Solomon 5:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Ọnse mẹ ro je vwe, da vwẹ obọ hworo ẹchẹ, oma ko mu vwe sanvwa vwẹ evun mẹ.

Solomon 5:4 ပူးပေါင်းရင်းမြစ်များ

Jẹnẹsis 43:30

Etiyin Josẹf de bru okpakpa, kidie ọhoho rẹ oviẹ gbahọ udu fiki rẹ oniọvo rọye na, ọ da guọnọ asan rọ da viẹ. Ọ da ro uvun rọye ọ da viẹ.

Jẹnẹsis 7:11

Vwẹ ikpe uri erha rẹ akpọ ri Noa, vwẹ emeranvwe rivẹ, vwẹ ẹdẹ ihwe gbẹ ighwrẹ rẹ emeranvwe na, vwẹ ẹdẹ vuọvo yena, ogbugbu kugbe ikokodo rẹ akpọ na da va phia, evakpo rẹ obo odjuvwu na de rhie phihọ.

1 Ivie 3:26

Etiyin aye rẹ ọmọ rọye hẹ ọkpokpọ na da ta kẹ ovie, fikiridie oma rẹ rinrio fiki rẹ ọmọ rọye na, E, ọrovwovwe vwẹ ọmọ ọkpokpọ na kẹ, wo je hwe kaka-a. Ẹkẹvuọvo ọrivẹ da ta, Mi vwo vwọ-ọ, o ji vwo vwọ-ọ; gharọ.

Une rẹ Ejiro 110:3

Ihwo wẹn che siobọ nẹ oma rẹ ayen ọphọphẹ vwẹ ẹdẹ wo de sun otuofovwi wẹn vwẹ igbenu efuanfon wẹn na. Kẹ evun rẹ irhiọke ride. kerẹ evwru rẹ irhiọke ọtiọye ọmọha wẹn cha dia.

Solomon 1:4

Si vwe te oma wẹn, jẹn avwanre bru okpakpa. Ovie reyọ ovwẹ rhe uvun rọye. Oma ko di mu avwanre sanvwan ki mi di muẹ ghọghọ. Avwanre tete ẹguọnọ wẹn nọ udi Ọye sorọ rẹ ayen vwọ guọnọ owẹ.

Jerimaya 31:20

Ifrem ọmọ ọghaghare mẹ na? Ọmọ rọ je vwe o ruẹ? Kidie ọke kọke me da ta ota kpahọ ejobi ye me je karọ phihọ Eriyin na udu mẹ kọ viẹ kpahọ; omuẹro mi che ni aruẹdọ roye, eriyin Ọrovwohwo tare.

Iruo rẹ Iyinkọn na 16:14

Aye ọvo re se Lidia de nyo ota rẹ avwanre, ohwo rẹ orere ri Taitira, ifenudu ọ shẹ, ọgọ Ọghẹnẹ o ruẹ. Ọrovwohwo de rhie udu rọye phihọ kẹ eta ri Pọl ta kẹ.

2 Kọrẹnt 8:16

Ẹkẹvuọvo ẹkpẹvwẹ kẹ Ọghẹnẹ ro phi ẹnwẹn rẹ ẹro evwote rẹ ovwan ọvuọvo na phihọ udu ri Taetọs.

Filipae 2:13

kidie Ọghẹnẹ ri ruẹ iruo vwẹ evun rẹ ovwan, ọye re rhọvwa nẹ we ru iruo fiki rẹ erhuvwu rọye.