Solomon 7:13 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹³ Orhomrẹ na re gbo ọnrhe vwevwerhe, emamọ ri siẹ urhuru vọn iwevwi re avwanre, te ekpokpọ te e rẹ awanre, ri mi phihọ oboyi hẹrhẹ owẹ, E ọ re me guọnọre na.

Solomon 7:13 ပူးပေါင်းရင်းမြစ်များ

Jẹnẹsis 30:14

Vwẹ ọke orhọ rẹ eka Rubẹn da mrẹ ivwritegbo vwẹ obo ẹghwa, ọ da vwẹ ayen rhe oni rọye Leah. Etiyin Rachel da ta ki Leah, Biko, Me rẹ wẹ, kẹ vwẹ ivwritegbo rẹ ọmọ wẹn na.

Solomon 2:3

Kerẹ omamọ rẹ orhomrẹ vwẹ ohri rẹ irhe, ọtiọye ọnse mẹ epha vwẹ ohri rẹ imighene Omavwerhe rode mi vwo tidia vwẹ ophie rọye, omamọ rọye kọ miẹmiẹ ovwẹ nẹghẹ nẹghẹ.

Solomon 4:13

Aghọn wẹn da họhọ ọgbọ ri pọmẹgranate e vọnre vẹ emamọ ri me yovwi ejobi, re pha rhọghọ rọghọ vẹ ivwri,

Solomon 4:16

Vrẹn, E odju rẹ obọrhẹ ọnre! yanrhe, E odju rẹ obuko ọnre! Gbe dju phihọ ogba mẹ, gbe jẹn ọnrhe rọye gbo ro asan ejobi. Gbe jẹn ọnse ro je vwe na rhe ogba rọye, rọ re emamọ ro jere ejobi.

Solomon 6:11

Me da yanran kpo ogba rẹ irhe re mọ emamọ, re ni ipho re kpare vwe obo iyara, re ni se irhe ri vain na so phihọ, sẹ pomẹgranate kpa ipho re.

Solomon 8:1

E manẹ wọ dia kerẹ oniọvo kẹ vwẹ, Ọ ro ji vievie re oni mẹ, Me da vwa wẹ vwẹ otafe, ke mia fiọnfiọn owẹ unu, Ohwo ọvuọvo a sa jẹ vwẹ fia-a.

Aizaya 23:18

Oghwa rẹ ẹki rọye kugbe osa ra hwa kẹ ejobi ke ru ayen fon kẹ Ọrovwohwo; a gbe de ghwẹ ayen koko eyẹ mu ayen nyẹ-ẹ, ẹkẹvuọvo oghwa rẹ eki rọye kọ vwẹ emuọre kugbẹ emwa iyoyovwi vwọ kẹ ihwo re dia obaro rẹ Ọrovwohwo

Matiu 13:52

Ọ da ayen nẹ, kosiọbe kosiọbe re vwọ ru odibo rẹ uvie rẹ odjuvwu, ọ họhọ ohwo ro vwo uwevwi, rọ reyọ emu ọkpokpọ kugbe e rẹ awanre nẹ evun rẹ ighẹn rọye cha.

Matiu 25:40

Ovie na kọ kpahe kọ ta kẹ ayen nẹ, Uyota me ta kẹ ovwan, kirobo ri we ruro kẹ ohwo ọvo vwẹ usun rẹ imoni mẹ na, yẹ ovwan ruro kẹ vwẹ.

Iyẹnrẹ Esiri ri Jọn 15:8

Vwẹ oma rẹ ọnana kọyẹ a vwọ vwẹ urinrin kẹ Ọsẹ mẹ rere ovwan vwọ mọ ibi buebu, ọtiọye kọye e vwo dje phia nẹ ovwan idibo mẹ.

1 Kọrẹnt 16:2

Vwẹ ẹdẹ rẹsosuọ rẹ ẹdidjala kẹdidjala, ovwan ohwo ọvuọvo miẹ phiẹ ememu vwọ hẹ akakọ re o koko, kirobo ro yovwi kẹ te, rere e vwo jẹ arhọghọ ẹgba vwẹ ọke re me da rhe.

1 Kọrẹnt 2:9

Ẹkẹvuọvo, kirobo re siro, Obo rẹ ẹro je mrẹ dẹvo-o, eyẹ erhọn ji nyo-o, eyẹ udu rẹ ohwo rẹ akpọ ji roro phia-a, obo rẹ Ọghẹnẹ rhuẹrẹ phihọ otọ kẹ ayen otu re guọnerọ,

Ẹfesọs 5:9

(Kidie emamọ rẹ urhukpẹ vwenẹ a mrẹ vwẹ evun rẹ obo ri yoma ejobi kugbe obo re gbare kugbe uyota);

Filipae 1:11

rere ovwan da rhe vọn vẹ emamọ rẹ ovwata rọ wan oma ri Jesu Kristi rhe, vwọ kẹ urinrin vẹ ejiro rẹ Ọghẹnẹ.

Kolose 3:17

Kemu kemu rẹ ovwan ruẹ ejobi vwẹ ota eyẹ uruemu, we ru ayen vwẹ odẹ rẹ Ọrovwohwo Jesu, rere ovwan wan oma rọye vwẹ ẹkpẹvwẹ kẹ Ọghẹnẹ rẹ Ọsẹ na.

1 Pita 4:11

Kohwo kohwo rọ ta ota, ọ me ta kerẹ ọboepha rẹ Ọghẹnẹ; kohwo kohwo rọ gọ ẹga, ọ me ga vwẹ ogangan rẹ Ọghẹnẹ vwọ kẹ; rere vwi kemu kemu ejobi a sa vwẹ urinrin kẹ Ọghẹnẹ vwẹ oma ri Jesu Kristi. Ọye a vwẹ urinrin kẹ kugbe isuesun bẹdẹ bẹdẹ. Isẹ.