Ọbe ri Pọl si rhe Ihwo ri Rom 8:14 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁴ Kidie ayen ejobi rẹ Erhi rẹ Ọghẹnẹ na suru ayen hẹ emọ rẹ Ọghẹnẹ.

Ọbe ri Pọl si rhe Ihwo ri Rom 8:14 ပူးပေါင်းရင်းမြစ်များ

Une rẹ Ejiro 143:10

Yono uvwe mi vwo ru ọhọre wẹn, kidie wọwẹ hẹ Ọghẹnẹ mẹ! Jẹn ẹnwẹ esiri wẹn na sun vwe wan obẹnẹ riẹriẹriẹ!

Isẹ 8:20

Me yan vwẹ idjerhe rẹ ọvwata, vwẹ idjerhe rẹ ọsoso,

Hosia 1:10

Ihwo rẹ Izrẹl cha dia kerẹ ehavwo rẹ urhie ra sa vwavwe-e eyẹ e se keri-i, vwẹ asan rẹ a da ta kẹ ayen nẹ, Ovwan dia ihwo mẹ-ẹ, ka je ta kẹ ayen nẹ, Ovwan emọ rẹ Ọghẹnẹ ri bẹdẹ na.

Matiu 5:9

Ebruba kẹ ihwo rẹ kẹ ufuoma; kidie e che se ayen emọ rẹ Ọghẹnẹ.

Iyẹnrẹ Esiri ri Jọn 1:12

Ẹkẹvuọvo vwọ kẹ ihwo re reyerọ ejobi, ri se odẹ rọye gbuyota, ọ kẹ ayen ogangan rere ayen rhe vwọ dia emọ rẹ Ọghẹnẹ.

Ọbe ri Pọl si rhe Ihwo ri Rom 8:19

Kidie emama na ra hẹrhẹ i ro rhẹro gangan vwọ kpahe ọke rẹ ẹvwọphia rẹ emọ rẹ Ọghẹnẹ;

Ọbe ri Pọl si rhe Ihwo ri Rom 8:5

Kidie otu ri nenesi rẹ ugboma na vwenẹ, iruo rẹ ugboma na ayen ruẹ, ẹkẹvuọvo otu ri nenesi rẹ Erhi na iruo rẹ Erhi na kọye ayen ruẹ rhe.

Ọbe ri Pọl si rhe Ihwo ri Rom 8:9

Ẹkẹvuọvo ovwan gbe hẹ evun rẹ ugboma-a, evun rẹ Erhi kọye ovwan epha, ọ da dianẹ Erhi rẹ Ọghẹnẹ vẹ ovwan herọ. Ohwo ro rhe vwo Erhi ri Kristi na-a, ọ rha sa dia ohwo rọye-e.

Ọbe ri Pọl si rhe Ihwo ri Rom 9:26

Vwẹ evun rẹ asan ra da ta kẹ ayen, Ovwan dia ihwo mẹ-ẹ, ke che se ayen emọ rẹ Ọghẹnẹ ro je ghwo na.

Ọbe ri Pọl si rhe Ihwo ri Rom 9:8

Kọye ọ dia emọ rẹ ugboma na hẹ emọ rẹ Ọghẹnẹ-ẹ, ẹkẹvuọvo emọ rẹ ive na eye e keri phihọ uvwiẹ kẹ.

2 Kọrẹnt 6:18

ke me dia ọsẹ kẹ ovwan, ovwan ke dia emeshare mẹ vẹ emetẹ mẹ, eriyin Ọrovwohwo ro vwo Ẹgba na tare.

Galesha 3:26

Kidie vwẹ oma ri Jesu Kristi ovwan ejobi kẹ emọ rẹ Ọghẹnẹ, fiki rẹ esegbuyota.

Galesha 4:5

re ọ rhe tan ihwo re hẹ otọ rẹ urhi na, rere a vwọ mrasan vwẹ avwanre ru emọ.

Galesha 4:6

Fiki rẹ obo rẹ ovwan vwọ dia emọ na, Ọghẹnẹ de phi Erhi rẹ ọmọ rọye na phihọ udu rẹ avwanre, ro kperẹ nẹ Abba! Baba!

Galesha 5:16

Ẹkẹvuọvo me tare nẹ, yan vwẹ evun rẹ Erhi na, we gbi nenesi rẹ ẹguọnọ rẹ ugboma na-a.

Galesha 5:18

Ẹkẹvuọvo Erhi na de sun we yu wọ gbe hẹ otọ re urhi na-a.

Ẹfesọs 1:5

O de rhi avwanre vwẹ ẹguọnọ nẹ avwanre dia emọ rọye vwẹ oma ri Jesu Kristi, kirobo rẹ ẹguọnọ rẹ ọhọre rọye epha,

Ẹfesọs 5:9

(Kidie emamọ rẹ urhukpẹ vwenẹ a mrẹ vwẹ evun rẹ obo ri yoma ejobi kugbe obo re gbare kugbe uyota);

1 Jọn 3:1

Nighe didi ẹguọnọ Ọsẹ na vwo kẹ avwanre, rere e vwo se avwanre emọ rẹ Ọghẹnẹ; kẹ ọtiọye avwanre epha. Fiki rẹ ọtiọye na akpọ na rha riẹn avwanre-e, fikiridie ọ je riẹ-ẹn.

1 Jọn 3:24

Ihwo ejobi re yọnrọn urhi rọye ke dia vwẹ evun rọye, okpuyovwi rọye kọ dia evun rẹ ayen. Vwẹ oma rẹ Ọnana kọye avwanre vwọ riẹn nẹ ọ hẹ evun rẹ avwanre, vwẹ oma rẹ Erhi na rọ vwọ kẹ avwanre.

Ẹvwọphia 21:7

Ọ ro phi kparobọ kọ reuku nana, ke me dia Ọghẹnẹ rọye kọ dia ọmọ mẹ.