Solomon 1:12 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹² Ọke rẹ ovie na vwọ enu rẹ ehwa rọye, ọnrhe rẹ udẹ mẹ de bru rhe.

Solomon 1:12 ပူးပေါင်းရင်းမြစ်များ

Une rẹ Ejiro 45:1

Udu mẹ mwavwihwẹ vẹ oruru ọvwevwerhe, Me so umune mẹ kẹ ovie na, ẹrẹnvwe mẹ họhọ ubiurhe rẹ osiẹbe.

Solomon 1:11

Avwanre ki che duvwu ekuakua rẹ osẹnvwe rẹ oro kẹ wẹ ra vwẹ idọnọ efuanfon sanọ.

Solomon 7:5

A vwẹ erhu rẹ ovie tughẹ uwe kerẹ Karmẹl, Ẹton wẹn rọ epha jigbọ na họhọ orhurhu; ẹton re ovie re muru oghuvwu re chahe ku.

Matiu 22:11

Ẹkẹvuọvo ọke rẹ ovie na vwo rhi ni erhorha na, ọ da mrẹ ohwo ọvo ro vwo ewun rẹ ọpha na-a.

Matiu 22:4

Ọ da rhoma ji idibo efa re se ayen nẹ, Ta ke ihwo ri mi seri jovwo na nẹ, Nighe, Mi chere emu vọn otọ nure; erhuẹn mẹ kugbe egbo mẹ rode na e hwe ayen, emu na ejobi gba nure; Wa yanrhe asan ra da cha rẹ orẹ rẹ opha na.

Matiu 25:34

Ovie na kọ ta kẹ ihwo re hẹ obọrhe rọye nẹ, Wa yanrhe ihwo rẹ ọsẹ mẹ bruba kẹ, wa rhe reuku rẹ uvie ra rhuẹrẹ vwọ otọ kẹ ovwan nẹ otọ rẹ akpọ rhe.

Iyẹnrẹ Esiri ri Mak 14:3

Ọke rọ vwọ hẹ Bẹtani vwẹ uwevwi ri Saimọn ọhonvwoti na, ro vwo tidia udoemu aye ọvo da reyọ ọgọ rẹ udẹ re se spikenard rọ ghare gangan ọ da rhe; o de rhie ọgọ na, o de ku ude na ku uyovwi ri Jesu.

Iyẹnrẹ Esiri ri Jọn 12:3

Meri da reyọ ori ri spaknad ghaghare ẹhọhọ rọye ikpahọ ọvo rẹ ovwavwọn o de vwo ghworo awọ ri Jesu ọ da vwẹ ẹto rẹ uyovwi rọye rhie; uwevwi na da rhe vọn vẹ ọnrhe ororo rẹ ori na.

Filipae 4:18

A hwa osa gba kẹ vwẹ, a tobọ hwa kpahe; evun vọn vwẹ, ọko re wa phare kẹ Epafroditọs vwo rhe vwe te vwe obọ, ọko ro gbo ọnrhe ororo, iye ro miere ro je Ọghẹnẹ.

Ẹvwọphia 3:20

Nighe, mi mudia vwẹ anurhoro mi ro hworo; ohwo de nyo urhuru mẹ ro de rhie ẹchẹ kẹ vwẹ, ki mi bro rhe evun rẹ uwevwi ke me vẹ ọye re emu, kọ vẹ ovwẹ je re.