Solomon 1:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ Ta kẹ vwẹ, wẹ rẹ erhi mẹ guọnọre, Asan ru wọ da ghẹrẹ uchuru wẹn, Asan ri de rhuẹn vwẹ oghẹruvo Die sorọ me vwọ họhọ ọ ro suosuo vwẹ oma rẹ uchuru rẹ otu wẹn?

Solomon 1:7 ပူးပေါင်းရင်းမြစ်များ

Jẹnẹsis 37:16

Me guọnọ imoni mẹ mrẹ, ọ da ta, ta kẹ vwẹ, Me rẹ wẹ, tivọ ayen da ghẹrẹ uchuru na?

Une rẹ Ejiro 116:1

Me guọnọ Ọrovwohwo na, fikiridie wo nyo urhuru mẹ kugbe orẹ mẹ

Une rẹ Ejiro 18:1

Me guọnọ owẹ, E Ọrovwohwo, ogangan mẹ.

Une rẹ Ejiro 28:1

Weẹ, E Ọrovwohwo mi tu se; oragha mẹ, wo dierhọn kẹ vwẹ-ẹ, eyẹ, wọ da fọ kẹ vwẹ, Ke me họhọ ihwo ri kpo obo Ukpotọ.

Une rẹ Ejiro 80:1

Kerhọn, E Osuigegede rẹ Izrẹl, wọwẹ rọ sun Josẹf kerẹ ekru rẹ igodẹ! Wọwẹ rọ tidia ekete vwẹ enu ri chẹrobim, gbe lo phia.

Solomon 2:16

Ọnse mẹ na ọmẹ oruẹ mẹvwẹ je vwẹ ọrọye, o ro suẹn igodẹ rọye vwẹ ohri re idodo na.

Solomon 2:3

Kerẹ omamọ rẹ orhomrẹ vwẹ ohri rẹ irhe, ọtiọye ọnse mẹ epha vwẹ ohri rẹ imighene Omavwerhe rode mi vwo tidia vwẹ ophie rọye, omamọ rọye kọ miẹmiẹ ovwẹ nẹghẹ nẹghẹ.

Solomon 5:10

Ọ ro je vwe na pha lukuluku wrowro, e vughe vwẹ asan rẹ uriori ihwe epha.

Solomon 5:16

Ota rọye miẹmiẹ, o di muẹ ohwo jẹ. Ọnana ọ ro je vwe na, Ọnana ugbeyan mẹ, E emetẹ ri Jerusalẹm.

Solomon 5:8

Mi ju we riẹn, E emetẹ ri Jerusalẹm, ọ da dianẹ wọ mrẹ ọ ro je vwe na, gba ta kẹ nẹ urhuru rọye si vwe

Solomon 6:2

Ọ ro je vwe na kpo obo ogba rọye, re ni asan rọ kọn egẹn phihọ, ọ ra ghẹre igodẹ rọye vwẹ evun rẹ ogba, rere ọ kọrọ idodo.

Solomon 6:3

Mẹvwẹ ọ rọ ro je vwe na ọ ro je vwe na je hẹ ọmẹ; Ọ ra ghẹre igodẹ rọye vwẹ ohri re idodo na.

Solomon 8:13

E wẹ rọ dia evun rẹ idju na, Otu mẹ ra kerhọn rẹ urhuru wẹn, gbe jẹn uvwe nyo

Aizaya 13:20

A gbe sa vwọ reuku bẹdẹ-ẹ eyẹ e gbi yere vwẹ uvwiẹ na bẹdẹ-ẹ, ohwo rẹ Arebia ọvuọvo gbe sa bọn utughẹ phihọ-ọ ọsuigodẹ ọvuọvo sa vwẹ igodẹ rọye sherhe otọ vwẹ ẹtiyi-i.

Aizaya 26:9

Urhuru wẹn re si ẹnwẹn mẹ vwẹ ason, ẹnwẹn mẹ nabọ vwẹ oma kpotọ guọnọ owẹ Kidie ọke rẹ ọrhiebro da hẹ evun rẹ akpọ na re, ihwo rẹ akpọ na ki yono ọvwata.

Aizaya 40:11

Ọ ghẹrẹ uchuru rọye kerẹ osuigodẹ, o mu emọ rẹ igodẹ na phihọ igbabọ rọye, ọ mu ayen phihọ agada rọye, ko sun e re ghẹrẹ emọ dẹndẹn.

Aizaya 5:1

Ju vwe so une kẹ ọrojevwe une rẹ ivuavwerhe kpahe ogba ri vain rọye. Ọrojevwe de vwo ogba ri vain vwẹ enu rẹ ugbenu ro yovwe emu gangan.

Jerimaya 33:12

Kidie enẹ Ọrovwohwo rẹ otuofovwi tare: Vwẹ etinẹ rẹ ofefe na, rẹ ohwo eyẹ eranvwe epha-a na, vwẹ evun rẹ irere rọye ejobi na, kọ rhoma dia asan rẹ isuigegede da vwẹ igegede rayen kpo oma erovwo.

Maika 5:4

Ko vrẹn mudia ghẹrẹ igegede rọye vwẹ ogangan rẹ Ọrovwohwo na, vwẹ ọrhọ rẹ odẹ rẹ Ọrovwohwo Ọghẹnẹ rọye. kọ cha dia vwẹ egbemọphẹ, vwẹ ọke yena kọ cha rho re duvwu ẹtan rẹ akpọ na.

Matiu 10:37

Ohwo ro guọnọ ọsẹ eyẹ oni nọ vwẹ, yo fo vwe-e; ọ rọ guọnọ ọmọshare eyẹ ọmọtẹ rọye nọ vwẹ, yo ji fo vwe-e.

Iyẹnrẹ Esiri ri Jọn 10:11

Mẹvwẹ hẹ osuigegede rẹ esiri. Osuigegede rẹ esiri na vwẹ arhọ rọye kpahe otọ kẹ igodẹ na.

Iyẹnrẹ Esiri ri Jọn 21:17

Ọ da ta kẹ obọ rerha, Saimọn, ọmọ ri Jọn, wọ guọnọ ovwẹ? Ophu de mu Pita rọ vwọ nọ asiarha gbagba nẹ, Wọ guọnọ ovwẹ? Ọ da ta kẹ, Ọrovwohwo, wọ riẹn emu ejobi re; wọ riẹnre nẹ me guọnọ owẹ. Jesu da ta kẹ, Ghẹrẹ igegede mẹ.

1 Pita 1:8

Ovwan je mrẹ dẹvo-o yẹ ovwan guọnerọ; dede nẹ ovwan je mrẹ dẹvo-o na yẹ ovwan sere gbuyota, ovwan da ghọghọ vẹ omavwerhe rẹ unu se gbe-e.

1 Pita 2:7

Vwẹ kẹ ovwan ri seregbuyota, ọ epha ghaghare, ẹkẹvuọvo vwọ kẹ otu ri seregbuyota-a, Oragha na kpekpe rẹ ebọn ebabọn senre o rhi hirhe phihọ ọ ro vwo uyovwi vwẹ ubienyẹ

1 Jọn 2:19

Uherevie rẹ avwanre na ayen nu yanran, ẹkẹvuọvo ayen dia ẹvo vwẹ usun rẹ avwanre-e; ọ dianẹ usun rẹ avwanre ayen epha nọ, manẹ ayen djẹ jẹ avwanre vwo-o; ẹkẹvuọvo ayen yanran re, kọye djere phia nẹ ayen ghine dia ẹvo vwẹ usun rẹ avwanre-e.

Ẹvwọphia 7:17

Kidie Omogodẹ na rọ hẹ uherevie rẹ ekete na kọ dia osuigegede rayen, ko sun ayen kpo ogbugbu rẹ arhọ na; Ọghẹnẹ ko rhie ameoviẹ nẹ ayen ẹro.

Rutu 2:21

Rutu ohwo ri Moab na da ta, Vwọ ba, ọ je ta kẹ vwẹ, Wo mi sikẹrẹ idibo mẹ na kpẹkpẹkpẹ, bẹsiẹ rẹ ayen vwo vu ivuevun mẹ renu.