Rutu 4:13 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹³ Etiyin Boaz da reyọ Rutu ọ da dia aye rọye; o de bro ra, Ọrovwohwo de ruo vwọ mrevun, ọye o de vwiẹ ọmọshare.

Rutu 4:13 ပူးပေါင်းရင်းမြစ်များ

Jẹnẹsis 20:17

Etiyin Ebraham da nẹ ẹrhovwo kẹ Ọghẹnẹ, Ọghẹnẹ de sivwi Abimẹlẹk, o de ji sivwi aye rọye kugbe eviẹn rẹ eya ro vwori ejobi, kọye ayen de vwiẹ emọ.

Jẹnẹsis 25:21

Aizik da nẹ ẹrhovwo kẹ Ọghẹnẹ fiki rẹ aye rọye, kidie ẹga oruẹ, Ọrovwohwo de nyo ẹrhovwo rọye, Rebeka rẹ aye rọye da rhi mrevun.

Jẹnẹsis 29:31

Ọke rẹ Ọrovwohwo vwọ mrẹ nẹ ivun ri Leah sa vwerhe Jekọp te-e, o de rhie urhoro rẹ emọ kẹ, ẹkẹvuọvo Rachel kẹ ẹga.

Jẹnẹsis 30:2

Ophu de mu Jekọp kpahe Rachel, ọ da ta, Mẹvwẹ Ọghẹnẹ rọ karo owẹ evwiẹ?

Jẹnẹsis 33:5

Ọke rẹ Isọ vwọ kparo mrẹ eya vẹ emọ, ọ da ta, Ena amono ri nene uwe na? Jekọp da ta, Emọ rẹ Ọghẹnẹ vwo ru ẹse kẹ odibo wẹn.

Une rẹ Ejiro 113:9

Ọ kẹ aye rẹ ẹga uwevwi, o mi ruo oniemọ rẹ aghọghọ. Jiri Ọrovwohwo na!

Une rẹ Ejiro 127:3

Nighe, emọ na vwenẹ ughwẹ rẹ Ọrovwohwo ghare avwanre emamọ rẹ evun na ọye osa rọ hwa kẹ avwanre.

Rutu 3:11

Vwẹ Asakiephana ọmọtẹ mẹ, wọ djẹ oshọ-ọ mi ru obo wọ nọre kẹ wẹ; kidie ihwo rẹ orere mẹ ejobi riẹnre nẹ wẹ omamọ rẹ aye.

Rutu 4:12

jẹn uwevwi wẹn dia kerẹ uwevwi ri Pẹrẹz ri Tamar vwiẹ kẹ Juda, fiki rẹ emọ rẹ Ọrovwohwo cha vwọ kẹ wẹ vwẹ oma rẹ aye nana

1 Samuẹl 1:27

Fiki rẹ ọmọ nana me vwọ nẹ ẹrhovwo na; Ọrovwohwo da kẹ vwẹ obo re me yare mie.

1 Samuẹl 2:5

Otu rẹ evun vọnre vwẹ oma rayen mie emu ẹriọ ẹkẹvuọvo otu rẹ owẹvwe hwe jovwo, owẹvwe gbi hwe aye-en. Ẹga rhoma vwiẹ emọ ighwrẹ ẹkẹvuọvo ọ ro vwiẹri buebu jovwo a rhoma rhe siọn