Taitọs 1:16 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁶ Ayen vwẹ oma nẹ nẹ ayen riẹn Ọghẹnẹ; ẹkẹvuọvo ayen wan evun rẹ iruo rayen siọn, iruo rayen tuoma, ayen kpare oma kpenu, ayen ki rhe gbobọnyẹ iruo esiri ejobi.

Taitọs 1:16 ပူးပေါင်းရင်းမြစ်များ

ỌBE RẸ JOB 15:16

ko mavọ ọ epha kẹ ohwo ro gbe ẹgua ro ji miovwi, ohwo rọ da orukuruku kerẹ ame!

Isẹ 30:12

Ihwo efa rha herọ ri roro oma rayen fuanfon ẹkẹvuọvo yẹ a je họ ayen nẹ ogbeku raye-en.

Aizaya 29:13

Ọrovwohwo na da ta: Fikiridie ihwo nana vwẹ ugbunu rayen si kẹre ovwẹ ayen da vwẹ ẹbẹrunu rayen mu ọghọ kẹ vwẹ, yẹ udu rayen sheri kẹ vwẹ, oshọ mẹ rayen djẹ da dia urhi rẹ ihwo rẹ akpọ re erianriẹ rẹ ayen yono phihọ uyovwi;

Aizaya 48:1

Nyo Ọnana, E uwevwi ri Jekọp, ra vwe odẹ re Izrẹl se, ri nẹ agada ri Juda rhe, re vwẹ odẹ rẹ Ọrovwohwo duvwu iyori, re rhọvwe odẹ rẹ Ọghẹnẹ re Izrẹl, ẹkẹvuọvo o dia uyota vẹ ọsoso-o.

Aizaya 58:2

Dede na yẹ ayen guọnọ ovwẹ kẹdẹ kẹdẹ, yẹ ayen guọnọ idjerhe mẹ riẹn vẹ aghọghọ, kerẹ ẹgborho ri ruẹ ọvwata re mrẹ iji rẹ Ọghẹnẹ rayen djẹ-ẹ; ayen nọ ekpẹn rẹ orhiebro rẹ ọvwata vwẹ obọ mẹ, ayen vwẹ omavwerhe vwo si kẹrẹ Ọghẹnẹ.

Aizaya 59:13

ogbeku, kugbe ẹsiọn rẹ Ọrovwohwo, kugbe uko re chuku Ọghẹnẹ rẹ avwanre, ota rẹ oshenyẹ eta kugbe ozighi egbe, iroro umwemwu re roro vwẹ udu kugbe ota re efian ra tanẹ udu cha.

Jerimaya 12:2

Wọwẹ re kọn ayen, ayen de mu; ayen rhoro ayen da mọ ibi, wo sikẹrẹ ayen vwẹ unu rayen wo de sheri kẹ udu rayen.

Jerimaya 5:2

Owenẹ ayen tanẹ, kirobo rẹ Ọrovwohwo herọ na yẹ ayen duvwu iyori rẹ efian.

Jerimaya 6:30

Isọn re igho ọye e se ayen, kidie Ọrovwohwo siẹn ayen.

Izikiẹl 33:31

Ayen ki bru we rhe kirobo rẹ ihwo cha, ayen ki che tidia kẹrẹ owẹ kerẹ ihwo mẹ, ayen ki nyo obo ru wo ta ẹkẹvuọvo yẹ ayen ruo-o, kidie ẹbẹrunu ọye ẹguọnọ rẹ ayen epha, ẹkẹvuọvo yẹ ayen vwẹ udu rayen kpahe erere rayen cha mrẹ.

Ukeri 24:16

epha rẹ ohwo ro nyo ota rẹ Ọghẹnẹ, rọ riẹn erianriẹn rọ ro Me Kpenu, rọ mrẹ emranmrẹ rẹ Ọrovwẹgba, ro she teye otọ, ẹkẹvuọvo yo rhurhu ẹro rọye-e.

Ọbe ri Pọl si rhe Ihwo ri Rom 1:28

Kirobo rẹ ayen rha rhọvwe reyọ phihọ Ọghẹnẹ na-a, Ọghẹnẹ de siobọ nẹ ayen kẹ udu ọbrabra rẹ ayen re ayen vwo ru obo ri je ayen.

Ẹfesọs 5:6

We jẹn ohwo ọvuọvo vwẹ eta ifefe phiẹn ovwa-an, kidie fiki rẹ imu nana ophu rẹ Ọghẹnẹ vwọ tua kpahe emọ ri jẹ ọghọ evwo na.

1 Timoti 1:9

e gbe jẹ ọnana ro ovwan nẹ, a vwi fiki rẹ ovwata ji urhi-i ẹkẹvuọvo fiki rẹ onogbozigbi kugbe ijẹọghọ evwo, fiki ohwo rọ riẹn Ọghẹnẹ-ẹ kugbe ọruimwemwu, vwọ kọ ijẹfuọn kugbe ọ ro gbe ẹgua, vwọ kẹ otu ri hwe esẹ vẹ otu ri hwe ini, vwọ kẹ otu re fa ihwo hwe,

1 Timoti 5:8

Ohwo rọ rha kọn okọn phihọ otọ kẹ imoni rọye-e, marho kẹ ekru rohọ rọye, yọ yọnrọn esegbuyota na-a yẹ ohwo yena hra nọ ohwo ro ji segbuyota-a.

2 Timoti 3:17

rere ohwo rẹ Ọghẹnẹ vwọ gba, ra vwọ rhuẹrẹ kpahe kẹ iruo esiri.

Taitọs 3:1

Karophihọ ihwo na nẹ ayen vwẹ oma kpotọ kẹ ayen otu ri suẹn ihwo, kugbe ihwo ride ri vwo ogangan, re mu ọghọ kẹ ayen, rere kiruo kiruo rẹ ayen guọnọre ejobi e ru kẹ ayen yoyovwi.

Taitọs 3:3

Kidie avwanre je ka dia gheghẹ dẹvure, avwanre ji ke mu oma kpenu devure, a je phiẹn avwanre jovwo re, avwanre ji ke nenẹ avwerhe rẹ akpọ na jovwo, avwanre je ka reoma jovwo, avwanre ji ke vwo ọnko devure, avwanre ji ke tuoma rẹ ohwohwo jovwo.

1 Jọn 2:4

Ohwo rọ tare nẹ, me riẹnrẹ, rọ gbe rha yọnre irhi rọye-e kẹ ọvwọrọn ofian, yẹ uyota na rhere-e;

Ọbe ri Jud 1:4

Kidie otu rẹ ihwo ẹvo bẹbẹ rhẹrẹ ro usun rẹ avwanre na, enana otu rẹ ihwo re bru orhiẹn rẹ ughwu hwe rhabae rhe, ihwo ebrabra re rhẹriẹ ẹserọphẹ rẹ Ọghẹnẹ phihọ umwemwu, re sen Onini na kugbe Ọrovwohwo, Jesu Kristi.

Ẹvwọphia 21:27

Ẹkẹvuọvo obo ri jẹfuọn cha sa vwẹriẹ-ẹ, eyẹ ohwo kohwo ro gbe ẹgua eyẹ ofian, ẹkẹvuọvo jokpa rẹ ayen otu re si phihọ ọbe rẹ arhọ rẹ Omogodẹ na.

Ẹvwọphia 21:8

Ẹkẹvuọvo vwọ kẹ ọvwoshọ, ọ ro jẹ esegbuyota evwo, ọ ro gbe ẹgua, vwọ kẹ ozighẹ, ovwofanrhiẹ, ọmraro, ọgọedjọ, kugbe ọvwọrọn ofian, ughwẹ rayen kẹ ẹtẹrhe rẹ erhanre da tua vẹ ibiosio rẹ erhanre na, kọye hẹ ughwu rivẹ.

1 Samuẹl 15:22

Samuẹl da ta, Wo rori nẹ Ọrovwohwo vwo omavwerhe vwẹ izobo rẹ ẹtorhẹ kugbe izobo re zeri, kirobo rẹ oma vwerhe Ọrovwohwo siẹ re de mu ọghọ kẹ urhuru rọye– Nighe, Ọghọ emuo o yovwi nọ izobo, ra vwọ kerhọ nọ lvwri rẹ egbo.

1 Samuẹl 15:24

Sọl da ta kẹ Samuẹl, Mi ru umwemwu; kidie me cho urhi rẹ Ọrovwohwo kugbe eta wẹn, fikiridie me djẹ oshọ rẹ ihwo na mi de mu ọghọ kẹ urhuru rayen.