Solomon 3:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Vwẹ enu rẹ ehwa mẹ vwẹ evun rẹ ason, Me da guọnọ ohwo rẹ ẹnwẹn mẹ guọnọre na. Me guọnerọ, ẹkẹvuọvo me mrẹrẹ-ẹ. Mi sere, ẹkẹvuọvo o nyo kẹ vwẹ-ẹ.

Solomon 3:1 ပူးပေါင်းရင်းမြစ်များ

Une rẹ Ejiro 22:2

E Ọghẹnẹ mẹ, mi kperi se we vwẹ oghẹruvo ẹkẹvuọvo wo nyori-i, vwe evun rẹ ason, mi ji rhurhu unu-u.

Une rẹ Ejiro 4:4

Mu ophu, ẹkẹvuọvo wọ ru umwemwu-u; nene udu wẹn gbe ikun vwẹ enu rẹ ehwa wẹn, re wọ fọ gbiẹi.

Une rẹ Ejiro 6:6

Oma rẹ oviẹ na rhọ vwẹ, kason kason me vwọ kpọrhọ ehwa mẹ vẹ oviẹ, ukpe mẹ kpọrhọre vẹ ame oviẹ.

Solomon 1:7

Ta kẹ vwẹ, wẹ rẹ erhi mẹ guọnọre, Asan ru wọ da ghẹrẹ uchuru wẹn, Asan ri de rhuẹn vwẹ oghẹruvo Die sorọ me vwọ họhọ ọ ro suosuo vwẹ oma rẹ uchuru rẹ otu wẹn?

Solomon 5:6

Mi de rhie ẹchẹ kẹ ọ ro je vwe na, ẹkẹvuọvo ọ ro je vwe na chuko ku ọ da yanran. Udu de nu uvwe awọ rọ vwọ ta ota na, Me guọnerọ, ẹkẹvuọvo me rha mrẹ-ẹ, Mi sere, ẹkẹvuọvo ọ kpahe ota-a.

Solomon 5:8

Mi ju we riẹn, E emetẹ ri Jerusalẹm, ọ da dianẹ wọ mrẹ ọ ro je vwe na, gba ta kẹ nẹ urhuru rọye si vwe

Aizaya 26:9

Urhuru wẹn re si ẹnwẹn mẹ vwẹ ason, ẹnwẹn mẹ nabọ vwẹ oma kpotọ guọnọ owẹ Kidie ọke rẹ ọrhiebro da hẹ evun rẹ akpọ na re, ihwo rẹ akpọ na ki yono ọvwata.

Aizaya 55:6

Guọnọ Ọrovwohwo bẹsiẹ ra vwọ mrẹ, se vwẹ ọke ro vwo si kẹre na;

Iyẹnrẹ Esiri ri Luk 13:24

Pharhe re wọ sa ro anurhoro ọhwahwa na; kidie buebu, me ta kẹ wẹ, re cha guọnọ ro yẹ ayen sa ruọ-ọ.

Iyẹnrẹ Esiri ri Jọn 11:29

Ọke ro vwo nyo, o de vrẹn kpre o de bro rhe.

Iyẹnrẹ Esiri ri Jọn 21:17

Ọ da ta kẹ obọ rerha, Saimọn, ọmọ ri Jọn, wọ guọnọ ovwẹ? Ophu de mu Pita rọ vwọ nọ asiarha gbagba nẹ, Wọ guọnọ ovwẹ? Ọ da ta kẹ, Ọrovwohwo, wọ riẹn emu ejobi re; wọ riẹnre nẹ me guọnọ owẹ. Jesu da ta kẹ, Ghẹrẹ igegede mẹ.

1 Pita 1:8

Ovwan je mrẹ dẹvo-o yẹ ovwan guọnerọ; dede nẹ ovwan je mrẹ dẹvo-o na yẹ ovwan sere gbuyota, ovwan da ghọghọ vẹ omavwerhe rẹ unu se gbe-e.