Rutu 4:10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁰ Ji te Rutu rẹ ohwo ri Moab, ayeuku ri Malọn, me dẹrẹ rọ dia aye mẹ rere odẹ rẹ ọ ro ghwuru na vwo jefue, rere odẹ rọye vwo je rẹ vwẹ ekru rọye vẹ asan rọye: ovwan iseri nonẹ na.

Rutu 4:10 ပူးပေါင်းရင်းမြစ်များ

Jẹnẹsis 29:27

Ru ẹdẹ rẹ ọna gba, avwanre kẹ vwẹ ọrivẹ na kẹ wẹ wọ da ga vwẹ ikpe ighwrẹ efa.

Jẹnẹsis 38:9

Ẹkẹvuọvo Ọnan riẹnre nẹ ọmọ na cha dia ọrọye-e; kọye ro vwo nene aye rẹ oniọvo rọye na mroma re, o de hwẹ ameoma na kufia rere aye re oniọvo rọye na vwo je vwiẹ.

Une rẹ Ejiro 109:15

Jẹn ayen dia obaro rẹ Ọrovwohwo kọke kọke; je phoro ẹkarohọ rọye nẹ otọ na!

Une rẹ Ejiro 34:16

Ọrovwohwo hirhe opharo ku iruimwemwu, ro vwo phoro ẹkarohọ rayen nẹ otọ rẹ akpọ na.

Isẹ 18:22

Ohwo rọ mrẹ aye reyọ mrẹ omamọ re emu, ọ je mrẹ ẹroesiri nẹ obọ rẹ Ọrovwohwo rhe.

Isẹ 19:14

Uwevwi vẹ efe eye obo ra vwọ reuku rẹ ọsọmọ, ẹkẹvuọvo aye ro vwo iroro obo rẹ Ọrovwohwo na o nẹ cha.

Aizaya 48:19

uvwiẹ wẹn ka dia kerẹ ibiekpẹn rẹ otọ orua wẹn kọ họhọ ibieka rọye, a gbe sa nyavwe odẹ rayen kufia-a eyẹ vwọ ghwọrọ ayen nẹ obaro mẹ-ẹ.

Hosia 12:12

(Jekọp da djẹ kpo otọ rẹ Aram, etiyin Izrẹl da gẹga rẹ aye, fiki re aye o de sun igode.)

Hosia 3:2

Etiyin me da dẹ shikẹl ihwiori rẹ idọnọ kugbe eghẹghẹrẹ gbe ubro rẹ ọka.

Zekaraya 13:2

Je vwẹ ẹdẹ yena, Ọrovwohwo rẹ otuofovwi tare, mi che si edẹ rẹ ema nẹ otọ na, ra gbe karohọ ayen ọfa-a; eriyin rhe mi ji si emraro vẹ erhi re ijẹfuọn nẹ otọ na.

Malakae 2:14

Wọ da nọ nẹ, Die sorọ o vwo jẹ reyọ? fikiridie Ọrovwohwo na oseri rẹ ọphọ re wọ vẹ aye wẹn rẹ ọke-emọ rere, aye yena wo gbe ọfanrhiẹ rhurhu dede na ọye otu wẹn kugbe aye rẹ ọphọ wẹn.

Ẹfesọs 5:25

Eshare na, wa guọnọ eya rẹ ovwan, kirobo ri Kristi guọnọ ishọshi rọye ọ da vwẹ oma rọye vwọ kẹ,

Urhi Rivẹ 25:6

Ọmọkpako rẹ aye na vwiẹri Me re odẹ rẹ oniọvo rọye ro ghwuru na, rere odẹ rọye vwo je phoro nẹ Izrẹl.

Hibru 13:4

E jẹn emu ọghọ kẹ orọvwe vwẹ ohri rẹ ovwan ejobi, e jẹn e gbe ehwa rẹ orọvwe na ẹgua-a; kidie Ọghẹnẹ cha vwẹ ọvwọfanrhiẹ kugbe otu ri gbe igberadja guẹdjọ.

Joshua 7:9

Ihwo ri Kenan vẹ ihwo re dia otọ na ejobi ki che nyo, ke cha gba riariẹ avwanre, ki che phoro odẹ rẹ avwanre nẹ akpọ na; kidie wo ru fiki rẹ odẹ wẹn rode na?

Rutu 4:9

Boaz da ta kẹ ekpako na vẹ ihwo ejobi, ovwan iseri mẹ nonẹ na nẹ me dẹ vwẹ obo ri Naomi emu ejobi rẹ Ebimẹlẹk vwori vẹ emu ejobi ri Kiliọn vi Malọn, vwori.