Ọbe ri Pọl si rhe Ihwo ri Rom 8:32 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³² Ohwo rọ vwẹ Ọmọ rọye ọvuọvo jahwa-a ẹkẹvuọvo o de siobọ no kẹ avwanre ejobi, o gbi rhe siobọ nẹ emu na ejobi vwọ ba?

Ọbe ri Pọl si rhe Ihwo ri Rom 8:32 ပူးပေါင်းရင်းမြစ်များ

Jẹnẹsis 22:12

Ọ da ta, Wọ ghwe obọ kpahe ọmọ na eyẹ wo ru emuọvo kẹ-ẹ, kidie Ọnana Me vwọ riẹn nu wọ djẹ oshọ rẹ Ọghẹnẹ, ru wọ vwẹ ọmọ wẹn na, ọmọ vuọvo wẹn na vwọ djahe obuko kẹ vwẹ-ẹ.

Une rẹ Ejiro 84:11

Kidiẹ Ọrovwohwo rẹ Ọghẹnẹ ọyẹ ọnre vẹ ekpọfia; ọye kẹ ohwo ẹroesiri vẹ ọghọ. O vwo emuesiri ọvuọvo rẹ Ọrovwohwo se sinu kẹ ihwo re yanre phiọphiọ-ọ.

Aizaya 53:10

Dede na yo je Ọrovwohwo nẹ ọ ghwiẹ, o da vwẹ oja riọ, vwẹ ọke rọ vwọ reyọ vwo ze izobo rẹ umwemwu nu, kọ cha mrẹ uvwiẹ rọye, ko ru ẹdẹ rọye yovwi, ọhọre rẹ Ọrovwohwo ko che yovwi vwẹ obọ rọye,

Matiu 3:17

Nighe, urhuru ọvo de nẹ odjuvwu rhe ta nẹ, Ọnana hẹ ọmọ mẹ ro je vwe, rẹ evun rọye vwerhe ovwẹ.

Matiu 7:11

Ovwan rẹ ihwo ebrabra, de se ru omamọ rẹ ẹse kẹ emọ rẹ ovwan, komavọ Ọsẹ rẹ ovwan rọ hẹ obo odjuvwu ru te kẹ ihwo re nọrọ?

Iyẹnrẹ Esiri ri Jọn 3:16

Kidie ọtiọye Ọghẹnẹ guọnọ akpọ na ọ da vwẹ Ọmọ ọvuọvo rọye na kẹ, rere ohwo kohwo ro sere gbuyota vwo je ẹghwọrọ ẹkẹvuọvo ko vwo arhọ ri bẹdẹ.

Ọbe ri Pọl si rhe Ihwo ri Rom 11:21

Kidie Ọghẹnẹ hwe uvi rẹ urhe na, kẹ owẹwẹ ra vwọ tamu.

Ọbe ri Pọl si rhe Ihwo ri Rom 4:25

re hwe ghwu fiki rẹ oruchọ rẹ avwanre ra kpare vrẹn fiki rẹ ase-ẹriọ rẹ avwanre.

Ọbe ri Pọl si rhe Ihwo ri Rom 6:23

Kidie osa rẹ umwemwu hẹ ughwu, ẹkẹvuọvo ẹserọphẹ rẹ Ọghẹnẹ na ọye hẹ arhọ ri bẹdẹ vwẹ evun ri Jesu Kristi Ọrovwavwanre.

Ọbe ri Pọl si rhe Ihwo ri Rom 8:28

Avwanre riẹnre nẹ emu kemu ejobi rẹ ohwo rọ guọnọ Ọghẹnẹ ruru ọ phiọn kẹ, ihwo re seri kirobo rẹ ẹguọnọ rọye epha.

1 Kọrẹnt 2:12

Asakiephana ọ dia erhi rẹ akpọ na avwanre vwori-i, ẹkẹvuọvo Erhi na ro nẹ obọ rẹ Ọghẹnẹ rhe na, rere avwanre se vwo ẹruọ rẹ ẹse na rẹ Ọghẹnẹ ru kẹ avwanre na.

2 Kọrẹnt 4:15

Kidie ọnana ejobi ki fiki rẹ ovwan, rere kerẹ ọtiobo rẹ ẹserọphẹ dje ebuo ebuo kẹ ihwo na rere ẹkpẹvwẹ vwo se bu, vwọ kẹ urinrin rẹ Ọghẹnẹ.

2 Kọrẹnt 5:21

Fiki rẹ avwanre ọye e vwo ruo vwọ dia oruimwemwu ohwo ro vwo umwemwu vwẹ oma-a, rere avwanre sa rhe wan oma rọye rhe dia ovwata rẹ Ọghẹnẹ.

2 Kọrẹnt 6:10

kerẹ ihwo re reoja, yẹ ayen ghọghọ kọke kọke; kerẹ ivwiogbere, yẹ ayen nẹrhẹ ihwo buebu fe; kerẹ ihwo ri vwo emuọvo-o, yẹ ayen vwo emu kemu.

1 Jọn 4:10

Ọnana hẹ ẹguọnọ, ọ dianẹ kẹ avwanre re guọnọ Ọghẹnẹ-ẹ ẹkẹvuọvo ọye re guọnọ avwanre o de ji Ọmọ rọye rhe rhe rhuẹrẹ arhuẹrẹ fiki rẹ imwemwu rẹ avwanre.

Ẹvwọphia 21:7

Ọ ro phi kparobọ kọ reuku nana, ke me dia Ọghẹnẹ rọye kọ dia ọmọ mẹ.