Solomon 4:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Bẹsiẹ rẹ ọke che vwo she re de je uhoho ẹmrẹ, ke me djẹ kpo enu rẹ ugbenu rẹ adjija epha vẹ ugbenu rẹ egẹn.

Solomon 4:6 ပူးပေါင်းရင်းမြစ်များ

Une rẹ Ejiro 66:15

Mi che ze izobo rẹ ẹtorhẹ rẹ eranvwe vẹ ivwri kẹ wẹ, vẹ ivwirhi rẹ izobo rẹ egbo, Mi ze izobo rẹ erhuẹn ọshare vẹ ẹvwe.

Ẹyano 20:24

Agbada rẹ ekpẹn ọye wo so kẹ vwẹ kẹ enu rọye we de ze izobo rẹ ẹtorhẹ vẹ izobo rẹ ufuoma, igodẹ wẹn vẹ irhuẹn wẹn; vwi kasan kasan re me da tanẹ a karohọ odẹ mẹ ejobi ki mi bru uwe rhe ki mi bruba kẹ wẹ.

Ẹyano 30:8

Erọn da vwẹ irhukpẹ na mu vwẹ ovwonvwọn, ọ me torhẹ, kọ dia ughoduma ri bẹdẹ kẹ Ọrovwohwo vwẹ uvwiẹ wẹn ejobi.

Ẹyano 37:29

O de ji chere ori ọfuanfon re vwo ghworo rhe, omamọ rẹ ugboduma ro gbo ọnrhe ororo, rẹ echeri rẹ a gua kugbe.

Solomon 2:17

Bẹsiẹ rẹ ọke vwọ she rẹ uhoho vwọ djẹ, rhoma, ọnse mẹ rọ je vwe, gba họhọ orhua, eyẹ upene rẹ uguzuma rọ he egadega rẹ ugbenu.

Solomon 3:6

Die ri nẹ evun rẹ aton na cha na, rọ họhọ ukori rẹ ivwirhi, ro gbo ọnrhe rẹ egẹn vẹ adjija na, vẹ ọnrhe ghwoghwo rẹ ọneki?

Solomon 4:14

Oka rẹ emamọ ejobi, te ra fuan te i re mwo te irhe ejobi ri gbo ọnrhe rẹ egẹn, egẹn kugbe adjija, te ishasha te irierie

Solomon 8:14

Jọ phẹre, ọnse mẹ, ru wọ dia kerẹ orhua, eyẹ upene re odẹ vwẹ enu re ugbenu ro gbo ọnrhe rẹ egẹn.

Aizaya 2:2

Ọke che te vwẹ ukuko rẹ ẹdẹ na, re ugbenu rẹ uwevwi rẹ Ọrovwohwo che vwo mudia gogorogo vwẹ usun rẹ igbenu na, ko che kpenu nọ igbenu na; irere na ejobi ki che rhurie ruọ,

Malakae 1:11

Kidie nẹ evacha rẹ ọnre re te eshe kpotọ rọye odẹ mẹ re cha rho vwẹ ohri rẹ ẹgborho na ejobi, vwi kasan kasan ejobi ọye a da torhẹ insẹns kẹ odẹ mẹ, kugbe omamọ rẹ ẹkpẹvwẹ rọ fonrọ; kidie odẹ mẹ ọrhuarho vwẹ ohri rẹ ẹgborho na, eriyin Ọrovwohwo rẹ otuofovwi na tare.

Malakae 4:2

Ẹkẹvuọvo vwọ kẹ ovwan re djẹ oshọ mẹ na uvo rẹ ọvwata cha bẹrẹ mu ayen, ọ vẹ esivwo vwẹ ibekpe rọye. Ku we che pho kerẹ upene rẹ erhuẹn ro nẹ urhuẹn rọye cha.

Iyẹnrẹ Esiri ri Luk 1:78

fiki rẹ arodọvwẹ rẹ Ọghẹnẹ rẹ avwanre, ọye Isio rẹ Urhiọke vwo nẹ enu bru avwanre rhe

2 Pita 1:19

Ota rẹ aroẹmrẹ na ko muẹro phihọ. Ovwan ke riẹn ru rẹ ovwan da kerhọn rẹ ọnana kerẹ urhukpẹ rọ la vwẹ evun rẹ ebri, bẹsiẹ rẹ ọke vwo rhiẹ rẹ isio rẹ urhiọke cha vwọ varhe vwẹ udu rẹ ovwan.

1 Jọn 2:8

Yẹ urhi ọkpokpọ mi siẹ rhe ovwan na, rọ hẹ uyota vwẹ oma rọye kugbe evun rẹ ovwan, fikiridie ebri na ra wanvrẹn re yẹ urhukpẹ rẹ uyota na hiro lo re.

Ẹvwọphia 22:16

Mẹvwẹ ri Jesu ri ji amakashe mẹ rhe we ro se iseri nana kẹ ishọshi na. Mẹvwẹ hẹ owọ kugbe upene ri Devid, isio rẹ irhiọke ro lo.

Ẹvwọphia 5:8

Ọke rọ vwọ reyọ ọbe na nu eranvwe ekpokpọ ẹne na kugbe ekpako uje gbe ẹne na de she diguẹ vwẹ obaro rẹ Omogodẹ na, ọvuọvo yọnrọn isorogu, kugbe udjokpo rẹ oro rọ vọnre vẹ ugboduma, keye hẹ ẹrhovwo rẹ ihwo efuanfon na;