Solomon 2:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ Urhuru rẹ ọnse mẹ! Nighe, ọ yan cha, o re pho kraekrae vwẹ obenu rẹ ugbenu, ọ ra rhan wan igbenu rẹ itete na.

Solomon 2:8 ပူးပေါင်းရင်းမြစ်များ

2 Samuẹl 6:16

Eriyin ekpeti rẹ Ọrovwohwo de rhi te otorho ri Devid, Mikal rẹ ọmọtẹ ri Sọl da wan ovakpo ni ovie Devid ro vwo gbe eha vwẹ obaro rẹ Ọrovwohwo vẹ ọjẹfia vwẹ udu rọye.

Solomon 2:17

Bẹsiẹ rẹ ọke vwọ she rẹ uhoho vwọ djẹ, rhoma, ọnse mẹ rọ je vwe, gba họhọ orhua, eyẹ upene rẹ uguzuma rọ he egadega rẹ ugbenu.

Solomon 4:16

Vrẹn, E odju rẹ obọrhẹ ọnre! yanrhe, E odju rẹ obuko ọnre! Gbe dju phihọ ogba mẹ, gbe jẹn ọnrhe rọye gbo ro asan ejobi. Gbe jẹn ọnse ro je vwe na rhe ogba rọye, rọ re emamọ ro jere ejobi.

Solomon 5:2

Me vwerhẹre, ẹkẹvuọvo udu mẹ da rhọvwọ. kerhọn! ọnse mẹ ro je vwe re hworo ẹchẹ. Rhie kẹ vwẹ, oniọvo mẹ, ọnse mẹ, ilekuku mẹ, ọvuọvo mẹ rọ gbare, kidie uyovwi mẹ kpọrhọre vẹ irho, osusu mẹ vẹ irho rẹ ason.

Aizaya 35:6

Etiyin ukpono ko pho kerẹ uzo, ẹrenvwe ro diunu kọ so ine rẹ aghọghọ. Kidie ame cha varhe vwẹ evun rẹ aghwa, ito ke cha djẹ nẹ aton rhe,

Aizaya 44:23

So ine, E idjuvwu, kidie Ọrovwohwo ruro nure; kperi, E ovwan ikokodo rẹ akpọ na, van so ine, E igbenu na, E egbo, kugbe urhe kurhe rọ herọ! Kidie Ọrovwohwo tan Jekọp nure, ka vwẹ urinrin kẹ vwẹ Izrẹl.

Aizaya 52:7

Mavọ awọ rayen yovwi te vwẹ enu rẹ igbenu na ayen ihwo re ghwa ikun esiri na rhe, ri ghwoghwo ufuoma, rọ ghwa ikun esiri oyoyovwi, ri ghwoghwo esivwo, rọ ta kẹ Zayọn, Ọghẹnẹ wẹn herọ ria uvie.

Jerimaya 48:27

Izrẹl rha dia ehwẹjẹ kẹ wẹ jovwo? A mrẹrẹ vwẹ ohri rẹ iji dẹvure, vwẹ ọke kọke wọ da ta ota rọye wo mie kpogho uyovwi?

Iyẹnrẹ Esiri ri Luk 6:23

Ghọghọ vwẹ ẹdẹ yena, mu pho vẹ aghọghọ, kidie nighe, osa rẹ ovwan pha rhuarho vwẹ obo odjuvwu; kidie ọtiọye esẹ rayen ru kẹ emraro na.

Iyẹnrẹ Esiri ri Jọn 10:27

Igodẹ mẹ nyo urhuru mẹ, me riẹn ayen, ayen nene uvwe;

Iyẹnrẹ Esiri ri Jọn 3:29

Ọ rọ yanvwe ọpha ọye hẹ ọshare rẹ ọpha; ugbeyan rẹ ọshare rẹ ọpha na, ro mudia kẹrẹ ro nyo ota rọye, oma ra vwerhọn vwẹ urhuru rẹ ọpha na ro nyo; vwẹ ọtiọye na aghọghọ mẹ na kẹ ọvọnvọn.

Iruo rẹ Iyinkọn na 14:10

Ọ da van ta kẹ, Vrẹ mudia. O de pho kpenu ọ da yan.

Iruo rẹ Iyinkọn na 3:8

Ro vwo pho kpenu o de mudia ọ da yan ọ vẹ ayen da ro evun rẹ uwevwi rẹ ẹga na. Ọ yan O pho O jiri Ọghẹnẹ.

Ẹvwọphia 3:20

Nighe, mi mudia vwẹ anurhoro mi ro hworo; ohwo de nyo urhuru mẹ ro de rhie ẹchẹ kẹ vwẹ, ki mi bro rhe evun rẹ uwevwi ke me vẹ ọye re emu, kọ vẹ ovwẹ je re.