Ọbe ri Pọl si rhe Ihwo ri Rom 9:16 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁶ Vwẹ ọtiọye na ọ dianẹ kẹ obo rẹ ohwo guọnọ te-e eyẹ obo rọ wian te-e, ẹkẹvuọvo arodọvwẹ rẹ Ọghẹnẹ.

Ọbe ri Pọl si rhe Ihwo ri Rom 9:16 ပူးပေါင်းရင်းမြစ်များ

Une rẹ Ejiro 110:3

Ihwo wẹn che siobọ nẹ oma rẹ ayen ọphọphẹ vwẹ ẹdẹ wo de sun otuofovwi wẹn vwẹ igbenu efuanfon wẹn na. Kẹ evun rẹ irhiọke ride. kerẹ evwru rẹ irhiọke ọtiọye ọmọha wẹn cha dia.

Aizaya 65:1

Me choma Me vwẹ oma Mẹ phia kẹ ayen otu re nọ ekpẹn mẹ-ẹ; Me choma rere ihwo re guọnọ ovwẹ-ẹ vwọ sa mrẹ vwẹ. Me da ta, Mẹvwẹ na, Mẹvwẹ na, vwọ kẹ ẹgborho ro se odẹ mẹ-ẹ.

Matiu 11:27

Ọsẹ mẹ vwi kemu kemu na ejobi kẹ vwẹ, yẹ ohwo ọvuọvo riẹn ọmọ na-a, jokpa rẹ Ọsẹ na; ohwo ọfa riẹn Ọsẹ na-a, jokpa rẹ Ọmọ na kugbe ihwo rẹ Ọmọ na dje Ọsẹ na kẹ.

Matiu 4:8

Idẹbono da rhoma reyọ vwo kpo enu rẹ ugbenu ọvo ro kpenu gangan, ọ da vwẹ uvie rẹ akpọ na ejobi vwọ nẹ, kugbe urinrin rọye ejobi;

Iyẹnrẹ Esiri ri Luk 10:21

Vwẹ ọke yena vuọvo na ọ da ghọghọ vwẹ evun rẹ Erhi Ọfuanfon na ọ da ta, Me kpẹvwẹ owẹn, Ọsẹ, Ọrovwohwo ro vwo odjuvwu vẹ akpọ, ru wo vwo si imu nana nu kẹ evwaghwanre kugbe otu ri vwo ẹruọ wọ da vwẹ ayen phia kẹ emọboba; eriyin, Ọsẹ, kidie ọtiọye hẹ ọhọre esiri wẹn na.

Iyẹnrẹ Esiri ri Jọn 3:8

Aphopho djuẹ kpo asan ro jere, wo nyo umri rọye, ẹkẹvuọvo wọ riẹn asan ro nẹ cha-a eyẹ asan rọ ra-a; ọtiọye ọ epha kẹ ohwo kohwo rẹ Erhi vwiẹri.

Ọbe ri Pọl si rhe Ihwo ri Rom 9:11

dede na ye ji vwiẹ aye-en re ji vughe erhuvwu vẹ obrabra raye-en, rere idjerhe rẹ Ọghẹnẹ vwọ sanọ ihwo vwo mudia, ọ dia fiki rẹ iruo-o ẹkẹvuọvo fiki rẹ use rọye,

Galesha 2:2

Vwẹ evun rẹ ẹvwọphia me vwọ yanran ra bẹbẹ gbe ikun rẹ iyẹnrẹ esiri na ri mi ghwoghwo vwẹ ohri ri Keferi na vwọ kẹ otu rẹ iyinkọn na ri kperi usi vwẹ usun rayen, rere iruo ri mi mu phihọ na vwo jẹ orukufia ẹdia.

Ẹfesọs 2:8

Kidie fiki rẹ ẹserọphẹ e vwo sivwi ovwan vwẹ oma rẹ esegbuyota; ọnana dia iruo rẹ obọ rẹ ovwa-an, okẹ rẹ Ọghẹnẹ.

Filipae 2:13

kidie Ọghẹnẹ ri ruẹ iruo vwẹ evun rẹ ovwan, ọye re rhọvwa nẹ we ru iruo fiki rẹ erhuvwu rọye.

Jems 1:18

Ọhọre obọ rọye o vwọ reyọ avwanre ru emọ vwẹ oma rẹ ota rẹ uyota na, o de ru avwanre rere, avwanre vwọ dia oka rẹ emamọ rẹsosuọ rẹ ihwo rọ ka ma.