Solomon 8:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ E manẹ wọ dia kerẹ oniọvo kẹ vwẹ, Ọ ro ji vievie re oni mẹ, Me da vwa wẹ vwẹ otafe, ke mia fiọnfiọn owẹ unu, Ohwo ọvuọvo a sa jẹ vwẹ fia-a.

Solomon 8:1 ပူးပေါင်းရင်းမြစ်များ

Une rẹ Ejiro 2:12

rhe fiọnfiọn awọ rọye, ọ dia eriyin ophu de muo, wọ da ghwọrọ vwẹ idjerhe na, kidie ophu rọye cha tua. Ebruba kẹ ohwo rọ dje si oma nu vwẹ evun rọye.

Une rẹ Ejiro 51:17

Izobo re Ọghẹnẹ reyọ vwonẹ ọye erhi rọ guọghọre; udu rọ guọghọre kugbe udu ọfuanfon, E Ọghẹnẹ, wo sian otu nana-a

Solomon 1:2

E mane wọ vwẹ unu wẹn vwọ fiọnfiọn ovwẹ! kidie ẹguọnọ wẹn, o yovwi nọ udi.

Solomon 7:13

Orhomrẹ na re gbo ọnrhe vwevwerhe, emamọ ri siẹ urhuru vọn iwevwi re avwanre, te ekpokpọ te e rẹ awanre, ri mi phihọ oboyi hẹrhẹ owẹ, E ọ re me guọnọre na.

Solomon 8:2

Ki mi sun we, ke me reyọ owẹ kpo uwevwi rẹ oni mẹ, kpo obo uvun rẹ ohwo rọ mrevun mẹ. Me vwẹ omamọ re udi ro gbo ọnrhe egẹn kẹ wẹ da ame ri pomegranate mẹ.

Aizaya 60:14

Emọ re ihwo ri shenyẹ wẹ ke cha rhe ri shiguẹ te otọ kẹ wẹ, kugbe ihwo ejobi re je wẹ fia ki che shiguẹ vwẹ asan awọ wẹn, ke ayen che se we Orere rẹ Ọrovwohwo, Zayọn rẹ Ọfuanfon Ọvuọvo rẹ Izrẹl na.

Aizaya 7:14

Fiki rẹ ọtiọye na Ọrovwohwo ọvo kọye cha vwẹ oka kẹ wẹn. Nighe, eghene aye cha mrevun, ko che vwiẹ ọmọ, ke se odẹ rọye Imanuẹl.

Aizaya 9:6

Kidie avwanre e vwiẹ ọmọ na kẹ, avwanre a vwẹ ọmọ na kẹ, isuesun na kẹ igabọ rọye ọ cha dia, ke se odẹ rọye Ọgba-Aghwanre, Ọghẹnẹ ro vwo Ogangan, Ọsẹ ri Bẹdẹ, Ọmọ rẹ ovie rẹ Ufuoma.

Hegae 2:7

ki mi kpogho ẹgborho na ejobi, rere a vwọ ghwẹ efe rẹ ẹgborho na ejobi rhe, ke me cha ghwa urinrin vọn uwevwi nana, eriyin Ọrovwohwo rẹ otuofovwi na tare.

Zekaraya 9:9

Ghọghọ gangan, E ọmọtẹ ri Zayọn! Kperi gan, E ọmọtẹ ri Jerusalẹm! nighe, ovie wẹn bru uwe cha ohwo ro phi kparobọ rẹ omavwerha, dẹndẹn ọ gua ekẹtẹkẹtẹ, upene ọmọ rẹ ekẹtẹkẹtẹ.

Malakae 3:1

Nighe, mi ji ikọn mẹ rọ ra rhuẹrẹ idjerhe hẹrhẹ ovwẹ, Ọrovwohwo rẹ ovwan guọnọ na cha rhe uwevwi rọye kpregede; ọyinkọ rẹ ọphọ na rọ vwerhe ovwan oma na, nighe, ọ rọ cha, eriyin Ọrovwohwo rẹ otuofovwi na tare.

Iyẹnrẹ Esiri ri Luk 10:16

Ọ ro nyo ota rẹ ovwan yo nyo ọ mẹ, ọ rọ sen ovwan yọ sen vwẹ, ọ rọ sen vwẹ yọ sen ọ ro ji vwe rhe.

Iyẹnrẹ Esiri ri Luk 12:8

Me ta kẹ ovwan, kohwo rọ rhọvwe ovwẹ vwẹ obaro rẹ ihwo, ọye Ọmọ rẹ ohwo je rhọvwe vwẹ obaro rẹ emakashe rẹ Ọghẹnẹ.

Iyẹnrẹ Esiri ri Luk 18:9

O de ji kpe itẹ nana kẹ ẹvo re vwẹ ẹro so omaobọ rẹ ayen nẹ ayen ma dia ọvwata kẹ ayen jẹ ihwo efa fia.

Iyẹnrẹ Esiri ri Luk 2:38

Rọ vwọ yanrhe vwẹ ọke yena ọ da kpẹvwẹ Ọghẹnẹ o de gbe ikun rọye kẹ ihwo ejobi ri phiẹrohọ etanhirhe ri Jerusalẹm.

Iyẹnrẹ Esiri ri Luk 9:26

Kidie ohwo kohwo rọ vo oma mẹ kugbe iyẹnrẹ esiri mẹ, Ọmọ rẹ ohwo kọ je vo oma rọye vwẹ ọke ro de te uvie rọye kugbe uvie rẹ Ọsẹ na kugbe emakashe efuanfon na.

Iyẹnrẹ Esiri ri Jọn 1:14

Ota na de rhi hirhe phihọ ohwo ọ da rhe dia ohri rẹ avwanre, ọ vọnre vẹ ẹserọphẹ vẹ uyota; avwanre da mrẹ urinrin rọye ọ tiẹ urinrin rẹ Ọmọ ọvuọvo na ro nẹ obọ rẹ Ọsẹ na rhe.

Iyẹnrẹ Esiri ri Jọn 13:3

ri Jesu vwọ riẹn nẹ Ọsẹ na phi emu na ejobi phihọ obọ nure, nẹ obọ rẹ Ọghẹnẹ o nurhe nẹ obọ rẹ Ọghẹnẹ ọye ra na,

Iyẹnrẹ Esiri ri Jọn 16:28

Obọ rẹ Ọsẹ na mi nurhe me da rhe evun rẹ akpọ na; ọfa, mi ji che nẹ akpọ na rhivwi bru Ọsẹ na ra.

Iyẹnrẹ Esiri ri Jọn 3:13

Ohwo ọvuọvo ji yeri kpo obo odjuvwu dẹvo-o ẹkẹvuọvo ọ ro wotọ nẹ obo odjuvwu rhe na, ọye hẹ Ọmọ rẹ ohwo na.

Iyẹnrẹ Esiri ri Jọn 8:42

Jesu da ta kẹ ayen, Ọ da dianẹ Ọghẹnẹ hẹ Ọsẹ rẹ ovwan, kẹ ovwan a guọnọ ovwẹ, kidie obọ rẹ Ọghẹnẹ na mi nurhe; me vwẹ ọhorobọ mẹ rhe-e, ẹkẹvuọvo ọye ji vwe rhe.

1 Kọrẹnt 1:28

Ọghẹnẹ jẹ otu ri kpotọ kugbe otu ra jẹfia vwẹ akpọ na reyọ, obo re herọ dede-e, rere o vwo hirhe obo re herọ dẹn na vwọ hẹ emu diodi,

Galesha 4:26

Ẹkẹvuọvo, Jerusalẹm rọ hẹ obenu na, ọmuvwiẹ kọye hẹ oni rẹ avwanre ejobi.

Galesha 6:14

Ẹkẹvuọvo me guọnọ ejiro kaka-a jokpa nẹ vwẹ evun rẹ agbagba rẹ Ọrovwavwanre Jesu Kristi na, rọ nẹrhẹ a kanre akpọ na mu agbagba kẹ vwẹ na, a da rha kanre ovwẹ mu agbagba kẹ akpọ na.

Filipae 3:3

Avwanre hẹ ihwo re yanvwe omamọ rẹ oyanvwe na, re gọ Ọghẹnẹ vwẹ erhi, ri vwi Kristi Jesu vwọ yan eyan, re vwẹ ẹro so ugboma-a.

1 Timoti 3:16

Ẹtẹkuẹte, oye hẹ ẹrhọvwọ, rẹ igbunu rẹ egagọ rẹ avwanre na; Ọ rọ phiare vwẹ ughoma, ẹ Erhi Ọfuanfon brorhiẹ kẹ, rẹ emakashe mrẹre, re ghwoghwori vwẹ ohri rẹ ẹgborho na, re segbuyota vwẹ akpọ na, re mu kpenu vwẹ urinrin.