Ọbe ri Pọl si rhe Ihwo ri Rom 8:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Kidie otu ri nenesi rẹ ugboma na vwenẹ, iruo rẹ ugboma na ayen ruẹ, ẹkẹvuọvo otu ri nenesi rẹ Erhi na iruo rẹ Erhi na kọye ayen ruẹ rhe.

Ọbe ri Pọl si rhe Ihwo ri Rom 8:5 ပူးပေါင်းရင်းမြစ်များ

Iyẹnrẹ Esiri ri Mak 8:33

Ẹkẹvuọvo rọ vwọ rhẹriẹ oma mrẹ idibo rọye ọ da ghwọ ku Pita, ọ da ta, Wan ro obuko mẹ, Idẹbono; kidie ọ dia abọ rẹ Ọghẹnẹ wo epha-a ẹkẹvuọvo ọ rẹ ihwo.

Iyẹnrẹ Esiri ri Jọn 3:6

Ọ re vwiẹri vwẹ ugboma yẹ ọye ọ rẹ ugboma, ọ re vwiẹri vwẹ Erhi yẹ ọye ọ rẹ erhi.

Ọbe ri Pọl si rhe Ihwo ri Rom 8:9

Ẹkẹvuọvo ovwan gbe hẹ evun rẹ ugboma-a, evun rẹ Erhi kọye ovwan epha, ọ da dianẹ Erhi rẹ Ọghẹnẹ vẹ ovwan herọ. Ohwo ro rhe vwo Erhi ri Kristi na-a, ọ rha sa dia ohwo rọye-e.

1 Kọrẹnt 15:48

Kirobo rẹ ohwo rẹ ekpẹn na epha, ọtiọye otu rẹ ekpẹn na je epha; kirobo rẹ ohwo rẹ odjuvwu epha, ọtiọye otu rẹ odjuvwu je epha.

1 Kọrẹnt 2:14

Ohwo ro vwo erhi na-a se vwo ẹse rẹ Erhi rẹ Ọghẹnẹ na-a, kidie ugheghẹ ọ dia kẹ, o se vwo ẹruọ rọye-e fikiridie erhi e vwo dje ayen.

2 Kọrẹnt 10:3

Kidie dede nẹ avwanre dia evun rẹ akpọ na yo dia ofovwi rẹ akpọ na avwanre phiẹ-ẹ.

Galesha 5:17

Kidie ẹguọnọ rẹ ugboma na mu kpahe Erhi na ọtiọye ẹguọnọ rẹ Erhi na ji mu kpahe ugboma na; kidie, ayen ivẹ na ivwighrẹ kẹ ohwohwo, o gbi jẹ uwe ru obo wọ guọnọ ru-u.

Ẹfesọs 5:9

(Kidie emamọ rẹ urhukpẹ vwenẹ a mrẹ vwẹ evun rẹ obo ri yoma ejobi kugbe obo re gbare kugbe uyota);

2 Pita 2:10

Marho kẹ ayen otu ri keke oma phihọ urhuru si vwe rẹ ugboma ri gbe ẹgua vẹ ọmeme kugbe otu re jẹ ogangan rẹ isuesun fia. Ihwo vẹ udu re vwẹ ẹro koko ruẹ imwemwu, oshọ muẹ aye-en ri di muẹ ihwo yoyovwi harha.