Ọbe ri Pọl si rhe Ihwo ri Rom 8:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Ẹkẹvuọvo ovwan gbe hẹ evun rẹ ugboma-a, evun rẹ Erhi kọye ovwan epha, ọ da dianẹ Erhi rẹ Ọghẹnẹ vẹ ovwan herọ. Ohwo ro rhe vwo Erhi ri Kristi na-a, ọ rha sa dia ohwo rọye-e.

Ọbe ri Pọl si rhe Ihwo ri Rom 8:9 ပူးပေါင်းရင်းမြစ်များ

Izikiẹl 11:19

Ke me cha kẹ ayen udu ọvo, ki mi phi erhi ọkpokpọ phihọ evun rẹ ayen; ki mi si udu rẹ oragha na nẹ uvwo rẹ oma rayen, ke me kẹ ayen udu rẹ uvwo,

Iyẹnrẹ Esiri ri Luk 11:13

Ọ da dianẹ, wẹ rẹ ohwo umwemwu, da riẹn obo ra vwẹ emu oyoyovwi kẹ emọ wẹn, komavọ ọ rho te rẹ ọsẹ robo odjuvwu sa vwẹ Erhi Ọfuanfon kẹ otu re nọrọ?

Iyẹnrẹ Esiri ri Jọn 14:17

mrẹmrẹ kọye hẹ Erhi rẹ uyota na, rẹ akpọ na sa reyọ na-a, fikiridie ọ mrẹ rẹ-ẹ eyẹ ọ je riẹ-ẹn; ovwan riẹnrẹ kidie ọ vẹ ovwan gba dia, kọ je dia evun rẹ ovwan.

Iyẹnrẹ Esiri ri Jọn 14:23

Jesu da kpahe kẹ, Ọ da dianẹ ohwo guọnọ ovwẹ, ko sẹro rẹ ota mẹ, Ọsẹ mẹ kọ guọnọ avwanre ki bro rhe avwanre vẹ ọye ke gba dia uwevwi.

Iyẹnrẹ Esiri ri Jọn 3:34

Kidie ohwo rẹ Ọghẹnẹ jiri ta ota rẹ Ọghẹnẹ, kidie Ọghẹnẹ vwanvwẹ Erhi na vwọ kẹ;

Iyẹnrẹ Esiri ri Jọn 3:6

Ọ re vwiẹri vwẹ ugboma yẹ ọye ọ rẹ ugboma, ọ re vwiẹri vwẹ Erhi yẹ ọye ọ rẹ erhi.

Iruo rẹ Iyinkọn na 16:7

Ọke rẹ ayen vwo hirhe opharo ku Maisha, ayen da guọnọ kpo Bitinia, ẹkẹvuọvo Erhi ri Jesu rhọvwe kẹ aye-en;

Ọbe ri Pọl si rhe Ihwo ri Rom 7:5

Ọke rẹ avwanre vwọ dia vwẹ ugboma na, ọmeme rẹ umwemwu ọbrabra na, rẹ urhi na kpare na, yo ru iruo vwẹ oma rẹ avwanre rọ mọ emamo kẹ ughwu.

Ọbe ri Pọl si rhe Ihwo ri Rom 8:1

Asakiephana o rhe vwo obruhwe kẹ ayen otu re herọ vwẹ evun ri Jesu Kristi-i.

Ọbe ri Pọl si rhe Ihwo ri Rom 8:11

Ọ dianẹ Erhi rẹ ohwo rọ kpare Kristi vrẹn nẹ ughwu na da hẹ evun rẹ ovwan, ohwo rọ kpare Kristi vrẹn nẹ ughwu na kọ je vwẹ arhọ kẹ ugboma rẹ ovwan ro ghwẹ na fiki rẹ Erhi rọye rọ hẹ evun rẹ ovwan.

Ọbe ri Pọl si rhe Ihwo ri Rom 8:2

Kidie urhi rẹ Erhi rẹ arhọ vwi Kristi Jesu rhe rhan vwẹ nẹ obọ rẹ urhi rẹ umwemwu vẹ ughwu.

1 Kọrẹnt 15:23

Ẹkẹvuọvo dohwo dute rọye. Kristi kẹ omamo rẹsosuọ, kẹsiẹye o ki rhi te otu ri Kristi vwẹ ọke rẹ ẹcha rọye.

1 Kọrẹnt 3:16

Ovwan rha riẹn nẹ ovwan hẹ uwevwi rẹ Ọghẹnẹ nẹ Erhi rẹ Ọghẹnẹ dia evun rẹ ovwan?

1 Kọrẹnt 6:17

Ẹkẹvuọvo ohwo ro kuoma gbe Ọrovwohwo ọ vẹ ọye kẹ ọvo vwẹ erhi.

1 Kọrẹnt 6:19

Ovwan rha riẹn nẹ oma rẹ ovwan hẹ uwevwi rẹ Erhi Ọfuanfon na rọ hẹ evun rẹ ovwan, rẹ ovwan vwo nẹ obọ rẹ Ọghẹnẹ rhe? Wo vwo oma wẹ-ẹn;

2 Kọrẹnt 10:7

Ni obo re hẹ obaro rẹ ovwan. Ọ da dianẹ ohwo ọvo vwẹ ẹro so nẹ ọye ohwo ri Kristi, e gbe jẹn ọ karohọ oma rọye nẹ kirobo re ọye epha vwẹ oma ri Kristi, ọtiọye avwanre epha.

2 Kọrẹnt 6:16

Didi ẹrhọvwọkugbe uwevwi rẹ ẹga rẹ Ọghẹnẹ vẹ ọ rẹ ẹdjọ vwo kugbe? Kidie avwanre hẹ uwevwi rẹ ẹga rẹ Ọghẹnẹ ri bẹdẹ na; kirobo rẹ Ọghẹnẹ tare, Ke me dia evun rẹ ayen ke me yan vwẹ ohri rẹ ayen, ke me dia Ọghẹnẹ rayen, ayen ke dia ihwo mẹ.

Galesha 4:6

Fiki rẹ obo rẹ ovwan vwọ dia emọ na, Ọghẹnẹ de phi Erhi rẹ ọmọ rọye na phihọ udu rẹ avwanre, ro kperẹ nẹ Abba! Baba!

Galesha 5:24

Ayen ihwo re dia ọ ri Kristi nure, ayen kanre ugboma na vẹ oja rọye kugbe ẹguọnọ rọye mu agbagba nure.

Ẹfesọs 1:13

Vwẹ evun rọye ovwan, ri nyo ota rẹ uyota na, iyẹnrẹ esiri rẹ esivwo rẹ ovwan na, ri de se gbuyota, ka ka oka rẹ ive rẹ Erhi Ọfuanfon na phihọ ayen.

Ẹfesọs 2:22

Evun rọye kọye a je bọn ovwan phihọ ẹdia rẹ Ọghẹnẹ vwẹ evun rẹ Erhi na.

Ẹfesọs 3:17

rere Kristi sa rhe wan esegbuyota dia udu rẹ ovwan; rẹ ẹguọnọ rẹ ovwan da rhe ghwaotọ kokoroko nure,

Filipae 1:19

E, ke me ghọghọ. Kidie me riẹnre nẹ vwẹ oma rẹ ẹrhovwo rẹ ovwan kugbe ọchuko rẹ Erhi ri Jesu Kristi ọnana kọ cha dia esivwo kẹ vwẹ.

2 Timoti 1:14

sẹro rẹ uyota na rẹ Erhi Ọfuanfon na vwọ kẹ wẹ yọnre na rọ dia evun rẹ avwanre na.

1 Pita 1:11

ayen nọre kpahe ohwo eyẹ ọke rẹ Erhi ri Kristi rọ hẹ evun rẹ ayen djeri, rẹ ayen vwọ mraro kpahe oja ri Kristi cha re kugbe urinrin ro che nene.

1 Jọn 3:24

Ihwo ejobi re yọnrọn urhi rọye ke dia vwẹ evun rọye, okpuyovwi rọye kọ dia evun rẹ ayen. Vwẹ oma rẹ Ọnana kọye avwanre vwọ riẹn nẹ ọ hẹ evun rẹ avwanre, vwẹ oma rẹ Erhi na rọ vwọ kẹ avwanre.

1 Jọn 4:13

Oma rẹ Ọnana kọye avwanre vwọ riẹn nẹ avwanre hẹ evun rọye yẹ okpuyovwi rọye je hẹ evun rẹ avwanre, fikiridie ọ vwẹ Erhi rọye na vwọ kẹ avwanre.

1 Jọn 4:4

Emọ na, ovwan kẹ emọ rẹ Ọghẹnẹ, ovwan ji phi ayen kua nure; kidie ohwo rọ hẹ evun rẹ ovwan na rhonọ ohwo rọ hẹ evun rẹ akpọ na.

Ẹvwọphia 13:8

ayen ejobi ri sheri vwẹ akpọ na ke cha gọ, kohwo kohwo re ji si odẹ rọye phihọ ọbe rẹ arhọ rẹ Omogodẹ re hweri na nẹ ẹtuọhọ rẹ akpọ na rhe-e.

Ẹvwọphia 20:15

a rha mrẹ odẹ rẹ ohwo re siri phihọ ọbe rẹ arhọ na-a, ka kparọ phihọ ẹtẹrhe rẹ erhanre na.