Ọbe ri Pọl si rhe Ihwo ri Rom 8:34 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³⁴ Kono e bruhwe? Ki Kristi Jesu, ro ghwuru, e, ra kpare nẹ ughwu rhe, rọ hẹ obọrhe rẹ Ọghẹnẹ, rọ ghene rẹ kẹ avwanre na?

Ọbe ri Pọl si rhe Ihwo ri Rom 8:34 ပူးပေါင်းရင်းမြစ်များ

ỌBE RẸ JOB 33:24

yo nẹ arodọvwẹ rọye, ọ me ta, sivwo ro vwo je otọ rẹ Ukpotọ na ẹ ra; me mrẹ emu ra vwo tan re;

ỌBE RẸ JOB 34:29

Ọke rọ da fotovwi, kono se bruhwe? Ọke ro de si opharo rọye nu, kono re sa mrẹ, sẹ ẹgborho eyẹ ohwo ọvo?

Une rẹ Ejiro 109:31

Kidie o mudia vwẹ obọrhe rẹ ohwo rẹ akpọ bẹn, ro sivwo nẹ obọ rẹ otu ri brorhiẹ re ughwu hwe.

Une rẹ Ejiro 37:33

Ọrovwohwo che se phio phihọ obọ-ọ, eyẹ e che se bru hwe vwẹ ọke re de vwo guẹdjọ-ọ.

Aizaya 50:8

ohwo ro brorhiẹ Mẹ o bi kẹrẹ ovwẹ. Kono ri nene uvwe pharhe? Jẹn avwanre vrẹn mudia kugbe. Kono re dia ukọn Mẹ? E jọ yan bru vwe rhe.

Aizaya 53:12

Fiki rẹ ọtiọye na ke Me ghare ẹkẹn te vwẹ usun rẹ ihwo ride, ọ vẹ egba keye gba ghare ughwẹ; kidie o ku ọbara rọye phihọ otọ kẹ ughwu, e de kere kugbe otu ri gburhi ku; yẹ ọye re ghwa umwemwu rẹ ihwo buebu, ọ da re orẹ vwọ kẹ otu ri gburhi ku.

Jerimaya 50:20

Vwẹ ẹdẹ yena vẹ ọke yena, eriyin Ọrovwohwo tare, a cha guọnọ orukuruku vwẹ Izrẹl, a gbe mrẹ vwọ-ọ, kugbe umwemwu vwi Juda a gbe rnrẹ ọvuọvo vwọ-ọ, kidie umuku ri mi che jovwo mi che vwo ghovwo ayen.

Ukeri 7:15

upene rẹ erhuẹn ọshare ọvo, egbo ọvo, omogodẹ rẹ ọsharẹ ọvo upene rẹ ẹgbukpe ọvo, fiki rẹ izobo rẹ ẹtorhẹ;

Matiu 20:28

Ọ dianẹ Ọmọ rẹ ohwo rhere re e vwo gbe odibo kẹ-ẹ, ẹkẹvuọvo re o vwo gbe odibo, rere ọ vwẹ arhọ rọye tan ihwo buebu.

Iyẹnrẹ Esiri ri Mak 16:19

Eriyin rẹ Ọrovwori Jesu, vwọ ta ota kẹ ayen nu, a da reyọ kpenu kpo odjuvwu, o de tidia vwẹ obọrhe rẹ Ọghẹnẹ.

Iyẹnrẹ Esiri ri Jọn 14:19

Chekọ ọmọke emerha, akpọ na gbe cha mrẹ vwẹ ọfa-a, ẹkẹvuọvo yẹ ovwan cha mrẹ vwẹ; fikiridie me herọ na, ovwan ke je dia rhe.

Iyẹnrẹ Esiri ri Jọn 16:23

Vwẹ ẹdẹ yena ovwan gbe cha nọ vwẹ enanọ-ọ. Uyota, uyota, me ta kẹ ovwan, ovwan da nọ kemu kemu vwẹ obọ rẹ Ọsẹ na, kọ vwọ kẹ ovwan vwẹ odẹ mẹ.

Iruo rẹ Iyinkọn na 2:24

Ẹkẹvuọvo Ọghẹnẹ kpaerọ vrẹn, a rhanrọ nẹ obi rẹ ughwu, fikiridie ughwu sa daji-i.

Ọbe ri Pọl si rhe Ihwo ri Rom 14:13

E gbi jẹn avwanre guẹ ohwohwo ẹdjọ-ọ, ẹkẹvuọvo e gbe jẹn avwanre roro ọna mrẹ nẹ ohwo ọvuọvo rha dia ukọn kẹ oniọvo rọye-e eyẹ vwọ so okpetu kẹ-ẹ.

Ọbe ri Pọl si rhe Ihwo ri Rom 14:9

Kidie fiki rẹ ọna ọye Kristi vwo ghwu rọ ke rhoma varhe, rere ọ vwọ dia Ọrovwohwo rẹ ihwo ekpokpọ kugbe i ri ghwuru.

Ọbe ri Pọl si rhe Ihwo ri Rom 4:25

re hwe ghwu fiki rẹ oruchọ rẹ avwanre ra kpare vrẹn fiki rẹ ase-ẹriọ rẹ avwanre.

Ọbe ri Pọl si rhe Ihwo ri Rom 8:1

Asakiephana o rhe vwo obruhwe kẹ ayen otu re herọ vwẹ evun ri Jesu Kristi-i.

Ọbe ri Pọl si rhe Ihwo ri Rom 8:27

Ohwo rọ guọnọ otọ rẹ udu rẹ ihwo riẹn obo rẹ iroro rẹ Erhi epha, fikiridie Erhi na rẹ kẹ ihwo efuanfon kirobo rẹ ọhọre rẹ Ọghẹnẹ epha.

Kolose 3:1

Ọ da dianẹ ovwan vẹ Kristi gbe koko vrẹn ovwan gba guọnọ emu rọ hẹ obenu, asan ri Kristi epha, ro de tidia vwẹ obọrhe rẹ Ọghẹnẹ.

Hibru 1:3

Ọye hẹ elo rọ họhọ urinrin rọye rọ họhọ Ọghẹnẹ vwẹ erhuvwn rọye dẹn, ọ da reyọ ota rẹ ogangan rọye vwọ yọnre akpọ na. Ọke rọ vwọ hworhẹ imwemwu nu, o de tidia obọrhe rẹ Ọrho vwẹ obenu.

Hibru 7:25

Vwẹ ọtiọye na ko se sivwi kohwo kohwo rọ wan oma rọye sikẹrẹ Ọghẹnẹ, fikiridie ọ herọ kọke kọke rọ vwọ rẹ kẹ ayen.

Hibru 9:24

Kidie Kristi ro ẹshẹ ra vwẹ obọ ru-u, uhoho rẹ ọ rẹ omamọ na, ẹkẹvuọvo okpoyovwi rẹ odjivwu dẹn, asakiephana kọ phia vwẹ obaro rẹ Ọghẹnẹ rọ rẹ kẹ avwanre.

1 Pita 3:18

Kidie Kristi ghwu kẹ umwemwu obọvo kẹ ihwo ejobi nure, ọvwata ghwu kẹ iruimwemwu, rere ọ vwọ sa reyọ bru Ọghẹnẹ ra, e hwere ghwu vwẹ ugboma ẹkẹvuọvo ọ rhọre vwẹ evun rẹ erhi;

1 Pita 3:22

ro kpo obo odjuvwu ro de tidia obọrhe rẹ Ọghẹnẹ, vẹ emakashe, otu ri suẹn kugbe ogangan ejobi da vwẹ oma kpotọ kẹ.

Ẹvwọphia 1:18

rọ rhọre bẹdẹ na; mi ghwuru jovwo, gbe nighe me rhọre bẹdẹ, ko mẹvwẹ ri vwo usiaphrẹ rẹ Ughwu vẹ Ushi vwẹ obọ mẹ.