Rutu 1:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Odẹ rẹ ọshare na Elimẹlẹk, ode re aye rọye Naomi, odẹ rẹ emọ rọye ivẹ na kẹ Malọn vi Chiliọn; ayen ihwo rẹ Ifrẹm vwi Bẹtlẹhẹm Juda Ayen da yanran kpo otọ ri Moab ra dia.

Rutu 1:2 ပူးပေါင်းရင်းမြစ်များ

Jẹnẹsis 35:19

Etiyin Rachel de ghwu, e de sho vwẹ idjerhe rẹ Efrat (kọye Bẹtlẹhẹm),

Maika 5:2

Ẹkẹvuọvo wẹ, E Bẹtlẹhẹm Efrata, wẹ re ma hanvwe vwẹ usun rẹ uvwiẹ ri Juda, oma wẹ ọye ohwo ọvo che nurhe kẹ vwẹ rọ cha dia osun vwẹ Izrẹl, ohwo rọ herọ nẹ awanre rhe, nẹ ọke re rhabae rhe.

Iguẹdjọ 17:7

Emeghene ọvo ri Bẹtlẹhẹm ri Juda da herọ ọ rẹ orua ri Juda, ohwo ri Livae o ruẹ, ọ da kpare oyan kpo oboyi.

Iguẹdjọ 3:30

Ọtiọye na e de phi Moab kparobọ vwẹ ẹdẹ yena vwọ kẹ Izrẹl. Otọ na de vwo omaerovwo vwẹ ikpe ujonẹ.

Rutu 1:3

Elimẹlẹk ọshare ri Naomi de ghwu, ọye ọvo kọye chekọ vẹ emọ rọye ivẹ.

Rutu 1:5

Te Malọn te Chiliọn de ghwu, ọtiọye ọshare rẹ aye na vẹ emọ rọye ivẹ na de ghwu.

Rutu 2:1

Asakiephana Naomi de vwo ohwo ọvo rọ dia omoni rẹ ọshare rọye, ọshare na kẹ ọdafe, ohwo rẹ orua rẹ Elimẹlẹk; odẹ rọye Boaz.

Rutu 4:9

Boaz da ta kẹ ekpako na vẹ ihwo ejobi, ovwan iseri mẹ nonẹ na nẹ me dẹ vwẹ obo ri Naomi emu ejobi rẹ Ebimẹlẹk vwori vẹ emu ejobi ri Kiliọn vi Malọn, vwori.

1 Samuẹl 1:1

Ọshare ọvo herọ vwi Ramataim-zophim vwẹ obo orho rẹ ugbenu rẹ Ifrem, re se odẹ rọye Elkanah, ọmọ rẹ Elihu, rẹ ọmọ ri Tohu, rẹ ọmọ ri Zuf, ohwo rẹ Ifrem.

1 Samuẹl 17:12

Asakiephana Devid kẹ ọmọ rẹ ohwo rẹ Efrat ri Bẹtlẹhẹm vwi Juda, re se Jesse, ro vwo emeshare ẹrenre. Vwẹ ọke ri Sọl jẹ ohwo na tobọ ghwanre ọmare o ruẹ.

1 Samuẹl 17:21

Ihwo rẹ Izrẹl vẹ ihwo ri Filistia de rhi mu ofovwi dje, unuofovwi so unuofovwi.