Rutu 2:13 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹³ Etiyin ọ da ta, Wo nẹ arodọrvwe kẹ vwẹ gangan, Ọrovwovwe, kidie wo bru vwe uche wọ da ta ota rẹ aruẹdọ kẹ ọmọtẹ wẹn, je me dia ọvo vwẹ usun rẹ idibo wẹn rẹ emetẹ-ẹ.

Rutu 2:13 ပူးပေါင်းရင်းမြစ်များ

Jẹnẹsis 32:6

Ikọ na de rhivwi bru Jekọp rhe tanẹ, Avwanre te asan rẹ oniọvo wẹn Isọ, okpuyovwi rọye cha vwa wẹ, kugbe ihwo uri ivẹ ri nenire.

Jẹnẹsis 33:10

Jekọp da ta, Ẹjo, Me rẹ wẹ, ọ da dianẹ ivun mẹ vwerhe owẹ, gba reyọ ọghọ na mie vwe, vwẹ uyota a da mrẹ opharo wẹn, kọ họhọ ohwo rọ mrẹ opharo rẹ Ọghẹnẹ, gba vwẹ ẹguọnọ ro jẹrhẹriẹ tiọye na reyọ ovwẹ.

Jẹnẹsis 33:15

Etiyin Isọ da ta, Gbe ju vwe yan jẹn ihwo mẹ ẹvo vwo kẹ wẹ. Ẹkẹvuọvo ọ da ta, Kidie Me vwẹ ayen ru? Ju vwe mrẹ ivuavwerhe vwẹ obaro rẹ ọrovwovwe.

Jẹnẹsis 33:8

Isọ da ta, Kidie a vwẹ usun nana ejobi na re Me vware na vwo ru? Jekọp da kpahe, Re Me vwọ mrẹ aroesiri vwẹ obaro rẹ ọrovwovwe.

Jẹnẹsis 34:3

Erhi rọye de churu mui Dinah ọmọtẹ ri Jekọp na; ivun rọye da vwerhọ ọ da ta ota dẹndẹn vwọ kẹ.

Jẹnẹsis 43:14

E jẹn Ọghẹnẹ ro vwo Ẹgba kẹ ovwan aruẹdọn vwẹ obaro rẹ ohwo na, rere o siobọ nẹ ọmọsẹ wẹn ro chekọ vi Bẹnjamin rhe. Ọ da dianẹ emu ru emọ Me nana ivẹ na, ye okpemu ri ru vwe.

2 Samuẹl 16:4

Etiyin ovie da ta kẹ Ziba, Nighere, emu ri Mefiboshẹt vwori ejobi kẹ owẹ. Ziba da ta, me vware; gbe ju vwe mrẹ ẹroesiri vwẹ obaro wẹn, ọrovwovwe ovie.

Isẹ 15:33

Oshọẹdjẹ rẹ Ọrovwohwo hẹ uyono rẹ aghwanre, omaevwokpotọ kọye rha ka obaro kẹ ọrho.

Hosia 2:16

Vwẹ ẹdẹ yena Ọrovwohwo da ta, ku wọ se vwẹ, Ọshare mẹ, wọ gbi se vwẹ Baal mẹ-ẹ.

Filipae 2:3

Wa vwẹ urhuru vẹ ophiẹvwe ruẹ emu ọvuọvo-o, ẹkẹvuọvo vwẹ oma evwokpotọ kere phihọ nẹ ihwo efa yovwi nọ ovwan.

Iguẹdjọ 19:3

Etiyin ọshare rọye na de bro ra rere o rhivwi bro rhe uwevwi. Ọ da reyọ idibo rọye kugbe ekẹtẹkẹtẹ ivẹ nene oma yanran. Ọ da rhe uwevwi rẹ ọsẹ rẹ aye na; ọke rẹ ọsẹ rẹ ọmọtẹ na vwọ mrẹ, ọ da rhe vwa vẹ aghọghọ.

Rutu 2:12

Ọrovwobwo hwa osa kẹ wẹ kirobo ri wo ruru, osa rọ vọnre ọye Ọrovwohwo hwa kẹ wẹ, Ọghẹnẹ rẹ Izrẹl, ohwo ri wo rhi sioma nu vwe obotọ rẹ ibekpe rọye.

Rutu 2:14

Ọke ra vwọ ria emu vwo te, Boaz da ta kẹ, sikẹrẹ obonẹ, ru wọ ra re emu, ru wo duvwu obọegun wẹn phihọ wain. Etiyin o de tidia kẹrẹ otu ri vuẹn na, ọ da reyọ ọkuọka rọ ọyaya vwọ kẹ; ọ da re bẹsiẹ rẹ evun vwọ vọn, ọ da je mrẹ re chekọ.

1 Samuẹl 1:18

ọ da ta, Jẹn odibo wẹn rẹ ọmọtẹ mrẹ aroesiri vwẹ obọ wẹ. Etiyin aye na da yanran ọ da re emu, o gbi mu oma phihọ ọfa-a.

1 Samuẹl 25:41

O vrẹnri ọ da vwẹ uyovwi te otọ, ọ da ta, Nighe, ọmọtẹ wẹn ọye odibo rọ hworhẹ awọ rẹ idibo rẹ ọrovwovwe.