Solomon 4:10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁰ Mavọ ẹguọnọ wẹn vwerhe te, oniọvo mẹ, ọpha mẹ! Ẹguọnọ wẹn ọ vrẹn avwerhe rẹ udi, ọnrhe ororo rẹ ori wẹn gbo nọ egẹn.

Solomon 4:10 ပူးပေါင်းရင်းမြစ်များ

Solomon 1:12

Ọke rẹ ovie na vwọ enu rẹ ehwa rọye, ọnrhe rẹ udẹ mẹ de bru rhe.

Solomon 3:6

Die ri nẹ evun rẹ aton na cha na, rọ họhọ ukori rẹ ivwirhi, ro gbo ọnrhe rẹ egẹn vẹ adjija na, vẹ ọnrhe ghwoghwo rẹ ọneki?

Solomon 4:9

Wọ hra ẹnwẹn mẹ, oniọvo mẹ, ọpha mẹ, wọ vwẹ inieni rẹ ẹro wẹn na hra udu mẹ, ọ vẹ ufi rẹ evwarha rọ hẹ ohọre wẹn.

Solomon 5:5

Mi de vrẹn ri mi rhie ẹchẹ kẹ ọ ro je vwe, abọ mẹ ki bo she vẹ adjija, irhiabọ mẹ da kpọrhọ vẹ ame rẹ adjija na, re me vwọ ghwabọ kpahe usiaphrẹ na.

Solomon 7:6

Mavọ erhuvwu wẹn mu urinrin te, E ọvuọvo re me guọnọre na, ọmọtẹ vẹ erhuvwu!

Galesha 5:22

Ẹkẹvuọvo omamọ re Erhi na hẹ ẹguọnọ, aghọghọ, ufuoma, ako echiro, ufuefu, uyoyovwi, esegbuyota,

Filipae 4:18

A hwa osa gba kẹ vwẹ, a tobọ hwa kpahe; evun vọn vwẹ, ọko re wa phare kẹ Epafroditọs vwo rhe vwe te vwe obọ, ọko ro gbo ọnrhe ororo, iye ro miere ro je Ọghẹnẹ.

Ẹvwọphia 5:8

Ọke rọ vwọ reyọ ọbe na nu eranvwe ekpokpọ ẹne na kugbe ekpako uje gbe ẹne na de she diguẹ vwẹ obaro rẹ Omogodẹ na, ọvuọvo yọnrọn isorogu, kugbe udjokpo rẹ oro rọ vọnre vẹ ugboduma, keye hẹ ẹrhovwo rẹ ihwo efuanfon na;