Rutu 2:20 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁰ Etiyin Naomi da ta kẹ aye rẹ ọmọ rọye Ebruphihọ rẹ Ọrovwohwo dia kẹ ohwo na, ro gbobọ nyẹ ẹse ro ruẹ vwọ kẹ ihwo ekpokpọ eyẹ ighweghwu-u. Naomi da je ta kẹ, Ọshare na omoni rẹ avwanre, omoni kpẹkpẹkpẹ.

Rutu 2:20 ပူးပေါင်းရင်းမြစ်များ

2 Samuẹl 2:5

Devid de ji ikọn bru ihwo ri Jabẹsh Giliad ra ọ da ta kẹ ayen, E jẹn Ọrovwohwo bruphihọ kẹ ovwan, kidie we ru ẹse nana vwọ kẹ ọrovwovwan, Sọl ri we vwo sho.

2 Samuẹl 9:1

Devid da ta, a rha sa mrẹ ohwo ọvo ro chekọ vwẹ uwevwi ri Sọl, re mi ru ẹse kẹ fiki ri Jonatan?

ỌBE RẸ JOB 19:25

Kidie me riẹnre nẹ Ọ rọ tavwẹ hirhe herọ nẹ o che mudia enu rẹ akpọ na vwẹ ukuko rọye,

Isẹ 17:17

Ugbeyan vwo eguọnọ kpahe ohwo kọke kọke, e vwiẹ oniọvo kpahe ohwo fiki rẹ ẹdoja.

Livitikọs 25:25

Oniọvo wẹn da ogbere, rọ da she emu ro vwori, omoni rọ ma kẹrẹ oma Me ra tan emu rẹ omoni rọye shẹre na,

Filipae 4:10

Me ghọghọre vwẹ evun rẹ Ọrovwohwo gangan nẹ asakiephana ovwan rha rhe ro ẹnwan mẹ ovwan ghine ro ẹnwan mẹ ẹkẹvuọvo ovwan mrẹ obọ-ọ.

Rutu 2:21

Rutu ohwo ri Moab na da ta, Vwọ ba, ọ je ta kẹ vwẹ, Wo mi sikẹrẹ idibo mẹ na kpẹkpẹkpẹ, bẹsiẹ rẹ ayen vwo vu ivuevun mẹ renu.

Rutu 3:12

Vwẹ asakiephana ghinẹ uyota nẹ mẹvwẹ omoni kpẹkpẹkpẹ: ẹkẹvuọvo omoni ọvo herọ rọ kẹrẹ nọ vwẹ.

Rutu 4:14

Etiyin eya na da ta kẹ Naomi, Ebruphihọ kẹ Ọrovwohwo, ro si we nẹ ovwuvwohwo: e jẹn odẹ rọye titi vwẹ Izrẹl!

Rutu 4:4

Ki mi rori nẹ me ta kẹ wẹ vwẹ irharo rẹ ihwo ri tidia etinẹ na, vẹ irharo rẹ ekpako rẹ ihwo mẹ na. Ọ da dianẹ wọ dẹ, dẹ: ẹkẹvuọvo ọ da dianẹ wọ dẹ-ẹ, ta kẹ vwẹ, rere me riẹn, fikiridie ohwo ọfa rha herọ chọ wẹ ra rọ dẹ-ẹ mẹvwẹ kọye vwọ kpahe owẹ. Ọ da ta, me cha de.

Rutu 4:6

Etiyin omoni na da ta, Me sa dẹ kẹ oma mẹ-ẹ, mi de re miovwo urhi rẹ ukuẹriọ mẹ: Dẹ ogangan rẹ ukuẹriọ mẹ kẹ oma wẹn, kidie me sa dẹ-ẹ.