Ọbe ri Pọl si rhe Ihwo ri Rom 8:16 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁶ Erhi na ọvo ri se oseri kẹ erhi rẹ avwanre nẹ avwanre emọ rẹ Ọghẹnẹ,

Ọbe ri Pọl si rhe Ihwo ri Rom 8:16 ပူးပေါင်းရင်းမြစ်များ

Hosia 1:10

Ihwo rẹ Izrẹl cha dia kerẹ ehavwo rẹ urhie ra sa vwavwe-e eyẹ e se keri-i, vwẹ asan rẹ a da ta kẹ ayen nẹ, Ovwan dia ihwo mẹ-ẹ, ka je ta kẹ ayen nẹ, Ovwan emọ rẹ Ọghẹnẹ ri bẹdẹ na.

Matiu 5:9

Ebruba kẹ ihwo rẹ kẹ ufuoma; kidie e che se ayen emọ rẹ Ọghẹnẹ.

Iyẹnrẹ Esiri ri Luk 20:36

Kidie ayen gbi che se ghwu ọfa-a, fikiridie ayen vẹ emakashe na kẹ abavo ayen kẹ emọ rẹ Ọghẹnẹ, ayen kẹ emọ rẹ evrẹnushi.

Iyẹnrẹ Esiri ri Jọn 1:12

Ẹkẹvuọvo vwọ kẹ ihwo re reyerọ ejobi, ri se odẹ rọye gbuyota, ọ kẹ ayen ogangan rere ayen rhe vwọ dia emọ rẹ Ọghẹnẹ.

Iruo rẹ Iyinkọn na 5:32

Avwanre kẹ iseri rẹ emu nana ejobi, ọtiọye je hẹ Erhi Ọfuanfon na rẹ Ọghẹnẹ vwọ kẹ ayen otu ri mu ọghọ kẹ.

Ọbe ri Pọl si rhe Ihwo ri Rom 8:14

Kidie ayen ejobi rẹ Erhi rẹ Ọghẹnẹ na suru ayen hẹ emọ rẹ Ọghẹnẹ.

Ọbe ri Pọl si rhe Ihwo ri Rom 8:19

Kidie emama na ra hẹrhẹ i ro rhẹro gangan vwọ kpahe ọke rẹ ẹvwọphia rẹ emọ rẹ Ọghẹnẹ;

Ọbe ri Pọl si rhe Ihwo ri Rom 8:23

ọ je dia emama na ọvo-o, ẹkẹvuọvo ekpuyovwi rẹ avwanre, ri vwo emamọ rẹ Erhi rẹsosuọ na, ra guan vwẹ obo evun hẹrhẹ ọke ra cha vwọ vwẹ avwanre ru emọ, kọye hẹ etanhirhe rẹ ugboma rẹ avwanre.

Ọbe ri Pọl si rhe Ihwo ri Rom 8:26

Eriyin Erhi na je chọ avwanre uko vwẹ ovwiẹre rẹ avwanre; kidie avwanre riẹn obo ra nẹ erhovwo kirobo rẹ avwanre e ru-u, ẹkẹvuọvo ekpuyovwi rẹ Erhi na ra rẹ kẹ avwanre vẹ irhivwẹ ro kodo nọ eta.

Ọbe ri Pọl si rhe Ihwo ri Rom 9:26

Vwẹ evun rẹ asan ra da ta kẹ ayen, Ovwan dia ihwo mẹ-ẹ, ke che se ayen emọ rẹ Ọghẹnẹ ro je ghwo na.

Ọbe ri Pọl si rhe Ihwo ri Rom 9:8

Kọye ọ dia emọ rẹ ugboma na hẹ emọ rẹ Ọghẹnẹ-ẹ, ẹkẹvuọvo emọ rẹ ive na eye e keri phihọ uvwiẹ kẹ.

2 Kọrẹnt 1:12

Kidie eyan rẹ avwanre kẹ ọna, iseri rẹ udu rẹ avwanre nẹ evun rẹ avwanre pha fuanfon vwẹ akpọ na, ọtiọye avwanie je fon evun kpahe ovwan, vẹ ẹfuọn kugbe uruemu esiri, ọ dianẹ kẹ aghwanre rẹ akpọ na-a ẹkẹvuọvo vwẹ ẹserọphẹ rẹ Ọghẹnẹ.

2 Kọrẹnt 1:22

Ọ da ka oka rọye phihọ avwanre ọ de phi Erhi rọye phihọ udu rẹ avwanre kerẹ esarobọ.

2 Kọrẹnt 5:5

Ohwo rọ rhuẹrẹ avwanre kẹ emu nana dẹn kẹ Ọghẹnẹ.

2 Kọrẹnt 6:18

ke me dia ọsẹ kẹ ovwan, ovwan ke dia emeshare mẹ vẹ emetẹ mẹ, eriyin Ọrovwohwo ro vwo Ẹgba na tare.

Galesha 3:26

Kidie vwẹ oma ri Jesu Kristi ovwan ejobi kẹ emọ rẹ Ọghẹnẹ, fiki rẹ esegbuyota.

Galesha 4:6

Fiki rẹ obo rẹ ovwan vwọ dia emọ na, Ọghẹnẹ de phi Erhi rẹ ọmọ rọye na phihọ udu rẹ avwanre, ro kperẹ nẹ Abba! Baba!

Ẹfesọs 1:13

Vwẹ evun rọye ovwan, ri nyo ota rẹ uyota na, iyẹnrẹ esiri rẹ esivwo rẹ ovwan na, ri de se gbuyota, ka ka oka rẹ ive rẹ Erhi Ọfuanfon na phihọ ayen.

Ẹfesọs 4:30

We jẹn ophu muẹ Erhi Ọfuanfon rẹ Ọghẹnẹ ra vwọ kẹ ovwan nẹ ọ yonre ovwan re te ẹdẹ rẹ etanhirhe na-a.

Urhi Rivẹ 14:1

Ovwan emọ rẹ Ọrovwohwo Ọghẹnẹ rẹ ovwan. we bru oma rẹ ovwa-an, wa je wanre uyovwi phihọ orivwi-i.

1 Jọn 3:1

Nighe didi ẹguọnọ Ọsẹ na vwo kẹ avwanre, rere e vwo se avwanre emọ rẹ Ọghẹnẹ; kẹ ọtiọye avwanre epha. Fiki rẹ ọtiọye na akpọ na rha riẹn avwanre-e, fikiridie ọ je riẹ-ẹn.

1 Jọn 3:10

Vwẹ oma rẹ Ọnana kọye e vwo vughe emọ rẹ Ọghẹnẹ, kugbe emọ rẹ idẹbono. kohwo kohwo ro ru umwemwu eyẹ ro tuoma rẹ oniọvo rọye yọ dia ọmọ rẹ Ọghẹnẹ-ẹ.

1 Jọn 3:2

Imoni re ghare, asakiephana avwanre kẹ emọ rẹ Ọghẹnẹ; yẹ obo rẹ avwanre cha dia vwẹ obọ e ji vughe-e, yẹ ẹkẹvuọvo avwanre riẹnre nẹ ọke rọ da phia, avwanre ke dia kerẹ ọye, kidie avwanre ki rhie ẹro mrẹ obo rọ epha.

1 Jọn 4:13

Oma rẹ Ọnana kọye avwanre vwọ riẹn nẹ avwanre hẹ evun rọye yẹ okpuyovwi rọye je hẹ evun rẹ avwanre, fikiridie ọ vwẹ Erhi rọye na vwọ kẹ avwanre.

1 Jọn 5:10

Ohwo ro se Ọmọ rẹ Ọghẹnẹ na gbuyota yọ reyọ iseri na phihọ oma rọye nure. Ohwo ro rhe se Ọghẹnẹ gbuyota-a yo sere ọvwọrọn ofian, fikiridie o rhe se oseri rẹ Ọghẹnẹ se kpahe Ọmọ rọye na gbuyota-a.

Ẹvwọphia 21:7

Ọ ro phi kparobọ kọ reuku nana, ke me dia Ọghẹnẹ rọye kọ dia ọmọ mẹ.