Rutu 3:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Ọ da ta, Wẹ ono? Ọ da kpahe, mẹvwẹ Rutu, odibo wẹn rẹ ọmọtẹ: Vwẹ abamwa wẹn phopho ọmọtẹ wẹn: kidie wẹ omoni kpẹkpẹkpẹ.

Rutu 3:9 ပူးပေါင်းရင်းမြစ်များ

Izikiẹl 16:8

Ọke re me vwọ rhoma wanvrẹn wẹ ri mi vwo ni we, nighe, yu wo te ovwerhẹ nure; me da vwẹ ewun mẹ vwo phopho uwe, mi de rhurhu ẹban wẹn: uyota, me da sa wẹ hẹ otọ me vẹ owẹ da re ọphọ, eriyin Ọrovwohwo Ọghẹnẹ tare, wo de hirhe phihọ ọmẹ.

Iyẹnrẹ Esiri ri Luk 14:11

Kidie kohwo kohwo ro mu oma kpenu ka phọphọ, ohwo ro mu ọghọ kẹ oma ka kparọ kpenu.

Rutu 2:20

Etiyin Naomi da ta kẹ aye rẹ ọmọ rọye Ebruphihọ rẹ Ọrovwohwo dia kẹ ohwo na, ro gbobọ nyẹ ẹse ro ruẹ vwọ kẹ ihwo ekpokpọ eyẹ ighweghwu-u. Naomi da je ta kẹ, Ọshare na omoni rẹ avwanre, omoni kpẹkpẹkpẹ.

Rutu 3:10

Etiyin ọ da ta, Jẹn Ọrovwohwo bruphihọ kẹ wẹ, ọmọtẹ mẹ; ẹse wẹn nana rhonọ ọ rẹsosuọ kidie wo nenesi re imighene-e, yẹrẹ ivwiogbere yẹrẹ edafe.

Rutu 3:12

Vwẹ asakiephana ghinẹ uyota nẹ mẹvwẹ omoni kpẹkpẹkpẹ: ẹkẹvuọvo omoni ọvo herọ rọ kẹrẹ nọ vwẹ.

Rutu 3:8

Vwẹ uherevie rẹ ason, ọshare na de guegue, ọ da rhẹriẹ oma, nighere aye ọvo de shevwerhẹ kẹrẹ asan awọ rọye.

Rutu 4:4

Ki mi rori nẹ me ta kẹ wẹ vwẹ irharo rẹ ihwo ri tidia etinẹ na, vẹ irharo rẹ ekpako rẹ ihwo mẹ na. Ọ da dianẹ wọ dẹ, dẹ: ẹkẹvuọvo ọ da dianẹ wọ dẹ-ẹ, ta kẹ vwẹ, rere me riẹn, fikiridie ohwo ọfa rha herọ chọ wẹ ra rọ dẹ-ẹ mẹvwẹ kọye vwọ kpahe owẹ. Ọ da ta, me cha de.

Rutu 4:6

Etiyin omoni na da ta, Me sa dẹ kẹ oma mẹ-ẹ, mi de re miovwo urhi rẹ ukuẹriọ mẹ: Dẹ ogangan rẹ ukuẹriọ mẹ kẹ oma wẹn, kidie me sa dẹ-ẹ.

1 Samuẹl 25:41

O vrẹnri ọ da vwẹ uyovwi te otọ, ọ da ta, Nighe, ọmọtẹ wẹn ọye odibo rọ hworhẹ awọ rẹ idibo rẹ ọrovwovwe.