Solomon 2:14 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁴ E ilekuku mẹ, rọ egbogho rẹ oragha, rọ evun rẹ egadega rọ ugbenu na, ju vwe mrẹ opharo wẹn, ju vwe nyo urhuru wẹn, kidie urhuru wẹn miẹmiẹ, opharo wẹn vwerhe.

Solomon 2:14 ပူးပေါင်းရင်းမြစ်များ

ỌBE RẸ JOB 9:16

Ọ da dianẹ mi sere rọ da kpahe kẹ vwe, mi che se segbuyota nẹ ọ kerhọn rẹ urhuru mẹ-ẹ.

Une rẹ Ejiro 110:3

Ihwo wẹn che siobọ nẹ oma rẹ ayen ọphọphẹ vwẹ ẹdẹ wo de sun otuofovwi wẹn vwẹ igbenu efuanfon wẹn na. Kẹ evun rẹ irhiọke ride. kerẹ evwru rẹ irhiọke ọtiọye ọmọha wẹn cha dia.

Une rẹ Ejiro 22:3

Ẹkẹvuọvo wọ fonro, wẹ re vwo tidia ekete re ejiro rẹ Izrẹl.

Une rẹ Ejiro 45:11

ẹtiyin oviẹ kọ guọnọ erhuvwu wẹn. Rọ vwọ dia Ọrọvwovwẹ na, gbe diguẹ kẹ;

Une rẹ Ejiro 45:12

Ihwo ri Taya ki che siọbẹ rẹ esẹ vẹ aruẹdọ sẹ wẹ, ọ ro me fe vwẹ usun rẹ ihwo na

Une rẹ Ejiro 50:23

Ohwo rọ vwe ẹkpẹvwẹ re izobo rhe yo mu ọghọ kẹ vwẹ, ohwo rọ kpọ idjerhe rọye vi kọye me cha vwẹ esivwo rẹ Ọghẹnẹ vwọ nẹ.

Une rẹ Ejiro 68:13

owenẹ ayen dia ohri rẹ ogba rẹ igegede ibekpe rẹ ilekuku ra vwe idọnọ phare, iphoro rẹ ọrhan rọye a vwẹ oro vwọ pharọ

Une rẹ Ejiro 74:19

Wo phi ẹnwẹ rẹ ilekuku wẹn phihọ obọ rẹ eranvwe re djoma-a; wo jẹn arhọ rẹ ovwiogbere wẹn chọrọ owẹ ẹro bẹdẹ-ẹ.

Ẹyano 3:6

Ọ da ta, “Mẹvwẹ Ọghẹnẹ rẹ ọsẹ wẹn, Ọghẹnẹ rẹ Ebraham, Ọghẹnẹ rẹ Aizik vẹ Ọghẹnẹ rẹ Jekọp.’’ Etiyin Mosis de si opharo rọye nu, fikiridie oshọ ro vwo ni Ọghẹnẹ muro.

Isẹ 15:8

Izobo rẹ ohwo umwemwu na ẹgua kẹ Ọrovwohwo, ẹkẹvuọvo oma rẹ ẹrhovwo ẹnẹ rẹ ohwo esiri na vwerhọ.

Solomon 1:15

Nighe, wo yovwiriọ, ọnse mẹ; nighe wo yovwinọ; ẹro wẹn epha kerẹ ẹro rẹ ilekuku

Solomon 1:5

Mi biri gangan je me pha yoyovwi, E emetẹ ri Jerusalẹm, kerẹ utughẹ ri Kedar, kerẹ amwa rẹ anurhoro ri Solomọn.

Solomon 1:8

Ọ da dianẹ wọ rha riẹ-ẹn, E ọ ro meyovwi vwẹ ohri rẹ eya, nene ọga rẹ uchuru na, re wo sun ẹmẹvwe wẹn re hẹ akakọ rẹ utughẹ rẹ osuigegede na.

Solomon 5:2

Me vwerhẹre, ẹkẹvuọvo udu mẹ da rhọvwọ. kerhọn! ọnse mẹ ro je vwe re hworo ẹchẹ. Rhie kẹ vwẹ, oniọvo mẹ, ọnse mẹ, ilekuku mẹ, ọvuọvo mẹ rọ gbare, kidie uyovwi mẹ kpọrhọre vẹ irho, osusu mẹ vẹ irho rẹ ason.

Solomon 8:13

E wẹ rọ dia evun rẹ idju na, Otu mẹ ra kerhọn rẹ urhuru wẹn, gbe jẹn uvwe nyo

Aizaya 2:21

rẹ ayen ro ẹmwa rẹ eragha na kugbe ighrighri re, igbenu na vwo ne uguegue re Ọrovwohwo na, vwo nẹ urinrin, rẹ ọrho rọye vwẹ ọke ro de vrẹn rhe ri guegue akpọ na.

Aizaya 51:3

Kidie Ọrovwohwo se bru Zayọn uche, ko bru asan ra ghwọre ejobi na uche, ko ru aghwa rọye kerẹ Idẹn, aghọghọ vẹ omavwerhe keye a mrẹ vwọ, ẹkpẹvwẹ kugbe urhuru rẹ ine.

Aizaya 6:5

Etiyin me da ta Ekan kẹ vwẹ! Fikiridie mi ghwruru, fikiridie mẹvwẹ ohwo rẹ ẹbẹrunu rọye jẹ ẹfuọn, me ke rha dia ohri rẹ ihwo rẹ ẹbẹrunu rayen jẹ ẹfuọn, fikiridie ẹro mẹ mrẹ Ovie na, Ọrovwohwo rẹ otuofovwi na!

Aizaya 60:8

Ena amono re rhan kerẹ ikoro na, kerẹ inekuku re rhan kpo evakpo rayen na?

Jerimaya 48:28

Yan jẹn irere na vwo, ra dia evun rẹ oragha na, E ihwo rẹ dia Moab! Gba họhọ inekuku rọ bọn ẹho vwẹ akakọ rẹ unu rẹ iyara.

Jerimaya 49:16

Oshọẹdjẹ ru wọ soro phiẹn wẹ re, kugbe eheri rẹ udu wẹn, wọwe rọ dia eghogho rẹ oragha, rọ yọnrọn enu rẹ ugbenu na Owenẹ wọ bọn ẹho wẹn kpenu kerẹ ugo dede, mi che si we nẹ etiyin rhiotọ, eriyin Ọrovwohwo tare.

Izikiẹl 7:16

O da dianẹ ohwo ro ghwu chekọ vwọ da dje vabọ, ke ayen dia enu rẹ igbenu kerẹ ilekuku rẹ iyara, ayen ejobi re beroma, ọvuọvo fiki re orukuruku rọye.

Daniẹl 9:7

Ọvwata, E Ọrovwohwo, obọ wẹn ọ epha, ẹkẹvuọvo vwọ kẹ avwanre ozighi vọn avwanre opharo, kirobo rọ epha vwẹ ẹdọke ri nonẹ, kẹ ihwo ri Juda, vẹ ihwo re dia Jerusalẹm, kugbe Izrẹl ejobi, te e re kẹrẹ vẹ e re hẹ ogboko, vwẹ otọ ejobi ru wọ djẹ ayen ra fiki rẹ ozighi rẹ ayen gbe kpahe owẹ.

Ọbe rẹ Ọmraro Ọbadaya Obadaya 1:3

Eheri rẹ udu wẹn ọ phiẹn wẹ, rọ dia asan ro kpenu, rọ ta vwẹ evun rẹ udu wẹn, Ono ri si vwẹ kpotọ?

Matiu 10:16

Nighere mi ji ovwan kerẹ igegede re hẹ uherevie rẹ ikpohrokpo; wa gba ghwanre kerẹ ọrọdekọ, re we ru dẹndẹn kerẹ ilekuku.

Matiu 3:16

Ọke ra vwọ vwẹ ame kẹ Jesu nu, o de wotọ nẹ ame rhe; e vwo ni, odjuvwu de rhie phihọ, ọ da mrẹ Erhi rẹ Ọghẹne kerẹ ilekuku de woto rhe, ọ da rhan muo.

Ẹfesọs 5:27

rere a sa vwẹ ishọshi na phia vwẹ obaro rọye vwẹ udidi o vwo upe-e eyẹ iriẹ-ẹn eyẹ oghẹre rẹ emu ọtiọye, rere ọ vwọ dia fuanfon o vwo eka-an.

Kolose 1:22

Vwẹ ugboma fiki rẹ ughwu rọye, rere ọ vwọ sa vwẹ ovwan phia kẹ fuanfon, ro jẹ upe vẹ abe evwo vwẹ obaro rọye.

Hibru 10:22

e gbe jẹ avwanre vwẹ udu esiri rọ vọnre vẹ esegbuyota vwo si kẹrẹ, re avwanre si emu ọbrabra nẹ iroro rẹ avwanre ra vwẹ omamọ rẹ ame họ ugboma rẹ avwanre.

Hibru 4:16

E gbe jẹ avwanre sikẹre ekete rẹ ẹserọphe na vẹ ẹroẹvwọsuọ, rere avwanre mrẹ arodọvwẹ reyọ kugbe ẹserọphẹ rọ cha avwanre uko vwẹ ọke rẹ ọbẹnvwẹ.

1 Pita 3:4

ẹkẹvuọvo e jẹn dia ohwo rọ djahere vwẹ obo udu vẹ evwarha ri jẹghwọrọ re dẹndẹn bọrọ bọrọ, rọ ghare gangan vwẹ obaro rẹ Ọghẹnẹ.

Ọbe ri Jud 1:24

Asakiephana vwọ kẹ ohwo ro se si ovwan nẹ eshe rọ da vwẹ ovwan phia vwẹ obaro rọye o vwo upe-e vẹ aghọghọ,

Ẹvwọphia 5:8

Ọke rọ vwọ reyọ ọbe na nu eranvwe ekpokpọ ẹne na kugbe ekpako uje gbe ẹne na de she diguẹ vwẹ obaro rẹ Omogodẹ na, ọvuọvo yọnrọn isorogu, kugbe udjokpo rẹ oro rọ vọnre vẹ ugboduma, keye hẹ ẹrhovwo rẹ ihwo efuanfon na;