Solomon 3:11 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹¹ Wa yan phia, E emetẹ ri Zayọn, re we ni Ovie Solomọn, vẹ erhu rẹ ovie rẹ oni rọye vwo tughẹ vwẹ ẹdẹ re vwo sun aye rhe, vwẹ ẹdẹ rẹ udu rọye vọnre vẹ aghọghọ.

Solomon 3:11 ပူးပေါင်းရင်းမြစ်များ

Une rẹ Ejiro 48:11

jẹn Ugbenu ri Zayọn ghọghọ! Jẹn emetẹ ri Juda ghọghọ fiki rẹ orhiebro wẹn!

Une rẹ Ejiro 9:14

rere me vwẹ obọ te otọ gbe ikun rẹ ejiro wẹn, rere vwẹ anurhoro rẹ ọmọtẹ ri Zayọn. Me sa vwọ ghọghọ vwẹ esivwo wẹn.

Solomon 1:5

Mi biri gangan je me pha yoyovwi, E emetẹ ri Jerusalẹm, kerẹ utughẹ ri Kedar, kerẹ amwa rẹ anurhoro ri Solomọn.

Solomon 2:7

Ju vwe riẹn E emetẹ ri Jerusalẹm, mẹvwẹ orhua rẹ aghwa rọ vẹ awọ godogbo vwọ djẹ nẹ oma bru we ọjẹjẹ-ẹ bẹsiẹ rẹ urhuru rọye vwo si we.

Solomon 7:11

yanrhe, ọ re me guọnọre na, yanrhe re kpo obo evun rẹ ikogbe, rere ewon phihọ evun rẹ ọko.

Solomon 8:5

Oyono re yan nẹ evun rẹ aghwa na cha na, Rọ vwẹ oma rẹrẹ ọnse rọye na? Vwẹ obotọ rẹ orhomrẹ na me da rhọvwọ owẹ. Etiyin oni wẹn da chuvwiẹ wẹ, Etiyin ohwo ro vwiẹ wẹ na da chuvwiẹ.

Aizaya 4:4

vwẹ ọke rẹ Ọrovwohwo da cha hworhẹ inuhu rẹ emetẹ ri Zayọn nu, rọ da cha hworhẹ ipe rẹ ọbara ri Jerusalẹm nẹ uherevie rọye nu vwẹ erhi rẹ ọrhiẹbro kugbe erhi rẹ ẹtorhẹ.

Aizaya 53:11

kọ cha mrẹ omamọ rẹ uvwiẹ ẹchuẹ rẹ erhi rọye evun kọ vọn, vwẹ erianriẹn rọye ọye ọvwata mẹ na, odibo mẹ, vwo ru ihwo buebu phihọ ọvwata; ko mu oghwa rẹ orukuruku rayen.

Aizaya 62:5

Kirobo rẹ emeghene jovwo ọmọtobẹ na, eriyin emọ wẹn cha rọvwọ owẹ, kirobo rẹ ọshare re ọpha ghọghọ gbe ọpha rọye na, eriyin Ọghẹnẹ wẹn ghọghọ vwẹ oma wẹ.

Aizaya 9:6

Kidie avwanre e vwiẹ ọmọ na kẹ, avwanre a vwẹ ọmọ na kẹ, isuesun na kẹ igabọ rọye ọ cha dia, ke se odẹ rọye Ọgba-Aghwanre, Ọghẹnẹ ro vwo Ogangan, Ọsẹ ri Bẹdẹ, Ọmọ rẹ ovie rẹ Ufuoma.

Jerimaya 2:2

Yanran wo re ghwoghwo kẹ ihwo rẹ Jerusalẹm, Ene Ọrovwohwo tare, Me karohọ ẹga rẹ ọke emọ wẹn, ẹguọnọ wẹn kerẹ ọpha, obo wo nene uvwe te vwẹ evun rẹ aghwa vwẹ otọ ra kọnre-e.

Jerimaya 32:41

Me cha ghọghọ vwẹ emu esiri ri mi ru kẹ ayen, ke me kọn ayen phihọ evun rẹ otọ nana vwẹ esegbuyota, kugbe udu vẹ ẹnwẹn mẹ ejobi.

Zẹfanaya 3:17

Ọrovwohwo na Ọghẹnẹ wẹn, ọ hẹ uherevie wẹn, ọgba rẹ ofovwi rọ kẹ ohwo obọẹkparọ, kọ ghọghọ aghọghọ riarie owe phihọ, kọ vwẹ ẹguọnọ rọye ru we phihọ ọkpọkpọ, kọ sọ une rẹ aghọghọ riariẹ owẹ phihọ

Zekaraya 6:11

Wo mie ayen idọnọ ọfuanfọn vẹ oro, vwo ru erhu rẹ ovie ọvo, re wo vwo tughẹ uyovwi ri Joshua, ọmọ ri Jehozadak, orherẹn ro kpenu na,

Matiu 12:42

Ovie rẹ aye, Sheba cha vwẹ orua nana guẹdjọ ro de bru hwe; Kidie o nẹ oba rẹ akpọ rhe ri yono ẹghwanre ri Solomọn; gbe nighe, ọ rọ rho nọ Solomọn hẹ etinẹ.

Iyẹnrẹ Esiri ri Luk 15:32

O fori re vwo omavwerhe ra ghọghọ, kidie oniọvo wẹn nana ghwuru jovwo, ọ rhoma varhe, o ghwruru jovwo, a rhoma mrẹ,

Iyẹnrẹ Esiri ri Jọn 15:11

Imu nana me ta kẹ ovwan, rere aghọghọ mẹ vwọ sa dia evun rẹ ovwan, rere aghọghọ rẹ ovwan yena vwọ vọn.

Iyẹnrẹ Esiri ri Jọn 3:29

Ọ rọ yanvwe ọpha ọye hẹ ọshare rẹ ọpha; ugbeyan rẹ ọshare rẹ ọpha na, ro mudia kẹrẹ ro nyo ota rọye, oma ra vwerhọn vwẹ urhuru rẹ ọpha na ro nyo; vwẹ ọtiọye na aghọghọ mẹ na kẹ ọvọnvọn.

Kolose 1:18

Ọye hẹ uyovwi rẹ oma na, kọye hẹ ishoshi na; ọye hẹ ẹtuọhọ, ọye hẹ ọmọ ọkpako ro ke vrẹn nẹ ughwu rhe, rere ekpuyovwi rọye ọvo vwọ dia ọ ro me kpenu vwẹ enu rẹ emu na ejobi.

Hibru 13:13

Vwẹ ọtiọye na e gbe jẹn avwanre bro kpo obo erhọn rọ hẹ ughere na, rere avwanre ghwa oghwa rẹ ekan fiki rọye.

Hibru 2:9

Ẹkẹvuọvo avwanre mrẹ Jesu, ra mare kpotọ emerha nọ emakashe na, ra vwẹ urinrin vẹ ọghọ tughẹ fiki rẹ oja rẹ ughwu, ọtiọye na vwẹ oma rẹ ẹserọphẹ rẹ Ọghẹnẹ ọ sa vwọ davwe ughwu kẹ ohwo kohwo.

Ẹvwọphia 1:7

Nighe, ọ cha vwẹ irharheghe, ẹro kẹro ke mrẹ, ohwo kohwo ro duvwuro; uvwiẹ rẹ akpọ na ki kuenu rẹ oviẹ. Eriyin ọ dia. Isẹ.

Ẹvwọphia 19:12

Ẹro rọye vwara kerẹ erhanre, ọ da gba evwarha buebu mu uyovwi; e de si odẹ ọvo tamuo rẹ ohwo ọfa riẹnre-e jokpa rẹ ekpuyovwi rọye ọvo.

Ẹvwọphia 19:7

E jẹn avwanre ghọghọ re a kparọ kpenu ra vwẹ urinrin kẹ, kidie orọvwe rẹ Omogodẹ na tere, Ọpha rọye choma rọye nure;