Solomon 6:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Wọ pha yoyovwi kerẹ Tirzah, ọnse mẹ. Ọ vẹ erhuvwu kerẹ Jerusalẹm, O mu oshọ kerẹ unuofovwi rẹ ephiana.

Solomon 6:4 ပူးပေါင်းရင်းမြစ်များ

1 Ivie 14:17

Etiyin aye ri Jeroboam de vrẹn, o de kpo, o de rhi te Tirza. Ro che vwo te ugana rẹ uwevwi na, ọmọ na de ghwu.

1 Ivie 15:21

Ọke ri Baasha vwo nyo, o de gbobọnyẹ Ramah rọ bọn jovwo, ọ da ra dia Tirzah.

1 Ivie 15:33

Vwẹ ikpe rerha rẹ Asa ovie ri Juda, Baasha ọmọ rẹ Ahija de mu ẹriọ phihọ vwẹ Izrẹl vwi Tirzah, ọ da re ikpe uje gbe ẹne.

Une rẹ Ejiro 48:2

Ugbenu ọfuanfon rọye, rọ kpare vẹ erhuvwu, ọye aghọghọ re akpọ na ejobi, Ugbenu ri Zayọn, rọ hẹ obenu shesheri, Orere rẹ Ovie rode na.

Une rẹ Ejiro 48:3

Vwẹ ẹvun rẹ ohẹrhẹ rọye Ọghẹnẹ de djẹ oma rọye phia nẹ ọye ọchochọ.

Une rẹ Ejiro 50:2

Vwe evun ri Zayọn, erhuvwu re urinrin re Ọrovwohwo de lo phia.

Solomon 1:15

Nighe, wo yovwiriọ, ọnse mẹ; nighe wo yovwinọ; ẹro wẹn epha kerẹ ẹro rẹ ilekuku

Solomon 1:5

Mi biri gangan je me pha yoyovwi, E emetẹ ri Jerusalẹm, kerẹ utughẹ ri Kedar, kerẹ amwa rẹ anurhoro ri Solomọn.

Solomon 2:14

E ilekuku mẹ, rọ egbogho rẹ oragha, rọ evun rẹ egadega rọ ugbenu na, ju vwe mrẹ opharo wẹn, ju vwe nyo urhuru wẹn, kidie urhuru wẹn miẹmiẹ, opharo wẹn vwerhe.

Solomon 4:7

Wo yovwi re, ọnse mẹ; A sa mrẹ ekan vwẹ oma wẹ-ẹn.

Solomon 5:2

Me vwerhẹre, ẹkẹvuọvo udu mẹ da rhọvwọ. kerhọn! ọnse mẹ ro je vwe re hworo ẹchẹ. Rhie kẹ vwẹ, oniọvo mẹ, ọnse mẹ, ilekuku mẹ, ọvuọvo mẹ rọ gbare, kidie uyovwi mẹ kpọrhọre vẹ irho, osusu mẹ vẹ irho rẹ ason.

Solomon 6:10

Ọna ono rọ họhọ irhiọke ro rhie cha, vwiọvwọrọ kerẹ emeranvwe, gala gala kerẹ ọnre, ro mu oshọ kerẹ unuofovwi vẹ ephiana?

Uvwerhe 2:15

Otu re wan idjẹrhe na vrẹn ejobi da fa abọ kẹ owẹ, ayen fiunu ji kpogho uyovwi kẹ ọmọte ri Jerusalẹm, “Ọ nana tobọ hẹ orere re se nẹ erhuvwu rọ ghare na aghọghọ rẹ akpọ na ejobi na?”

Zekaraya 12:3

Vwẹ ẹdẹ yena mi che ru Jerusalẹm oragha ọhọhọ kẹ ihwo na ejobi; ihwo re kpaerọ ejobi ke wọma rayen brabra. Ẹgborho na ejobi ki che koko oma vwọ suọ.

2 Kọrẹnt 10:4

Kidie ekuakua rẹ avwanre vwo phiẹ ofovwi na dia e rẹ akpọ na-a ẹkẹvuọvo ọgangan rẹ obenu a vwọ guọghọ ẹgba egangan na.

Ẹfesọs 5:27

rere a sa vwẹ ishọshi na phia vwẹ obaro rọye vwẹ udidi o vwo upe-e eyẹ iriẹ-ẹn eyẹ oghẹre rẹ emu ọtiọye, rere ọ vwọ dia fuanfon o vwo eka-an.

Ẹvwọphia 21:2

Me da mrẹ orere ọfuanfon na, Jerusalẹm ọkpokpọ na, ro wotọ nẹ obọ rẹ Ọghẹnẹ cha vwẹ obo odjuvwu, rọ rhuẹrẹ oma kerẹ ọpha re che vwo kpo orọvwe;