Rutu 3:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ Ọke ri Boaz vwọ re rọ vwọ da nure, rẹ oma vwọ vwerhọ, o de re shevwerhẹ kẹrẹ ẹko rẹ ọka. Ọ jomatọ yanrhe, ọ da kpare amwa nẹ awọ rọye, o de shevwerhẹ.

Rutu 3:7 ပူးပေါင်းရင်းမြစ်များ

Jẹnẹsis 43:34

Imẹjẹ ri Josẹf kẹ Etiyin e de mu ẹkẹ emu rayen kẹ ayen, ẹkẹvuọvo ẹkẹ emu ri Bẹnjamin de bu te ọrayen ọvuọvo akuori. Etiyin ayen vọye da re da kugbe ghọghọ.

2 Samuẹl 13:28

Etiyin Absalọm da ta kẹ idibo rọye nẹ, Wa rhẹrẹ vwẹ ọke rẹ udi de mu Amnọn, me da ta kẹ ovwan nẹ, ghwiẹ Amnọn; we mi hwe, wo jẹn oshọ mu ovwa-an. ọ dia omẹvwẹ ri ji ovwa-an? Yivwaro, goma.

1 Ivie 21:7

Jezibẹl rẹ aye rọye da ta kẹ, ọ dia owẹ ri suẹn Izrẹl? Vrẹn, rere wọ re emu, rere udu wẹn sasa; me cha vwẹ ogba ri vain ri Nabọt ohwo ri Jezril na kẹ wẹ.

Ẹsta 1:10

Vwẹ ẹdẹ righwrẹn, rẹ oma vwọ vwerhọ ovie na fiki rẹ idi rọ dare, ọ da ta kẹ Mehuman, Bizta, Habona, Bizta kugbe Abagta, Zethar, kugbe Kakas, eghwara ighwrẹn ri muẹ idi kẹ Ahasuerus rẹ ovie na,

Une rẹ Ejiro 104:15

kugbe udi rọ vwe omavwerhe ke udu rẹ ohwo, ori rere opharo rọye vwo lo, kugbe ikara rọ nẹrhẹ udu re ohwo gan.

Aghwoghwo 10:19

Ikara herọ vwọ kẹ ehwẹ, udi nẹrhẹ oma sasa, igho ri furhiẹ eta ejobi.

Aghwoghwo 2:24

Emu ọfa rha herọ ro yovwi kẹ ohwo-o jokpa nẹ ọ gba re rere ọ da, rere ọ mrẹ avwerhe rẹ owian rọye. Ọnana dede na, me mrẹrẹ nure nẹ, obọ rẹ Ọghẹnẹ o ji nẹcha.

Aghwoghwo 8:15

Mi de jiri omavwerhovwẹ, kidie ohwo rhe vwo emu esiri vwẹ otọ rẹ ọnre na-a, ẹkẹvuọvo e jọ re, rere ọ da, rere oma vwerhọ, kidie ọna obo ri tere vwẹ owian rọye vwẹ ẹdẹ ejobi rẹ Ọghẹnẹ vwọ kẹ vwẹ otọ rẹ ọnre na.

Aghwoghwo 9:7

Yanran, ra re ikara wẹn vẹ aghọghọ, rere wọ da udi wẹn vẹ omavwerhvwẹ vwẹ udu, kidie Ọghẹnẹ phi obọ phihọ obo wo ruru.

1 Kọrẹnt 10:31

Ọtiọye na, owenẹ wọ rere eyẹ wọ dare, eyẹ kemu kemu wo ruru, ru ayen ejobi vwọ kẹ urinrin rẹ Ọghẹnẹ.

Ẹfesọs 5:18

We gbi jẹ idi muẹ ovwa-an, kidie ọye ozighi; ẹkẹvuọvo gbe jẹ Erhi na vọn ovwan oma.

Iguẹdjọ 16:25

Ọke rẹ oma vwọ vwerha ayen re, ayen da tanẹ, se Samsin na rhe, rere o gbeha kẹ avwanre. Eriyin ayen de se Samsin nẹ evun rẹ uwodi na rhe, o de gbeha ke ayen. Ayen de mu Samsin mudia uherevie rẹ ichivwo rẹ uwevwi na

Iguẹdjọ 19:22

Ọke rẹ ayen vwọ re emu vẹ oma vwerhe, nighe, eshare rẹ orere na, otu ri gbozighi da gba riariẹ uwevwi na phihọ, ayen da teye ẹchẹ na; ayen da ta kẹ ọmare rẹ ọshare na, ọ ro vwo uwevwi na nẹ, Reyọ ọshare rọ rhe uwevwi na, phihọ otafe rere avwanre vughe.

Iguẹdjọ 19:6

Ọtiọye na ayen eshare ivẹ na de tidia ayen da re ayen da da, ọsẹ rẹ ọmọtẹ na da ta kẹ ọshare na nẹ, Joma vwerhe owẹ rere wọ dia etinẹ ason na, jẹn evun vwẹrhe owẹ.

Iguẹdjọ 19:9

Ọke rẹ ọshare na kugbe ọnse rọye kugbe odibo rọye vwo vrẹn rere ayen yanran kpo, etiyin ọgọ rọye, ọsẹ rẹ ọmọtẹ na da ta kẹ nẹ, Nighe, ọke na kpo ovwọnvwọn re; biko da oma ji vwẹ ason nana. Nighe, ọke na kpo re, vwerhẹ etinẹ rere wo jẹn oma vwerhẹ owẹ; rere irhiọke ride rẹ odẹ rọ cha, wọ ke yanran kpo.

Rutu 3:6

Ọtioye o de kpo asan ra da fa ofafa na, o de ru kirobo rẹ oniorọvwe rọye ta kẹ ejobi.

Rutu 3:8

Vwẹ uherevie rẹ ason, ọshare na de guegue, ọ da rhẹriẹ oma, nighere aye ọvo de shevwerhẹ kẹrẹ asan awọ rọye.