Ọbe ri Pọl si rhe Ihwo ri Rom 8:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Kidie obo rẹ urhi na se ru-u, rọ vwọ hẹ ọvwiẹrẹ fiki rẹ ugboma na, Ọghẹnẹ de ji Ọmọ rọye rhe vwẹ oma rẹ ohwo rẹ akpọ rọ vọnre vẹ umwemwu, o de vwo ze kẹ umwemwu, rere o vwo bruhwe umwemwu vwẹ ugboma,

Ọbe ri Pọl si rhe Ihwo ri Rom 8:3 ပူးပေါင်းရင်းမြစ်များ

Ukeri 21:9

Kọye Mosis de duvwu ọrọdekọ rẹ ẹrovwo, o de muo vi vwẹ enu rẹ ubiurhe; ọda dianẹ ọrọdekọ rhovwo ohwo ọvo, ro de ni ọrọdekọ ra vwẹ ẹrovwo duvwu na kọ rhọ.

Ukeri 28:22

ji kugbe ẹkpro ọvo re vwo ze izobo rẹ umwemwu, rere a vwọ gọ ẹgua kẹ wẹ.

Iyẹnrẹ Esiri ri Mak 15:27

Ayen da kanre igbulegbu ivẹ mu agbagba kugbe; ọvo hẹ obọrhe rọye, ọrivẹ hẹ obọhwẹre rọye.

Iyẹnrẹ Esiri ri Jọn 1:14

Ota na de rhi hirhe phihọ ohwo ọ da rhe dia ohri rẹ avwanre, ọ vọnre vẹ ẹserọphẹ vẹ uyota; avwanre da mrẹ urinrin rọye ọ tiẹ urinrin rẹ Ọmọ ọvuọvo na ro nẹ obọ rẹ Ọsẹ na rhe.

Iyẹnrẹ Esiri ri Jọn 9:24

Ọtiọye ayen da rhoma se ọ ro rhuẹro jovwo na, ayen da ta kẹ, Gba vwẹ ejiro kẹ Ọghẹnẹ; avwanre riẹnre nẹ ohwo nana oruimwemwu.

Iruo rẹ Iyinkọn na 13:39

vwẹ oma rọye a wan sivwi kohwo kohwo ro segbuyota nẹ kemu kemu rẹ urhi ri Mosis se sivwo nu-u.

Ọbe ri Pọl si rhe Ihwo ri Rom 3:20

Kidie ọ vwo ohwo ọvuọvo rọ rease vwẹ obaro rọye fiki rẹ iruo rẹ urhi-i, fikiridie urhi na re nẹrhẹ e vwo eriẹnriẹn kpahe umwemwu.

Ọbe ri Pọl si rhe Ihwo ri Rom 6:6

Avwanre riẹnre nẹ a kanre oma rẹ avwanre rẹ awanre na mu agbagba vẹ ọye rere oma rẹ umwemwu rẹ avwanre vwọ mrasan ghwọrọ, rere avwanre vwo jẹ ọviẹn rẹ umwemwu ẹdia.

Ọbe ri Pọl si rhe Ihwo ri Rom 7:18

Me riẹnre nẹ emu ọvuọvo ro yovwiri hẹ evun mẹ-ẹ, kọye hẹ ugboma mẹ. Mi vughe obo ri yovwiri, ẹkẹvuọvo yi mi se ruo-o.

Ọbe ri Pọl si rhe Ihwo ri Rom 8:32

Ohwo rọ vwẹ Ọmọ rọye ọvuọvo jahwa-a ẹkẹvuọvo o de siobọ no kẹ avwanre ejobi, o gbi rhe siobọ nẹ emu na ejobi vwọ ba?

Ọbe ri Pọl si rhe Ihwo ri Rom 9:3

Kidie me tobo guọnọ nẹ a harhe ovwẹ ekan re a hẹriẹ ovwẹ nẹ oma ri Kristi fiki rẹ imoni mẹ, ihwo mẹ Izrẹl.

2 Kọrẹnt 5:21

Fiki rẹ avwanre ọye e vwo ruo vwọ dia oruimwemwu ohwo ro vwo umwemwu vwẹ oma-a, rere avwanre sa rhe wan oma rọye rhe dia ovwata rẹ Ọghẹnẹ.

Galesha 3:13

Kristi tan avwanre nẹ ekan rẹ urhi na nure, ekpuyovwi rọye da rhoma rhi hirhe phihọ ekan fiki re avwanre kidie e siro, Ekan kẹ ohwo kohwo ro churu ughwu vwẹ enu rẹ urhe.

Galesha 3:21

Kẹ urhi na vwọ so ivẹ rẹ Ọghẹnẹ na? Kaka vwo; kidie ọ da dianẹ ke ji urhi rọ sa kẹ arhọ, yẹ ọvwata kẹ fiki rẹ urhi na.

Filipae 2:7

ẹkẹvuọvo ọ da vwẹ oma kpotọ, ọ da reyọ oma rẹ odibo, e de vwiẹ họhọ ohwo.

Hibru 10:12

Ẹkẹvuọvo ọke ri Kristi vwọ gọ iye na ẹsiẹvo goi vwọ kẹ imwemwn nu, o de tidia obọrhe rẹ Ọghẹnẹ,

Hibru 10:14

Kidie iye ọvuọvo goi na ọye o vwo ru ihwo na ejobi fon obọvo.

Hibru 2:14

Kirobo rẹ emọ na herọ vwẹ oma vẹ obara na, eriyin okpuyovwi rọye ji vwo oma ọvo na, rere vwẹ oma rẹ ughwu ọ vwọ guọghọ ohwo ro vwo ogangan rẹ ughwu na, kọye hẹ, idẹbono na.

Hibru 2:17

Fiki rẹ ọtiọye na kọye a vwọ ma họhọ imoni rọye vwẹ idjerhe kidjerhe, rere ọ vwọ sa dia orherẹn rode ro nẹ aruẹdọn ro vwo esegbuyota vwẹ evun rẹ ẹga rẹ Ọghẹnẹ, rọ vwọ go ese rẹ imwemwu nẹ ihwo oma.

Hibru 4:15

Kidie avwanre vwo orherẹn rode ro jẹ ọdavwẹ rẹ avwanre eriẹẹn, ẹkẹvuọvo ọ rẹ avwanre vwori na je vwẹ ohwo ra davwini devure kerẹ ekpuyovwi rẹ avwanre, yo ru umwemwu-u.

1 Pita 2:24

Omaobọ rọye ọ vwọ ghwa oghwa rẹ imwemwu rẹ avwanre vwẹ enu rẹ agbagba, rere avwanre vwo ghwu kẹ umwemwu re a mrasan rhọ kẹ ọvwata. Oma ra wanrọ na ọye e vwo sivwi ovwan.