Solomon 5:16 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁶ Ota rọye miẹmiẹ, o di muẹ ohwo jẹ. Ọnana ọ ro je vwe na, Ọnana ugbeyan mẹ, E emetẹ ri Jerusalẹm.

Solomon 5:16 ပူးပေါင်းရင်းမြစ်များ

2 Samuẹl 1:23

Sọl vẹ Jonatan, guọnọ ohwohwo gangan! Vwẹ arhọ yẹrẹ ughwu ayen hẹriẹ oma-a; ayen rhan phẹrẹ nọ igo, ayen goma nọ ikpohrokpo.

Une rẹ Ejiro 119:103

Mavọ ota wẹn vwerhe kẹ vwẹ te, ọ vwerhe nọ ọnyọn kẹ unu mẹ!

Une rẹ Ejiro 148:13

Jẹn ayen jiri odẹ rẹ Ọrovwohwo na, kidie odẹ rọye ọvo a kpare kpenu; urinrin rọye ọ hẹ enu rẹ akpọ vẹ odjuvwu.

Une rẹ Ejiro 19:10

Eye obo ra guọnọ vrẹn otọ, oyovwi vrẹn omamọ rẹ oro ọ vwerhe nọ ọnyọn kugbe evwavwa re ọnyọn ro suẹn prapra.

Une rẹ Ejiro 45:2

Wẹ ri me yovwi vwẹ usun rẹ emọ rẹ ihwo; erhuvwu a ghwẹ vọn ẹbẹrunu wẹn, fiki rẹ ẹtiọyẹ na Ọghẹnẹ vwo bruphihọ kẹ bẹdẹ.

Une rẹ Ejiro 89:6

Kidie kono obenu na re vwo dje we Ọrovwohwo? Ono vwe ohri re ihwo re obo odjuvwu na re họhọ Ọrovwohwo,

Solomon 1:16

Nighe wo yovwiriọ, ọnse mẹ ro je vwe, ọnse mẹ rẹ uyota. Ehwa ra avwanre ọgiọgiọ,

Solomon 1:2

E mane wọ vwẹ unu wẹn vwọ fiọnfiọn ovwẹ! kidie ẹguọnọ wẹn, o yovwi nọ udi.

Solomon 1:5

Mi biri gangan je me pha yoyovwi, E emetẹ ri Jerusalẹm, kerẹ utughẹ ri Kedar, kerẹ amwa rẹ anurhoro ri Solomọn.

Solomon 2:1

Mẹvwẹ ododo ri Sharọn, ododo rọ hẹ evun rẹ iyara.

Solomon 2:16

Ọnse mẹ na ọmẹ oruẹ mẹvwẹ je vwẹ ọrọye, o ro suẹn igodẹ rọye vwẹ ohri re idodo na.

Solomon 2:3

Kerẹ omamọ rẹ orhomrẹ vwẹ ohri rẹ irhe, ọtiọye ọnse mẹ epha vwẹ ohri rẹ imighene Omavwerhe rode mi vwo tidia vwẹ ophie rọye, omamọ rọye kọ miẹmiẹ ovwẹ nẹghẹ nẹghẹ.

Solomon 4:3

Ẹbẹrunu rẹ ovwan vware kerẹ isene, ugbunu wẹn epha yoyovwi Egban wẹn epha kerẹ ẹbẹre ri pomegranate Vwẹ obuko rẹ oga wẹn

Solomon 6:3

Mẹvwẹ ọ rọ ro je vwe na ọ ro je vwe na je hẹ ọmẹ; Ọ ra ghẹre igodẹ rọye vwẹ ohri re idodo na.

Solomon 7:9

Unu ẹfiọnfiọn wẹn cpha kerẹ udi ọvwevwerhe rọ djẹ ghwrọrọ kpọ obo evun, rọ ghwrọrọ wan ẹbẹrunu vẹ ibiako.

Jerimaya 15:16

A mrẹ eta wẹn, me da riẹn ayen, eta wẹn da dia aghọghọ kẹ vwẹ kugbe omavwerhovwẹ kẹ ubiudu mẹ; kidie a vwẹ odẹ wẹn se vwe nure, E Ọrovwohwo, Ọghẹnẹ rẹ ofovwi.

Jerimaya 3:20

Uyota, obo re aye ọfafarhiẹ yan jẹ ọshare rọye vwo ye, eriyin ovwan gbe ofarhiẹ rhurhu vwe, E uwevwi rẹ Izrẹl, eriyin Ọrovwohwo tare.

Hosia 3:1

Ọrovwohwo da ta kẹ vwẹ, Rhoma yanran, ra guọnọ aye ra riẹriẹ nẹ obọ obọ wẹn, ọ ro gbe igbaradja na, kirobo rẹ Ọrovwohwo guọnọ ihwo rẹ Izrẹl, dede na yẹ ayen hirhe bru edjọ efa re guọnọ ikara re vuvwuru.

Galesha 2:20

A kanre ovwẹ vi Kristi mu agbagba nure, ọ gbe dia omẹvwẹ re herọ na-a, ẹkẹvuọvo, kẹ Kristi re herọ vwẹ evun mẹ; akpọ ri mi yere vwẹ esegbuyota rọ hẹ oma rẹ ọmọ rẹ Ọghẹnẹ, rọ guọnọ ovwẹ rọ da vwẹ oma rọye kẹ vwẹ.

Filipae 3:8

Mrẹmrẹ mi kere ayen kirobo ri ghwruru fiki rẹ obo rọ rhonọ emu re me vwọ riẹn Kristi Jesu nẹ ọye hẹ Ọrovwovwe. Fiki rọye mi vwo ku emu na ejobi kufia, mi de ni ayen kerẹ isọn, rere mi se vwo Kristi

Jems 2:23

Ọbe ọfuanfon na da gba rọ tare nẹ, Ebraham de se Ọghẹnẹ gbuyọta, ọ da nẹrhẹ e kere phihọ ọvwata; e de se ugbeyan rẹ Ọgbẹnẹ.

Jems 4:4

Ovwan igberadja rẹ eya na, ovwan rha riẹn nẹ ugbeyan rẹ vwo mu ekuakua rẹ akpọ na, ọvweghrẹ vwẹ obaro rẹ Ọghẹnẹ? Fiki rẹ eriyin na, kohwo kohwo ro mu ugbeyan rẹ akpọ na, yọ vwẹ oma ru ọvweghrẹ rẹ Ọghẹnẹ.