Ọbe ri Pọl si rhe Ihwo ri Rom 7:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Ẹkẹvuọvo asakiephana a rhan avwanre nẹ abọ rẹ urhi na, ri ghwu kẹ obo re gba avwanre phihọ ọviẹn, ọtiọye na ọ gbe dia otọ rẹ urhi rẹ awanre re siri na avwanre da ga-a ẹkẹvuọvo kẹ otọ rẹ arhọ ọkpokpọ re Erhi na.

Ọbe ri Pọl si rhe Ihwo ri Rom 7:6 ပူးပေါင်းရင်းမြစ်များ

Izikiẹl 11:19

Ke me cha kẹ ayen udu ọvo, ki mi phi erhi ọkpokpọ phihọ evun rẹ ayen; ki mi si udu rẹ oragha na nẹ uvwo rẹ oma rayen, ke me kẹ ayen udu rẹ uvwo,

Izikiẹl 36:26

Udu ọkpokpọ kọye me vwọ kẹ wẹ, erhi ọkpokpọ kọye mi phihọ evun wẹn, ke me reyọ udu rẹ oragha nẹ evun wẹn ke me kẹ wẹ udu rẹ uvwo.

Ọbe ri Pọl si rhe Ihwo ri Rom 1:9

Kidie Ọghẹnẹ hẹ iseri mẹ, ohwo re me vwẹ erhi mẹ ejobi ga vwẹ evun rẹ iyẹnrẹ esiri rẹ Ọmọ rọye, obo ri mi se odẹ rẹ ovwan te kẹdẹ kẹdẹ vwẹ evun rẹ ẹrhovwo mẹ.

Ọbe ri Pọl si rhe Ihwo ri Rom 12:2

We hirhe oma phihọ ohwo rẹ akpọ nana ọvo-o ẹkẹvuọvo gbe wene iroro rẹ udu rẹ ovwan phihọ ọkpokpọ, re we se vughe ọhọre rẹ Ọghẹnẹ, obo ri yoma ro fo ẹreyọ kugbe obo re gbare.

Ọbe ri Pọl si rhe Ihwo ri Rom 6:11

Ọtiọye na we gbe ji roro oma rẹ ovwan nẹ we ji ghwu kẹ umwemwu jovwo, ẹkẹvuọvo ovwan da rha rhọ fiki ri Kristi Jesu vwọ kẹ Ọghẹnẹ.

Ọbe ri Pọl si rhe Ihwo ri Rom 6:19

Ọnana ephẹrẹ okokodo me jẹ kẹ ovwan na. Kidie kirobo rẹ ovwan vwọ reyọ oma rẹ ovwan vwo ru obo ri je ovwan, rẹ ovwan vwọ dia eviẹn rẹ umwemwu jovwo na, ọtiọye vwẹ asakiephana ovwan gba vwẹ oma rẹ ovwan kẹ ọvwata vẹ ẹfuọn.

Ọbe ri Pọl si rhe Ihwo ri Rom 6:2

Kaka vwo! Komavọ avwanre ri ghwu kẹ umwemwu obọvo nure na rhe vwo ru imwemwu ọfa?

Ọbe ri Pọl si rhe Ihwo ri Rom 6:22

Asakiephana re vwo si ovwan nẹ ọviẹn rẹ umwemwu nu na rẹ ovwan rha rhe vwọ dia ọviẹn rẹ Ọghẹnẹ na, osa rẹ ovwan kẹ orufuọn, oba rọye kẹ arhọ ri bẹdẹ.

Ọbe ri Pọl si rhe Ihwo ri Rom 6:4

Vwẹ oma rẹ ame-ẹreyọ rọye e vwo shi avwanre kugbe vwẹ evun rẹ ughwu rọye, kọye re kirobo rẹ vwẹ obọ rẹ urinrin vẹ ogangan rẹ Ọsẹ na vwọ kpare Kristi vrẹn na, eriyin na avwanre ki ji vwo arhọ ọkpokpọ fiki rọye.

Ọbe ri Pọl si rhe Ihwo ri Rom 7:1

Ovwan riẹnre, imoni mẹ–kidie me ta ota kẹ ovwan otu re riẹn urhi na–nẹ urhi vwo ogangan vwẹ enu rẹ ohwo uche ọke rọ dia akpọ na kri te?

Ọbe ri Pọl si rhe Ihwo ri Rom 7:2

Ọke rẹ ọshare da hẹ akpọ na otọ rẹ urhi rọye aye rọye epha; ẹkẹvuọvo ọke rẹ ọshare de ghwu nure aye na gbe hẹ otọ rẹ urhi rọye ọfa-a.

Ọbe ri Pọl si rhe Ihwo ri Rom 7:4

Eriyin ọ epha, imoni mẹ, rẹ oma rẹ ovwan rẹ awanre vi Kristi vwo ghwu vwẹ agbagba nure na, urhi kọ rhabọ nẹ ovwan, kọye ovwan vwo se vwo ogangan vwo nene, ovwan vẹ ọye ki se kuoma gbe vwo ru iruo kẹ Ọghẹnẹ.

2 Kọrẹnt 3:6

Ohwo ro ru avwanre fo vwọ dia ogbodibo rẹ ọphọ ọkpokpọ na, ọ dianẹ vwẹ ọbe re siri-i ẹkẹvuọvo vwẹ evun rẹ Erhi na, kidie ọbe re siri na hwe ghwẹ, ẹkẹvuọvo Erhi na kẹ arhọ.

2 Kọrẹnt 5:17

Vwẹ ọtiọye na, ọ da dianẹ ohwo hẹ evun ri Kristi, ohwo yena kẹ ẹma ọkpokpọ; ọ rẹ awanre wanvrẹn re, nighere ọkpokpọ na rhire.

Galesha 3:13

Kristi tan avwanre nẹ ekan rẹ urhi na nure, ekpuyovwi rọye da rhoma rhi hirhe phihọ ekan fiki re avwanre kidie e siro, Ekan kẹ ohwo kohwo ro churu ughwu vwẹ enu rẹ urhe.

Galesha 6:15

Kidie oyanvwe vẹ ijẹyanvwọ fi emuọvo-o, ẹkẹvuọvo evwiẹ ọkpokpọ.

Ẹfesọs 4:24

re we ku ohwo ọkpokpọ na phihọ oma, ra mare vwẹ uhoho rẹ Ọghẹnẹ vwẹ omamọ rẹ ọvwata kugbe ẹfuọn.

Filipae 3:3

Avwanre hẹ ihwo re yanvwe omamọ rẹ oyanvwe na, re gọ Ọghẹnẹ vwẹ erhi, ri vwi Kristi Jesu vwọ yan eyan, re vwẹ ẹro so ugboma-a.

Kolose 3:10

Ovwan ji ku ohwo ọkpokpọ na phihọ re, a da nabọ vwẹ erianriẹn vwọ ke rere ọ vwọ họhọ ohwo ro marọ.