ọhọre rẹ Ọghẹnẹ kirobo rẹ ive rẹ arhọ rọ herọ vwe evun ri Kristi Jesu epha,

2 Timoti 1:2

Ri si ọnana rhe Timoti, ọmọ mẹ rọ ghare. Ẹserọphe, arodọvwẹ, kugbe ufuoma ro nẹ obọ rẹ Ọghẹnẹ Ọsẹ na rhe kugbe Kristi Jesu Ọrovwavwanre.

2 Timoti 4:10

Kidie Dimas, rẹ urhuru rẹ akpọ shi, djẹ jẹ uvwe vwo kpo Tẹsalonaika; Krẹsẹns dje kpo Gaiesha, Taetọs kpo Daimesha.

Taitọs 1:3

Ẹkẹvuọvo ọke ro bruru vwọ gba nu, ọ da rhe vwẹ ota rọye phia vwẹ evun rẹ iyẹnrẹ esiri na, kọye a da vwẹ ovwẹ mu ni mi gbe ghwoghwo urhi rẹ Ọghẹnẹ Osivwi na.

Taitọs 2:13

Avwanre ra hẹrhẹ ebruphihọ rẹ iphiẹrohọ rẹ ẹdẹ rẹ ẹcha rọye, ẹvwọphia rẹ urinrin rẹ Ọghẹnẹ Ọsivwi rẹ avwanre rode na Jesu Kristi.

2 Pita 1:1

Ọbe ri Saimọn Pita, odibo kugbe ọyinkọn ri Jesu Kristi, ro si rhe ayen otu ri vwo esegbuyota nure re vẹ avwanre gba hẹ abavo vwẹ evun rẹ ọvwata rẹ Ọghẹnẹ rẹ avwanre kugbe Osivwi rẹ avwanre Jesu Kristi.

2 Pita 1:11

Vwẹ ọtiọye na ka rhuẹrẹ idjerhe kẹ ovwan rẹ ovwan cha wan kpo uvie ri bẹdẹ na rẹ Ọrovwavwanre kugbe Osivwi rẹ avwanre Jesu Kristi.

2 Pita 2:20

Kidie ọ da dianẹ ọke rẹ ayen vwọ vabọ rẹ ẹgua rẹ akpọ na vwẹ oma rẹ erianriẹn rẹ Ọrovwohwo kugbe Osivwi rẹ avwanre Jesu Kristi, ayen da rhoma she phihọ ufi rẹ ayen rọ da pẹtiẹ ayen, eyenre rẹ ayen vwẹ ukuko na kọ rhoma miovwi nọ ọ rẹsosuọ.

2 Pita 3:18

Ẹkẹvuọvo gba rho vwẹ evun rẹ ẹserọphẹ kugbe erianriẹn rẹ Ọrovwavwanre kugbe Osivwi rẹ avwanre Jesu Kristi. Ọye a vwẹ urinrin kẹ vwẹ asakiephana rhiri re te ẹdẹ ri bẹdẹ na. Isẹ.

2 Pita 3:2

rere wa vwọ karophihọ emramrẹ rẹ emraro efuanfon na kugbe urhi rẹ Ọrovwavwanre kugbe Osivwi na vwẹ oma rẹ ọyinkọn rẹ ovwan.

1 Jọn 5:14

Ọnana kọye ẹroẹvwọsuọ rẹ avwanre vwori vwẹ evun rọye, nẹ avwanre da nọ ekpẹn rẹ emu ro shephihọ ọhọre rọye ko nyo kẹ avwanre.

Ọbe ri Jud 1:3

Imoni re ghare, rẹ urhuru vwo si vwe vwo siẹ ọbe nana rhe ovwan kpahe esivwo rẹ avwanre ọvuọvo na, emu ọvo da gba phihọ ovwẹ udu ni mi si rhe ovwan vwo bru ovwan uche, rere ovwan vwọ họnre chochọ rẹ esegbuyota ra vwọ kẹ ihwo efuanfon na.