Rutu 2:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Etiyin Rutu rẹ ohwo ri Moab na da ta kẹ Naomi, Jẹn uvwe yanran kpo udju ọke nana, rere mi re gbugbo rẹ ọka rẹ ọghwẹrẹ re me cha mrẹ ẹroesiri vwẹ obọ rọye. Etiyin ọ da ta kẹ, Yanran, ọmọtẹ mẹ.

Rutu 2:2 ပူးပေါင်းရင်းမြစ်များ

Jẹnẹsis 32:6

Ikọ na de rhivwi bru Jekọp rhe tanẹ, Avwanre te asan rẹ oniọvo wẹn Isọ, okpuyovwi rọye cha vwa wẹ, kugbe ihwo uri ivẹ ri nenire.

Livitikọs 19:10

Ovwan rha je hiẹn ọgbọ ri vain rẹ ovwan muotọ-ọ, ovwan je tọrọ otiẹ ri she teye otọ rẹ udju rẹ ovwa-an; ovwan Me yan jẹn ayen vwọ kẹ otu rigbere vẹ erhorha; Mẹvwẹ Ọrovwohwo Ọghẹnẹ rẹ ovwan.

Livitikọs 19:16

Wọ rha dia oguguegu vwẹ ohri rẹ ihwo wẹ-ẹn, wo ji mudia kẹ ehwe rẹ arhọ rẹ ọrivẹ wẹ-ẹn. Mẹvwẹ Ọrovwohwo na.

Livitikọs 19:9

Ọke we de che vun emu rẹ orho rẹ aghwa rẹ ovwan, ovwan rhe vuẹn te orhogba rẹ udju na-a, ovwan de ji vun nu ovwan rhe rhivwi yanran re gbugbo vwọ-ọ.

Livitikọs 23:22

Ovwan de che vuẹn orhọ rẹ otọ rẹ ovwan, ovwan vuẹn te orhogba-a, ovwan ji gbo ugbo rẹ orhọ na-a, ovwan mi ji ayen vwo vwọ kẹ igbere na vẹ erhorha: Mẹvwẹ Ọrovwohwo Ọghẹnẹ re ovwan.

Rutu 2:3

Etiyin ọ da yanran, ọ da ra tọrọ eka nene otu re kọrọ eka na vwẹ obo udju; ọ da rhe tọrọ ro ẹbẹrotọ ri Boaz, ohwo rẹ orua rẹ Elimẹlẹk.

Rutu 2:7

Ọ da ta, Biko, jẹn uvwe tọrọ re me ghwẹ koko nene otu re kọrọ na. Kọye ọ da rhe, rhe tọrọ nẹ irhiọke ride rhe ri te ọke nana, o ji rhovwoma krẹn siẹvo-o.

1 Samuẹl 1:18

ọ da ta, Jẹn odibo wẹn rẹ ọmọtẹ mrẹ aroesiri vwẹ obọ wẹ. Etiyin aye na da yanran ọ da re emu, o gbi mu oma phihọ ọfa-a.