Ọbe ri Pọl si rhe Ihwo ri Rom 8:23 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²³ ọ je dia emama na ọvo-o, ẹkẹvuọvo ekpuyovwi rẹ avwanre, ri vwo emamọ rẹ Erhi rẹsosuọ na, ra guan vwẹ obo evun hẹrhẹ ọke ra cha vwọ vwẹ avwanre ru emọ, kọye hẹ etanhirhe rẹ ugboma rẹ avwanre.

Ọbe ri Pọl si rhe Ihwo ri Rom 8:23 ပူးပေါင်းရင်းမြစ်များ

2 Ikun rẹ Ivie 31:5

Re ghwe vwo ghwoghwo urhi nana ro asan ejobi nu, ihwo rẹ Izrẹl de toro emu buebu eka rẹ orhọ, udi, evwri, ọnyọn, kugbe ekakọn rẹ udju buebu ayen da je hwa ẹkẹhwe ri kemn kemu buebu.

Iyẹnrẹ Esiri ri Luk 20:36

Kidie ayen gbi che se ghwu ọfa-a, fikiridie ayen vẹ emakashe na kẹ abavo ayen kẹ emọ rẹ Ọghẹnẹ, ayen kẹ emọ rẹ evrẹnushi.

Iyẹnrẹ Esiri ri Luk 21:28

Asakiephana ọke rẹ imu nana da cha phiare, ni enu re wa kpare iyovwi rẹ ovwan, fikiridie etanhirhe wẹn re siẹ kẹrẹ re.

Ọbe ri Pọl si rhe Ihwo ri Rom 5:11

Ọ dia ọtiọye ọvo-o, ẹkẹvuọvo avwanre je ghọghọ rhe vwẹ oma rẹ Ọghẹnẹ fiki rẹ Ọrovwavwanre Jesu Kristi, rẹ avwanre wan oma rọye vwo arhuẹrẹ phihọ.

Ọbe ri Pọl si rhe Ihwo ri Rom 5:3

Ọ je dia ọye ọvo-o, avwanre je ghọghọ vwẹ evun rẹ oja rẹ avwanre, vẹ ẹriẹn nẹ oja nẹrhẹ e vwo odiri,

Ọbe ri Pọl si rhe Ihwo ri Rom 5:5

iphiẹrohọ na sa phiẹn ohwo-o, fikiridie e ku ẹguọnọ rẹ Ọghẹnẹ phihọ udu rẹ avwanre vwẹ oma rẹ Erhi Ọfuanfon na ra vwọ kẹ avwanre.

Ọbe ri Pọl si rhe Ihwo ri Rom 7:24

Orharhe rẹ ohwo re me epha! Kono che sivwi uvwe nẹ oma rẹ ughwu nana?

Ọbe ri Pọl si rhe Ihwo ri Rom 8:19

Kidie emama na ra hẹrhẹ i ro rhẹro gangan vwọ kpahe ọke rẹ ẹvwọphia rẹ emọ rẹ Ọghẹnẹ;

1 Kọrẹnt 1:7

nẹ ẹse rẹ erhi na sa kanre ovwa-an, rẹ ovwan vwọ hẹrhẹ ẹvwọphia rẹ Ọrovwavwanre Jesu Kristi;

2 Kọrẹnt 1:22

Ọ da ka oka rọye phihọ avwanre ọ de phi Erhi rọye phihọ udu rẹ avwanre kerẹ esarobọ.

2 Kọrẹnt 7:5

Kidie rẹ avwanre vwo te Masidonia, oma fu avwanre-e ẹkẹvuọvo ukpokpogho vwi kabọ kabọ–ohọnre vwẹ otafe kugbe oshọ vwẹ obo evun.

Galesha 5:5

Kidie vwẹ oma rẹ Erhi, fiki rẹ esegbuyota, avwanre vwọ hẹrhẹ iphiẹrohọ rẹ ọvwata.

Ẹfesọs 1:14

Kọye hẹ iviẹnwa rẹ ukuẹriọ rẹ avwanre bẹsiẹ ro ki te avwanre obọ, vwọ kẹ ejiro vẹ urinrin rọye.

Ẹfesọs 4:30

We jẹn ophu muẹ Erhi Ọfuanfon rẹ Ọghẹnẹ ra vwọ kẹ ovwan nẹ ọ yonre ovwan re te ẹdẹ rẹ etanhirhe na-a.

Ẹfesọs 5:9

(Kidie emamọ rẹ urhukpẹ vwenẹ a mrẹ vwẹ evun rẹ obo ri yoma ejobi kugbe obo re gbare kugbe uyota);

2 Timoti 4:8

Kẹ etinẹ arare a vwẹ erhu rẹ uvie rẹ ọvwata na kpahe oboyin hẹrhẹ ovwẹ, rẹ Ọrovwohwo na, oguẹdjọ rẹ esiri na, cha vwọ kẹ vwẹ vwẹ Ẹdẹ yena, ọ dianẹ kẹ omẹvwẹ ọvo-o ẹkẹvuọvo vwọ kẹ ayen ejobi re guọnọ ẹcha rọye.

Taitọs 2:13

Avwanre ra hẹrhẹ ebruphihọ rẹ iphiẹrohọ rẹ ẹdẹ rẹ ẹcha rọye, ẹvwọphia rẹ urinrin rẹ Ọghẹnẹ Ọsivwi rẹ avwanre rode na Jesu Kristi.

Hibru 9:28

Vwẹ ọtiọye na ra vwọ vwi Kristi gọ iye ẹsiẹvo nure na rọ ghwa imwemwu rẹ ihwo buebu nu na, kọ je cha rhe vwẹ obọ rivẹ, ọ dianẹ kẹ umwemwu ọ cha ghwọrọ-ọ ẹkẹvuọvo ko che sivwi ayen otu re vwẹ erhiori hẹrhẹ.

1 Pita 1:7

rere obo rẹ esegbuyota rẹ ovwan dia uyota te, rọ ghare nọ oro, dede nẹ ọghwọrọ siẹ ra da vwẹ erhanre davwọ, ọ me rho phihọ vwọ kẹ ejiro kugbe urinrin kugbe ọghọ vwẹ ẹdẹ ra da cha vwi Jesu Kristi phia na.

1 Jọn 3:2

Imoni re ghare, asakiephana avwanre kẹ emọ rẹ Ọghẹnẹ; yẹ obo rẹ avwanre cha dia vwẹ obọ e ji vughe-e, yẹ ẹkẹvuọvo avwanre riẹnre nẹ ọke rọ da phia, avwanre ke dia kerẹ ọye, kidie avwanre ki rhie ẹro mrẹ obo rọ epha.