Rutu 2:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Nighe, Boaz de nẹ Bẹtlẹhẹm rhe, ọ da ta kẹ otu re kọrọ eka na, Ọrovwohwo nene ovwan dia! Ayen da kpahe kẹ, Ọrovwohwo bruphiho kẹ wẹ

Rutu 2:4 ပူးပေါင်းရင်းမြစ်များ

Jẹnẹsis 18:19

Ẹjo, kidie Me jẹrẹ reyọ nure, nẹ oyono emọ rọye vẹ evwruwevwi rọye ejobi re ayen sẹro rẹ idjerhe rẹ Ọrovwohwo re ayen ru uruemu rẹ ọvwata vẹ ọsoso; rere ive rẹ Ọrovwohwo vẹ kẹ Ebraham na o vwo se ruo gba kẹ.

Jẹnẹsis 28:3

Ọghẹnẹ ro vwo Ẹgba o bruphihọ kẹ wẹ ro ru we ogbaọmiọvwọ ru wo bu, ru wọ rhe dia egbotu.

1 Ikun rẹ Ivie 2:51

Salma, ọsẹ ri Bẹtlẹhẹm, kugbe Harẹf ọsẹ ri Bẹtgader.

Une rẹ Ejiro 118:26

Ebruphihọ kẹ ohwo rọ ro uwevwi vwẹ odẹ rẹ Ọrovwohwo na! Avwanre bruba kẹ wẹ nẹ uwevwi re Ọrovwohwo na rhe

Une rẹ Ejiro 134:3

Jẹn Ọrovwohwo na bruba kẹ wẹ nẹ Zayọn rhe, ọ rọ ma odjuvwu vẹ akpọ!

Jerimaya 31:23

Enẹ Ọrovwohwo rẹ otuofovwi na tare, Ọghẹnẹ rẹ Izrẹl: Ayen cha rhoma ta eta nana vwẹ otọ ri Juda vẹ irere rọye ọke re me da vwẹ oyovwe rayen rhe nu: Ọrovwohwo bruba kẹ wẹ, E ẹdia rẹ ọvwata, E ugbenu ọfuanfọn!

Ukeri 6:24

Ọrovwohwo bruphihọ kẹ ovwan rọ sẹro rẹ ovwan.

Iyẹnrẹ Esiri ri Luk 1:28

Ọ de bro rhe ọ da ta, Do wẹ rọ vọnre vẹ ẹserọphẹ, Ọrovwohwo vẹ owẹ herọ.

2 Tẹsalonaika 3:16

Asakiephana ekpuyovwi rẹ Ọrovwohwo rẹ ufuoma na ọ kẹ ovwan ufuoma kọke kọke vwẹ idjerhe ejobi. Ọrovwohwo nene ovwan ejobi dia.

1 Timoti 6:2

Ihwo ri vwo inini ri segbuyota wa jẹ ayen fia-a kidie imoni ovwan ruẹ; ẹkẹvuọvo we rhie evun ga ayen fikiridie ihwo re cha re erere rẹ owian rẹ ovwan na je vwẹ ihwo ri segbuyota imoni re ghare. Vwẹ imu nana yono ayen.

2 Timoti 4:22

Ọrovwohwo nene erhi wẹn dia. Ẹserọphẹ nene nwe dia.

Joshua 24:15

O da dianẹ ovwan gbe sa rhọvwe ga Ọrovwohwo na-a, gba jẹ nonẹ na ohwo rẹ ovwan ga, kẹ edjọ rẹ esẹ rẹ ovwan gọre vwẹ ubrakpọ rọ obo ovrẹn rẹ Urhie na, eyẹ edjọ rẹ ihwo rẹ Amọr rẹ ovwan dia otọ rẹ ayen na; ẹkẹvuọvo vwọ kẹ vwẹ vẹ uwevwi mẹ, Ọrovwohwo ọvo ọye avwanre ga.

Iguẹdjọ 6:12

Amakashe rẹ Ọrovwohwo na da vwẹ oma phia kẹ ọ da ta kẹ nẹ, Ọrovwohwo na vẹ owẹ herọ, wọwẹ ọgba na ọshare vẹ udu

Iguẹdjọ 6:16

Ọrovwohwo na da ta kẹ nẹ, Ẹkẹvuọvo Mi nene uwe dia, ku wo hwe ihwo ri Midian na kerẹ ohwo ọvo.

Rutu 2:3

Etiyin ọ da yanran, ọ da ra tọrọ eka nene otu re kọrọ eka na vwẹ obo udju; ọ da rhe tọrọ ro ẹbẹrotọ ri Boaz, ohwo rẹ orua rẹ Elimẹlẹk.

Rutu 2:5

Etiyin Boaz da ta kẹ odibo rọye rẹ olori rẹ otu re kọrọ eka na, Ono vwo ọmọtẹ nana?

Rutu 4:11

Etiyin ihwo ejobi re hẹ anurhoro na, vẹ ekpako na, da ta, Avwanre iseri. Jẹn Ọrovwohwo ru aye na, rọ cha uwevwi wẹn na, kẹrẹ Rachẹl vi Leah, aye ivẹ na re tọn uwevwi rẹ Izrẹl phihọ. Jẹn oyovwi kẹ wẹ vwẹ Efrata, rere wo titi vwi Bẹtlẹhẹm,

1 Samuẹl 17:37

Devid da ta, Ọrovwohwo ro sivwi vwe nẹ ẹkuobọ rẹ okpohrokpo kugbe ẹkuobọ rẹ okorhi na, ko ji sivwi vwe nẹ obọ ri Filistia nana. Sọl da ta kẹ Devid, Yanran, Ọrovwohwo nene uwe dia.