Ọbe ri Pọl si rhe Ihwo ri Rom 9:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ ayen a vwẹ esẹ ride na kẹ, uvwiẹ rayen, vwẹ ọ rẹ ugboma, kọye Kristi nurhe. Ọghẹnẹ rọ hẹ enu rẹ ayen ejobi ọye ebruba kẹ bẹdẹ. Isẹ.

Ọbe ri Pọl si rhe Ihwo ri Rom 9:5 ပူးပေါင်းရင်းမြစ်များ

Jẹnẹsis 12:3

Ki mi bruba kẹ ihwo ri bruba kẹ wẹ, oro harhe owẹ ke Me harhọ; vwẹ oma wẹn irere rẹ akpọ na ejobi de vwo ebruphihọ kẹ oma rayen.

Jẹnẹsis 49:10

Ọkpọ na rhe se ni Juda-a, eye ọkpọ rẹ osun na rhe se nẹ agada rọyee, bẹsiẹ ro che vwo te obọ rẹ ohwo ro viri, kọye ihwo na ejobi che mu ọghọ ke.

1 Ivie 1:36

Bẹnaya ọmọ ri Jehoyada da kpahe kẹ ovie, Isẹ, Ẹ jẹn Ọrovwohwo, Ọghẹnẹ rẹ ọrovwovwe ovie, ta ọtiọye.

1 Ikun rẹ Ivie 16:36

Ebruphihọ kẹ Ọrovwohwo na, Ọghẹnẹ rẹ Izrẹl nẹ bẹdẹ bẹdẹ re te rhiri bẹdẹ. Etiyin ihwo na ejobi da ta, Isẹ!, ayen de jiri Ọrovwohwo.

Une rẹ Ejiro 103:19

Ọrovwohwo na bọn ekete rọye phihọ obo odjuvwu nure, uvie rọye kọye suẹn ayen ejobi.

Une rẹ Ejiro 106:48

Ebruphihọ kẹ Ọrovwohwo na, Ọghẹnẹ rẹ Izrẹl na, nẹ rhiri bẹdẹ re te rhiri bẹdẹ! E gbe jẹn ihwo ejobi ta, Isẹ! Jiri Ọrovwohwo na!

Une rẹ Ejiro 41:13

Ebruba kẹ Ọrovwohwo, Ọghẹnẹ re Izrẹl, nẹ bẹdẹ bẹdẹ re te bẹdẹ bẹdẹ! Isẹ kugbe Isẹ.

Une rẹ Ejiro 45:6

Ekete wẹn, E Ọghẹnẹ, ọ re bẹdẹ bẹdẹ, ọkpọ rẹ uvie wẹn na ọye ọkpọ rẹ abavo,

Une rẹ Ejiro 72:19

Ebruphihọ kẹ odẹ rẹ uririn rọye bẹdẹ, e jẹn urinrin rọye vọn akpọ na ejobi, Isẹ, Isẹ.

Une rẹ Ejiro 89:52

Ebruphihọ kẹ Ọrovwohwo rhiri bẹdẹ! Isẹ kugbe Isẹ.

Aizaya 11:1

Ẹro ko che yoro nẹ uchuku ri Jessi rhe, oghọn kọ cha tan nẹ esiri rọye rhe.

Aizaya 7:14

Fiki rẹ ọtiọye na Ọrovwohwo ọvo kọye cha vwẹ oka kẹ wẹn. Nighe, eghene aye cha mrevun, ko che vwiẹ ọmọ, ke se odẹ rọye Imanuẹl.

Jerimaya 28:6

Jerimaya rẹ ọmraro na da ta, Isẹ! E jẹn Ọrovwohwo ru ọtiọye; e jẹn Ọrovwohwo ru eta ro wọ tare na re dia uyota, re ekuakua ra ghwa nẹ uwevwi rẹ Ọrovwohwo, kpo Babilọn na, vẹ ighivwu na, a rhoma reyọ ayen rhe etinẹ.

Maika 5:2

Ẹkẹvuọvo wẹ, E Bẹtlẹhẹm Efrata, wẹ re ma hanvwe vwẹ usun rẹ uvwiẹ ri Juda, oma wẹ ọye ohwo ọvo che nurhe kẹ vwẹ rọ cha dia osun vwẹ Izrẹl, ohwo rọ herọ nẹ awanre rhe, nẹ ọke re rhabae rhe.

Matiu 28:20

Wẹ yono ayen vwọ riẹn otọ rẹ imu na ejobi re dje kẹ ovwan na. Nighe, me vẹ ovwan herọ vwẹ ọke ejobi, rhiri rhi te oba rẹ akpọ na.

Matiu 6:13

Wo suẹn avwanre ro ọdavwini-i, ẹkẹvuọvo si avwanre nẹ ukpokpogho.

Iyẹnrẹ Esiri ri Luk 20:44

Devid vwẹ enẹ se Ọrovwohwo; komavọ o ru rha vwọ dia ọmọ rọye?

Iyẹnrẹ Esiri ri Jọn 10:30

Mẹvwẹ vẹ Ọsẹ mẹ ọvuọvo.

Iruo rẹ Iyinkọn na 20:28

Wa kẹnoma rẹ ovwan kugbe uchuru na ejobi, rẹ Ẹrhi Ọfuanfon na vwọ kẹ ovwan nẹ wa vwẹ ẹro te, re wa ghẹrẹ ishọshi rẹ Ọrovwohwo rọ vwẹ ọbara robọ rọye dẹ.

Iruo rẹ Iyinkọn na 3:13

Ọghẹnẹ rẹ Ebraham kugbe ọrẹ Aizik kugbe ọrẹ Jekọp, Ọghẹnẹ rẹ esẹ rẹ avwanre na, vwẹ urinrin kẹ odibo rọye Jesu, ọ rẹ ovwan senre re mu kpo obaro ri Pailet, vwẹ ọke rọ vwọ ta nẹ ọye siobọ no.

Ọbe ri Pọl si rhe Ihwo ri Rom 1:25

Kidie ayen wene uyota rẹ Ọghẹnẹ kpẹ ofian, ayen da vwẹ ẹga vẹ ejiro vwọ kẹ uhoho ra mare nọ ekpuyovwi rẹ Ọmẹma na, ohwo re jiri bẹdẹ! Isẹ.

Ọbe ri Pọl si rhe Ihwo ri Rom 1:3

Iyẹnrẹ esiri kpahe Ọmọ rọye, re vwiẹri vwẹ orua ri Devid vwẹ ọ rẹ ugboma

Ọbe ri Pọl si rhe Ihwo ri Rom 10:12

Kidie ofẹnẹ herọ kẹ ihwo ri Ju vẹ ihwo ri Griki-i; Ọrovwohwo ọvuọvo na ọye hẹ Ọrovwohwo ro vwo emu ejobi, ọ vwẹ efe rọye kẹ ihwo ejobi ri se odẹ royẹ.

Ọbe ri Pọl si rhe Ihwo ri Rom 11:28

Vwẹ oma rẹ iyẹnrẹ esiri na ayen kẹ ọvweghrẹ rẹ Ọghẹnẹ fiki rẹ ovwan; ẹkẹvuọvo vwẹ oma rẹ ẹjẹreyọ ayen kẹ ihwo eghaghare fiki rẹ esẹ rayen ride.

1 Kọrẹnt 14:16

Ọ rha dia ọtiọye-e, ọ da dianẹ wọ vwẹ erhi nẹ ẹrhovwo, komavọ ogbori se vwo ku isẹ phihọ ẹkpẹvwẹ wẹn yọ riẹn obo ru wọ ta-a?

2 Kọrẹnt 11:31

Ọghẹnẹ kugbe Ọsẹ rẹ Ọrovwohwo Jesu, ohwo ra vwẹ ebruba kẹ bẹdẹ, riẹnre nẹ me vwọnrọn ọfia-an.

Urhi Rivẹ 10:15

Ọrovwohwo ọvo vwo ivuavwerhe kpahe esẹ rẹ ovwan je guọnọ ayen, ọ da jẹn emọ rayen re cha vwẹ uko reyọ, kọye ovwan vwọ enu rẹ ihwo na ejobi, kirobo rọ epha nonẹ na.

1 Timoti 3:16

Ẹtẹkuẹte, oye hẹ ẹrhọvwọ, rẹ igbunu rẹ egagọ rẹ avwanre na; Ọ rọ phiare vwẹ ughoma, ẹ Erhi Ọfuanfon brorhiẹ kẹ, rẹ emakashe mrẹre, re ghwoghwori vwẹ ohri rẹ ẹgborho na, re segbuyota vwẹ akpọ na, re mu kpenu vwẹ urinrin.

1 Timoti 6:15

ka cha vwẹ ọnana phia vwẹ omamọ ọke rọye Osun ọvuọvo na re bruba kẹ, Ovie ro vwo ivie ejobi kugbe Ọrovwohwo ro vwo ihwo ejobi,

2 Timoti 2:8

Karohọ Jesu Kristi, ro vrẹn nẹ ughwu, ro nẹ uvwiẹ ri Devid rhe, kirobo re ghwoghwori vwẹ iyẹnrẹ esiri mẹ,

Hibru 7:24

kirobo rẹ ekpuyovwi rọye vwọ dia rhiri bẹdẹ na, orherẹn rọye rhe vwo ewene-e.

1 Jọn 5:20

Yẹ avwanre riẹnre nẹ Ọmọ rẹ Ọghẹnẹ na rhe nure ọ da kẹ avwanre ẹruọ, ra vwọ riẹn ohwo rẹ uyota; evun rẹ ohwo rẹ uyota na kọye avwanre epha, evun rẹ Ọmọ rọye na Jesu Kristi. Ọnana hẹ Ọghẹnẹ rẹ uyota kugbe arhọ ri bẹdẹ na.

Ẹvwọphia 1:18

rọ rhọre bẹdẹ na; mi ghwuru jovwo, gbe nighe me rhọre bẹdẹ, ko mẹvwẹ ri vwo usiaphrẹ rẹ Ughwu vẹ Ushi vwẹ obọ mẹ.

Ẹvwọphia 22:16

Mẹvwẹ ri Jesu ri ji amakashe mẹ rhe we ro se iseri nana kẹ ishọshi na. Mẹvwẹ hẹ owọ kugbe upene ri Devid, isio rẹ irhiọke ro lo.

Ẹvwọphia 22:20

Ohwo ro se oseri kpahe Emu nana tare, O muẹro me cha nanana. Isẹ. Yanrhe, Ọrovwohwo Jesu!

Ẹvwọphia 5:14

Eranvwe ekpokpọ ẹne na da ta, Isẹ! ekpako na de she diguẹ ayen da gọ.