Solomon 4:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Wọ hra ẹnwẹn mẹ, oniọvo mẹ, ọpha mẹ, wọ vwẹ inieni rẹ ẹro wẹn na hra udu mẹ, ọ vẹ ufi rẹ evwarha rọ hẹ ohọre wẹn.

Solomon 4:9 ပူးပေါင်းရင်းမြစ်များ

Jẹnẹsis 20:12

Uyota oniọvo mẹ o ghine ruẹ, ọmọtẹ rẹ ọsẹ mẹ ẹkẹvuọvo ọ dia ọmọ rẹ oni mẹ-ẹ, kọye mi de vwo ru aye.

Jẹnẹsis 41:42

Etiyin Fero da ghwiẹ isa nẹ obo rọye o de kuo phihọ obo ri Josẹf, o de ku adagba ọfuanfon phihọ oma, o de ku ọjọnrọn re oro phihọ ohọre;

Une rẹ Ejiro 45:9

emetẹ rẹ ivie hẹ usun rẹ emetẹ wẹn ride na; oviẹ rẹ aye rọ vwẹ ọro rẹ ọphir rhuẹrẹ oma mudia vwẹ obọrhe wẹn.

Isẹ 1:9

kidie ayen omamọ rẹ erhu wo vwo tughẹ uyovwi wẹn, vẹ evwarha ru wọ gba phihọ ohọre.

Isẹ 6:25

Wo jẹ urhuru rẹ erhuvwu rọye si we vwẹ udu wẹ-ẹn, wo ji jọ vwẹ iphophẹro rọye mu we reyọ-ọ,

Solomon 1:10

Egban wẹn pha rhọrọrhọrọ vẹ ekuakua rẹ osẹnvwe wẹn, wọ gba ufi rẹ evwarha rẹ ivie mu ohọre.

Solomon 1:15

Nighe, wo yovwiriọ, ọnse mẹ; nighe wo yovwinọ; ẹro wẹn epha kerẹ ẹro rẹ ilekuku

Solomon 3:11

Wa yan phia, E emetẹ ri Zayọn, re we ni Ovie Solomọn, vẹ erhu rẹ ovie rẹ oni rọye vwo tughẹ vwẹ ẹdẹ re vwo sun aye rhe, vwẹ ẹdẹ rẹ udu rọye vọnre vẹ aghọghọ.

Solomon 4:10

Mavọ ẹguọnọ wẹn vwerhe te, oniọvo mẹ, ọpha mẹ! Ẹguọnọ wẹn ọ vrẹn avwerhe rẹ udi, ọnrhe ororo rẹ ori wẹn gbo nọ egẹn.

Solomon 4:12

Ogba ra kanre ọye oniọvo mẹ, ọpha mẹ ruẹ, ogba ra kanre, ogbugbu re diri.

Solomon 6:12

Tavwe me ke rhe riẹn, mi de fovwi ẹro ra mrẹ ekpẹrẹ vwẹ oma rẹ osun mẹ

Solomon 6:5

Si ẹro wẹn ne uvwe, kidie i ju vwe nwẹ-ẹn– Ẹton wẹn họhọ rẹ ẹvwe, ri pho nene ọghwrọrọ ri Gilead cha.

Solomon 7:10

Mẹvwẹ ọ rọ re me guọnọre na, ẹguọnọ rọye ejobi mẹvwẹ o ji vwo kẹ

Aizaya 54:5

Kidie Oma rọ ma wẹ ọye ọshare wẹn, Ọrovwohwo rẹ otuofovwi na ọye odẹ rọye; Ọfuanfon Ọvuọvo rẹ Izrẹl na ọye Ọtan wẹn Ọghẹnẹ rẹ akpọ ejobi ọye e se.

Aizaya 62:5

Kirobo rẹ emeghene jovwo ọmọtobẹ na, eriyin emọ wẹn cha rọvwọ owẹ, kirobo rẹ ọshare re ọpha ghọghọ gbe ọpha rọye na, eriyin Ọghẹnẹ wẹn ghọghọ vwẹ oma wẹ.

Izikiẹl 16:11

Me da nabọ wene uwe oma djọghrọ, mi de ku ikoro phihọ owẹ abọ, mi de ku ojọrọn phihọ ohọre wẹn.

Izikiẹl 16:8

Ọke re me vwọ rhoma wanvrẹn wẹ ri mi vwo ni we, nighe, yu wo te ovwerhẹ nure; me da vwẹ ewun mẹ vwo phopho uwe, mi de rhurhu ẹban wẹn: uyota, me da sa wẹ hẹ otọ me vẹ owẹ da re ọphọ, eriyin Ọrovwohwo Ọghẹnẹ tare, wo de hirhe phihọ ọmẹ.

Daniẹl 5:7

Ovie na de kperi nẹ a reyọ otu rẹ eboepha na rhe, ihwo ri Kaldia na, kugbe ihwo ri nẹ isio na. Ovie na da ta kẹ evwaghawnre ri Babilọn ohwo kohwo ro se se obo re siri na, ọ da rha fan otọ rọye kẹ vwẹ, ka vwẹ emwa rẹ isene vwọ rhuo, e mi rhe phi ojọnrọn rẹ oro phihọ ohọre rọye, kọ dia ohwo rerha vwẹ uvie na.

Zẹfanaya 3:17

Ọrovwohwo na Ọghẹnẹ wẹn, ọ hẹ uherevie wẹn, ọgba rẹ ofovwi rọ kẹ ohwo obọẹkparọ, kọ ghọghọ aghọghọ riarie owe phihọ, kọ vwẹ ẹguọnọ rọye ru we phihọ ọkpọkpọ, kọ sọ une rẹ aghọghọ riariẹ owẹ phihọ

Matiu 12:50

Kidie ohwo kohwo ro ru ẹguọnọ rẹ Ọsẹ mẹ rọ hẹ obo odjuvwu, ọye hẹ oniọvo mẹ rẹ oshare kugbe ọ rọ ọmọtẹ kugbe oni mẹ.

Iyẹnrẹ Esiri ri Jọn 3:29

Ọ rọ yanvwe ọpha ọye hẹ ọshare rẹ ọpha; ugbeyan rẹ ọshare rẹ ọpha na, ro mudia kẹrẹ ro nyo ota rọye, oma ra vwerhọn vwẹ urhuru rẹ ọpha na ro nyo; vwẹ ọtiọye na aghọghọ mẹ na kẹ ọvọnvọn.

1 Kọrẹnt 9:5

Avwanre rhe vwo ogangan ra vwọ reyọ aye nene oma, kirobo rẹ iyinkọn efa kugbe imoni rẹ Ọrovwohwo na kugbe Kẹfas ruẹ?

2 Kọrẹnt 11:2

Me hẹ evu rẹ omaẹriọ ro nẹ obenu rhe kpahe ovwan, kidie me sa ovwan vwọ hẹ otọ kẹ Kristi rere ovwan dia omamọ rẹ ọpha kẹ ọshare ọvuọvo na.

Ẹvwọphia 21:2

Me da mrẹ orere ọfuanfon na, Jerusalẹm ọkpokpọ na, ro wotọ nẹ obọ rẹ Ọghẹnẹ cha vwẹ obo odjuvwu, rọ rhuẹrẹ oma kerẹ ọpha re che vwo kpo orọvwe;