Solomon 1:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Si vwe te oma wẹn, jẹn avwanre bru okpakpa. Ovie reyọ ovwẹ rhe uvun rọye. Oma ko di mu avwanre sanvwan ki mi di muẹ ghọghọ. Avwanre tete ẹguọnọ wẹn nọ udi Ọye sorọ rẹ ayen vwọ guọnọ owẹ.

Solomon 1:4 ပူးပေါင်းရင်းမြစ်များ

Une rẹ Ejiro 111:4

O da nẹrhẹ a karohọ iruo rẹ igbunu rọye; Ọrovwohwo ọ vọnre vẹ ehrọre vẹ arodọvwẹ.

Une rẹ Ejiro 119:32

Me djẹ nene idjerhe rẹ irhi wẹn vwẹ ọke wọ da hẹrẹ erianriẹn mẹ phihọ!

Une rẹ Ejiro 119:60

mi bru okpakpa me da oma ji-i rere me vwọ yọnrọn irhi wẹn.

Une rẹ Ejiro 149:2

Jẹn Izrẹl ghọghọ vwẹ oma rẹ ọ rọ Mamerọ, jẹn emọ ri Zayọn ghọghọ vwẹ Ovie rayen!

Une rẹ Ejiro 42:4

Imu nana me karophihọ, re vwọ họrhọ ne ẹnwẹ mẹ cha, obo re me ve ogbotu na vwọ yan Me da vwe ayen tere usun kpo uwevwi rẹ Ọghẹnẹ, ve ekpere rẹ aghọghọ kugbe ine re ẹkpẹvwẹ, obibinagba re ihwo re re orẹ.

Une rẹ Ejiro 48:9

Avwanre roro iroro kpahe ẹguọnọ ro jẹ rhẹriẹ wẹn na E Ọghẹnẹ vwẹ uherevie rẹ ọguan wẹn.

Une rẹ Ejiro 63:5

Ẹnwẹ mẹ ra ghọghọ kerẹsiẹ ra da re otu re osuanson kugbe ivwri, unu mẹ vẹ ẹbẹrunu mẹ ko jiri uwe vẹ aghọghọ,

Solomon 3:4

Me je ghwa wanvrẹn aye-en, Me da ghwa mrẹ ohwo re erhi mẹ guọnọre na. Me da gbanọ, me gbe guọnọ nẹ o kpo-o bẹsiẹ me vwọ reyọ te uwevwi rẹ oni mẹ, re te uvun rẹ ohwo rọ mrevun mẹ.

Solomon 4:10

Mavọ ẹguọnọ wẹn vwerhe te, oniọvo mẹ, ọpha mẹ! Ẹguọnọ wẹn ọ vrẹn avwerhe rẹ udi, ọnrhe ororo rẹ ori wẹn gbo nọ egẹn.

Aizaya 25:8

Ko mu ughwu rọ bẹdẹ, Ọrovwohwo rẹ Ọghẹnẹ kọ ririe oviẹ nẹ opharo rayen, ehwẹjẹ rẹ ihwo rọye ko sio nẹ akpọ na ejobi, kidie Ọrovwohwo tarọ nure.

Aizaya 45:25

Vwẹ evun rẹ Ọrovwohwo ọye uvwiẹ re Izrẹl ejobi da kparobọ vwẹ urinrin.

Aizaya 61:3

ra rhọvwe kẹ ihwo ri muomahọ vwi Zayọn– ra kẹ ayen ovwẹ vwẹ ẹdia rẹ iwurhie, evwri rẹ aghọghọ vwẹ ẹdia rẹ omaemuohọ, ukpo re ejiro vwẹ ẹdia rẹ erhi ro sherua, rere e vwo se ayen ehahe rẹ evwata, ekankọn rẹ Ọrovwohwo, rere e vwo jiro.

Aizaya 63:7

Me Vwẹ obo te otọ kerẹ ẹguọnọ ro jerhẹriẹ rẹ Ọrovwohwo, ejiro rẹ Ọrovwohwo na, kirobo rẹ Ọrovwohwo rhọvwe kẹ avwanre ejobi, kugbe erhuvwu rode rọ vwọ kẹ uwevwi rẹ Izrel rọ vwọ kẹ ayen kirobo rẹ ehrọre rọye epha, kirobo rẹ ẹguọnọ esiri rọye teri.

Jerimaya 31:3

Ọrovwohwo da vwẹ oma nẹ vwẹ ogboko. Ẹguọnọ ro jẹrhẹriẹ ri bẹdẹ bẹdẹ me vwọ guọnọ owẹ, ọtioye na uyota mẹ je herọ kẹ wẹ.

Hosia 11:4

Me da vwẹ irihrẹ rẹ ehrọnre vwo sun ayen, vẹ ufi rẹ ẹguọnọ. Mi de rhi hirhe phihọ ohwo ro dogho urhukpe re vwo mu ohwo vwọ kẹ ayen, Mi de rhuẹn kpotọ ra ghẹrẹ ayen.

Zẹfanaya 3:14

Van sọ une, E ọmọte ri Zayọn; kperi, E Izrẹl! Ghọghọ re wọ vwẹ udu wẹn ejobi mu oma kpenu, E ọmọtẹ ri Jerusalẹm!

Zekaraya 9:9

Ghọghọ gangan, E ọmọtẹ ri Zayọn! Kperi gan, E ọmọtẹ ri Jerusalẹm! nighe, ovie wẹn bru uwe cha ohwo ro phi kparobọ rẹ omavwerha, dẹndẹn ọ gua ekẹtẹkẹtẹ, upene ọmọ rẹ ekẹtẹkẹtẹ.

Matiu 25:10

Ọke rẹ ayen vwọ yanran ra dẹ nu, ọpha na da rhe vwẹ obuko rayen; ikọpha ri vwo urhukpẹ na vẹ ọye da ro uwevwi rẹ orẹ na; ẹchẹ na de huhu.

Iyẹnrẹ Esiri ri Luk 2:10

Amakashe na da ta kẹ ayen, wa djẹ oshọ-ọ; kidie nighe, me ghwa ikun esiri rẹ aghọghọ rode rhe ovwan ro che bru ihwo ejobi rhe;

Iyẹnrẹ Esiri ri Luk 22:19

Ọ da reyọ ikara, ọke rọ vwọ kpẹvwẹ nu o de bro ọ da vwọ kẹ ayen, tanẹ, Ọnana oma mẹ.

Iyẹnrẹ Esiri ri Jọn 12:32

mẹvwẹ dẹn, ọke ra da kpare ovwẹ kpenu nẹ akpọ na, ki mi si ihwo buebu nene oma mẹ.

Iyẹnrẹ Esiri ri Jọn 6:44

Ohwo ọvuọvo se bru uvwe rhe-e jokpa nẹ Ọsẹ na ro ji vwe na siro toma; ke me kparọ vrẹn vwẹ ẹdẹ rẹ oba na.

Ẹfesọs 2:6

Ọghẹnẹ da kpare avwanre vẹ ọye vrẹn, a da vwẹ avwanre vẹ ọye tidia vwẹ asan ro kpenu vwi Kristi Jesu,

Ẹfesọs 6:24

Ẹserọphẹ dia kẹ ayen ejobi re guọnọ Ọrovwavwanre Jesu Kristi vẹ ẹguọnọ ro je ghwo.

Filipae 3:3

Avwanre hẹ ihwo re yanvwe omamọ rẹ oyanvwe na, re gọ Ọghẹnẹ vwẹ erhi, ri vwi Kristi Jesu vwọ yan eyan, re vwẹ ẹro so ugboma-a.

Filipae 4:4

Ghọghọ vwẹ evun rẹ Ọrovwohwo kẹdẹ kẹdẹ; me rhoma ta, Ghọghọ.

Hibru 12:1

Fiki rẹ eriyin na, re avwanre vwọ mrẹ nẹ iseri buebu riariẹ avwanre phihọ na, e gbe jẹn avwanre won oghwa koghwa, kugbe umwemwu rọ gba avwanre na phihọ otọ, e gbe jẹn avwanre vwẹ erhiori djẹ onẹ rọ hẹ obaro na,

1 Pita 1:8

Ovwan je mrẹ dẹvo-o yẹ ovwan guọnerọ; dede nẹ ovwan je mrẹ dẹvo-o na yẹ ovwan sere gbuyota, ovwan da ghọghọ vẹ omavwerhe rẹ unu se gbe-e.