Solomon 2:12 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹² Idodo re yoro nẹ otọ cha, ọke rẹ inẹsuọ tere, urhuru rẹ erurẹ kọye enyo vwẹ otọ re avwanre.

Solomon 2:12 ပူးပေါင်းရင်းမြစ်များ

Jẹnẹsis 15:9

Ọ da ta kẹ, Reyọ upene rẹ erhuẹn rẹ ikperha, ẹvwe aye rẹ ikperha, egbo rẹ ikperha, inekuku, kugbe eme erurẹ.

Une rẹ Ejiro 74:19

Wo phi ẹnwẹ rẹ ilekuku wẹn phihọ obọ rẹ eranvwe re djoma-a; wo jẹn arhọ rẹ ovwiogbere wẹn chọrọ owẹ ẹro bẹdẹ-ẹ.

Une rẹ Ejiro 89:15

Ebruphihọ kẹ ihwo re riẹn ekpere rẹ orẹ na, re yan vwẹ urhukpẹ rẹ opharo wẹn, E Ọrovwohwo,

Solomon 2:11

Kidie ohwahwa na ghwiẹre, osio na kare tototo re.

Solomon 6:11

Me da yanran kpo ogba rẹ irhe re mọ emamọ, re ni ipho re kpare vwe obo iyara, re ni se irhe ri vain na so phihọ, sẹ pomẹgranate kpa ipho re.

Solomon 6:2

Ọ ro je vwe na kpo obo ogba rọye, re ni asan rọ kọn egẹn phihọ, ọ ra ghẹre igodẹ rọye vwẹ evun rẹ ogba, rere ọ kọrọ idodo.

Aizaya 55:12

Kidie kọ yan phia vẹ aghọghọ, ke suo phia vwẹ ufuoma, te ugbenu ride vẹ itete ke ka obaro kẹ weẹ vẹ ine ẹsuọ irhe rẹ aghwa na ke cha fabọ rayen.

Jerimaya 8:7

Obo re hẹ obenu dede na riẹn ọke roye, ilekuku, emephran-Ọghẹnẹ, vẹ egodi yọnrọn ọke rẹ ẹcha rayen; ye ihwo mẹ je riẹn iji rẹ Ọrovwohwo-o

Kolose 3:16

We gbe jẹn ota ri Kristi dia evun rẹ ovwan, rọ kẹ ovwan aghwanre buebu, rere ovwan yono ohwohwo, rere ovwan bru ohwohwo uche, vwẹ akpata, vẹ une rẹ ejiro kugbe ine rẹ erhi, rere wa vwẹ udu rẹ ovwan so ine vwevwerhe kẹ Ọghẹnẹ.