Solomon 8:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Oyono re yan nẹ evun rẹ aghwa na cha na, Rọ vwẹ oma rẹrẹ ọnse rọye na? Vwẹ obotọ rẹ orhomrẹ na me da rhọvwọ owẹ. Etiyin oni wẹn da chuvwiẹ wẹ, Etiyin ohwo ro vwiẹ wẹ na da chuvwiẹ.

Solomon 8:5 ပူးပေါင်းရင်းမြစ်များ

2 Ikun rẹ Ivie 32:8

Ugbobọ rẹ ohwo rẹ akpọ vẹ ọye gba herọ; ẹkẹvuọvo Ọrovwohwo Ọghẹnẹ vẹ avwanre gba herọ, re cha avwanre uko ọye ri ji phi ofovwi na kẹ avwanre. Udu rẹ ihwo na da gan fiki re eta ri Hẹzikaya ovie ri Juda.

Une rẹ Ejiro 63:8

Ẹnwẹ mẹ tamu uwe gbae, obọrhe wẹn yọnrọn ovwẹ.

Une rẹ Ejiro 63:9

Ẹkẹvuọvo ayen otu re guọnọ arhọ mẹ ghwọrọ cha yanran kpo obo ekpẹn rẹ akpọ na;

Solomon 2:3

Kerẹ omamọ rẹ orhomrẹ vwẹ ohri rẹ irhe, ọtiọye ọnse mẹ epha vwẹ ohri rẹ imighene Omavwerhe rode mi vwo tidia vwẹ ophie rọye, omamọ rọye kọ miẹmiẹ ovwẹ nẹghẹ nẹghẹ.

Solomon 3:11

Wa yan phia, E emetẹ ri Zayọn, re we ni Ovie Solomọn, vẹ erhu rẹ ovie rẹ oni rọye vwo tughẹ vwẹ ẹdẹ re vwo sun aye rhe, vwẹ ẹdẹ rẹ udu rọye vọnre vẹ aghọghọ.

Solomon 3:4

Me je ghwa wanvrẹn aye-en, Me da ghwa mrẹ ohwo re erhi mẹ guọnọre na. Me da gbanọ, me gbe guọnọ nẹ o kpo-o bẹsiẹ me vwọ reyọ te uwevwi rẹ oni mẹ, re te uvun rẹ ohwo rọ mrevun mẹ.

Solomon 3:6

Die ri nẹ evun rẹ aton na cha na, rọ họhọ ukori rẹ ivwirhi, ro gbo ọnrhe rẹ egẹn vẹ adjija na, vẹ ọnrhe ghwoghwo rẹ ọneki?

Solomon 4:8

Mọ re vrẹn nẹ Lebanọn, ọpha mẹ: mọ re vrẹn nẹ Lebanọn. Vrẹn nẹ obo ineneghe rẹ Amana rhe, nẹ obo ineneghe ri senir vi Hermọn rhe, nẹ igbenu rẹ ibido rhe.

Solomon 6:10

Ọna ono rọ họhọ irhiọke ro rhie cha, vwiọvwọrọ kerẹ emeranvwe, gala gala kerẹ ọnre, ro mu oshọ kerẹ unuofovwi vẹ ephiana?

Solomon 8:1

E manẹ wọ dia kerẹ oniọvo kẹ vwẹ, Ọ ro ji vievie re oni mẹ, Me da vwa wẹ vwẹ otafe, ke mia fiọnfiọn owẹ unu, Ohwo ọvuọvo a sa jẹ vwẹ fia-a.

Aizaya 36:6

Nighere, wọ vwẹ oma da Ijipt, ọkpọ rẹ ugbẹn rẹ ọghọrọgbọdọ, rọ shọrọ obọ rẹ ohwo rọ vwe oma rere na. Ọtiọye Fero ovie re Ijipt epha kẹ ihwo ejobi re vwẹ ẹro da.

Aizaya 40:3

Urhuru de kperi. Vwẹ evun rẹ aghwa, rhuẹrẹ idjerhe rẹ Ọrovwohwo, ru idjerhe rode phiọnphiọn phihọ evun rẹ aton kẹ Ọghẹnẹ rẹ avwanre.

Aizaya 43:19

Nighere, Mi ro ruẹ emu ọkpokpọ; Asakiephana ọ va phiare, wo rhe roro-o? Me cha fan idjerhe phiyọ evun rẹ aghwa irhie ke cha va nẹ aton rhe

Jerimaya 2:2

Yanran wo re ghwoghwo kẹ ihwo rẹ Jerusalẹm, Ene Ọrovwohwo tare, Me karohọ ẹga rẹ ọke emọ wẹn, ẹguọnọ wẹn kerẹ ọpha, obo wo nene uvwe te vwẹ evun rẹ aghwa vwẹ otọ ra kọnre-e.

Hosia 12:4

Ọ vẹ amakashe muabọ ọ da marọ, ọ viẹre ọ da guọnọ aruesiri rọye, ọ vwa Ọghẹnẹ vwi Betẹl etiyin Ọghẹnẹ vọye da ta ota.

Maika 3:11

Igbuyovwi rọye da udi tavwe ri ki brorhiẹ, irherẹn rọye yono fiki rẹ osa, emraro na hẹrhẹ igho re ke mraro, ye ayen vwẹ oma kpahe Ọrovwohwo ayen me ta, Ọrovwohwo na he uherevie rẹ avwanre-e? Emu umwemwu ọvuọvo che te avwanre oma-a.

Iyẹnrẹ Esiri ri Jọn 13:23

Ọvo vwẹ idibo rọye na, ri Jesu guọnọre, de sherhẹ vwẹ oma rẹrẹ udu ri Jesu;

Ọbe ri Pọl si rhe Ihwo ri Rom 7:4

Eriyin ọ epha, imoni mẹ, rẹ oma rẹ ovwan rẹ awanre vi Kristi vwo ghwu vwẹ agbagba nure na, urhi kọ rhabọ nẹ ovwan, kọye ovwan vwo se vwo ogangan vwo nene, ovwan vẹ ọye ki se kuoma gbe vwo ru iruo kẹ Ọghẹnẹ.

Galesha 4:19

Emọ mẹ, re me chuẹ uvwiẹ rayen, bẹsiẹ ri Kristi vwọ dia oma rẹ ovwan!

1 Pita 1:21

Oma rọye ovwan wan vwẹ ẹro so Ọghẹnẹ, rọ kpaherọ nẹ ughwu rhe rọ da vwẹ urinrin kẹ, ọtiọye na te esegbuyota rẹ ovwan kugbe iphiẹrohọ rẹ ovwan e hẹ evun rẹ Ọghẹnẹ.

Ẹvwọphia 12:6

aye na da djẹ ro aghwa, kpo asan rẹ Ọghẹnẹ rhuẹrẹ vwọ hẹ otọ kẹ, kẹ etiyin a da ghẹrẹ vwẹ ẹdẹ uriori kugbe uri kugbe ujorha.