Solomon 1:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ ori wo vwo ghworo na gbori gangan, odẹ wẹn ọ họhọ ori ro hwẹfia; fiki rẹ ọtiọye na emetẹ na vwọ guọnọ owẹ,

Solomon 1:3 ပူးပေါင်းရင်းမြစ်များ

Une rẹ Ejiro 133:2

Ọ họhọ omamọ rẹ ori vwẹ enu rẹ uyovwi, ro suẹn re duvwu ẹtuegbe, vwẹ enu re ẹtuegba rẹ Erọn ro suẹn prapra kue aghighọ re ewun rọye!

Une rẹ Ejiro 45:14

vwẹ edagba vẹ ipe buebu e vwo suo rhe ovie na, ọ vẹ otu rọye rẹ emetobẹ, rẹ tẹrẹ usun suo yanran.

Ẹyano 33:12

Mosis da ta kẹ Ọrovwohwo, Nighe wọ ta kẹ vwẹ nẹ, Reyọ ihwo nana rhe obenu, ẹkẹvuọvo wo ji rhi ju vwe riẹn ohwo ru wo ji nene uvwe-e. Yẹ wọ tare nẹ, Me riẹn odẹ wẹn, nẹ wọ je mrẹ aroesiri mẹ nure.

Ẹyano 33:19

Ọ da ta, Mi ru rere erhuvwu mẹ ejobi ka obaro kẹ wẹ, ki mi ghwoghwo odẹ mẹ, Ọrovwohwo na, vwẹ obaro wẹ, ki mi nẹ aruẹdọ kẹ ihwo ri mi nẹ aruẹdọ rọye, ke me re ehrọre kẹ ihwo re me re ehrọre rọye.

Isẹ 27:9

Ori vẹ ishani nẹrhẹ udu rẹ ohwo ghọghọ, ẹkevuọvọ ukpokpogho hra erhi rẹ ohwo.

Aghwoghwo 7:1

Odẹ esiri yovwi nọ udẹ rọ ghare; ẹdẹ rẹ ughwu rhonọ ẹdẹ rẹ evwiẹ.

Solomon 3:6

Die ri nẹ evun rẹ aton na cha na, rọ họhọ ukori rẹ ivwirhi, ro gbo ọnrhe rẹ egẹn vẹ adjija na, vẹ ọnrhe ghwoghwo rẹ ọneki?

Solomon 4:10

Mavọ ẹguọnọ wẹn vwerhe te, oniọvo mẹ, ọpha mẹ! Ẹguọnọ wẹn ọ vrẹn avwerhe rẹ udi, ọnrhe ororo rẹ ori wẹn gbo nọ egẹn.

Solomon 5:13

Egban rọye kerẹ ekru re egẹn, ro gbo phaphapha. Ẹbẹrunu rọye epha kerẹ ododo ro bo ame rẹ adjija.

Solomon 5:5

Mi de vrẹn ri mi rhie ẹchẹ kẹ ọ ro je vwe, abọ mẹ ki bo she vẹ adjija, irhiabọ mẹ da kpọrhọ vẹ ame rẹ adjija na, re me vwọ ghwabọ kpahe usiaphrẹ na.

Solomon 6:8

Emetẹ rẹ ivie rẹ eya ujorha ẹnse ujọnẹ, emetukoni vwo unu-u.

Aizaya 61:3

ra rhọvwe kẹ ihwo ri muomahọ vwi Zayọn– ra kẹ ayen ovwẹ vwẹ ẹdia rẹ iwurhie, evwri rẹ aghọghọ vwẹ ẹdia rẹ omaemuohọ, ukpo re ejiro vwẹ ẹdia rẹ erhi ro sherua, rere e vwo se ayen ehahe rẹ evwata, ekankọn rẹ Ọrovwohwo, rere e vwo jiro.

Matiu 25:1

Uvie rẹ odjuvwu kọ họhọ ikọpha ihwe, re reyọ irhukpẹ rayen, ayen da ra vwa ọpha.

Iyẹnrẹ Esiri ri Jọn 12:3

Meri da reyọ ori ri spaknad ghaghare ẹhọhọ rọye ikpahọ ọvo rẹ ovwavwọn o de vwo ghworo awọ ri Jesu ọ da vwẹ ẹto rẹ uyovwi rọye rhie; uwevwi na da rhe vọn vẹ ọnrhe ororo rẹ ori na.

2 Kọrẹnt 11:2

Me hẹ evu rẹ omaẹriọ ro nẹ obenu rhe kpahe ovwan, kidie me sa ovwan vwọ hẹ otọ kẹ Kristi rere ovwan dia omamọ rẹ ọpha kẹ ọshare ọvuọvo na.

Filipae 4:18

A hwa osa gba kẹ vwẹ, a tobọ hwa kpahe; evun vọn vwẹ, ọko re wa phare kẹ Epafroditọs vwo rhe vwe te vwe obọ, ọko ro gbo ọnrhe ororo, iye ro miere ro je Ọghẹnẹ.

Ẹvwọphia 14:4

Enana hẹ ihwo re vwẹ eya gbe oma rẹ ayen ẹgua-a, kidie ayen sẹro rẹ oma rayen; enana hẹ ihwo ri nene Omogodẹ na kpo asan kasan rọ rare; a tan enana nẹ uherevie rẹ ihwo rẹ akpọ na rhe kerẹ emamọ rẹsosuọ vwọ kẹ Ọghẹnẹ kugbe Omogodẹ na,