Ọbe ri Pọl si rhe Ihwo ri Rom 7:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Ọke rẹ avwanre vwọ dia vwẹ ugboma na, ọmeme rẹ umwemwu ọbrabra na, rẹ urhi na kpare na, yo ru iruo vwẹ oma rẹ avwanre rọ mọ emamo kẹ ughwu.

Ọbe ri Pọl si rhe Ihwo ri Rom 7:5 ပူးပေါင်းရင်းမြစ်များ

Matiu 15:19

Fikiridie evu rẹ udu ọye iroro imiomiovwi nẹ cha; ozighẹ, igberadja, ọfanrhiẹ, ujiecho, iseri rẹ eku, ọghware.

Iyẹnrẹ Esiri ri Jọn 3:6

Ọ re vwiẹri vwẹ ugboma yẹ ọye ọ rẹ ugboma, ọ re vwiẹri vwẹ Erhi yẹ ọye ọ rẹ erhi.

Ọbe ri Pọl si rhe Ihwo ri Rom 1:26

Fiki rẹ ọnana Ọghẹnẹ vwo siobọ nẹ ayen kẹ ọmeme ọbrabra re o kpokpo ayen. Ọ dianẹ eya na ọvo re reyọ oma esiri ra ma kẹ ayen vwo gbe igberadja-a,

Ọbe ri Pọl si rhe Ihwo ri Rom 3:20

Kidie ọ vwo ohwo ọvuọvo rọ rease vwẹ obaro rọye fiki rẹ iruo rẹ urhi-i, fikiridie urhi na re nẹrhẹ e vwo eriẹnriẹn kpahe umwemwu.

Ọbe ri Pọl si rhe Ihwo ri Rom 4:15

Kidie urhi na ghwa ophu cha, ẹkẹvuọvo asan rẹ urhi epha-a urhiẹchọ sa dia-a.

Ọbe ri Pọl si rhe Ihwo ri Rom 5:20

Ukuko rọye urhi da rhe, rhi ru urhi ẹchọ na bu phihọ; ẹkẹvuọvo asan rẹ umwemwu de bu, etiyin ẹserọphẹ de me buẹ.

Ọbe ri Pọl si rhe Ihwo ri Rom 6:13

Ovwan rha vwẹ oma rẹ ovwan ru iruo rẹ umwemwu-u, ẹkẹvuọvo ovwan ru oma rẹ ovwan fuanfon kẹ Ọghẹnẹ kerẹ ihwo ri vrẹn nẹ ughwu kpo arhọ nure, re ovwan rha vwẹ ekuakua rẹ oma rẹ ovwan ru iruo rẹ ọvwata kẹ Ọghẹnẹ.

Ọbe ri Pọl si rhe Ihwo ri Rom 6:19

Ọnana ephẹrẹ okokodo me jẹ kẹ ovwan na. Kidie kirobo rẹ ovwan vwọ reyọ oma rẹ ovwan vwo ru obo ri je ovwan, rẹ ovwan vwọ dia eviẹn rẹ umwemwu jovwo na, ọtiọye vwẹ asakiephana ovwan gba vwẹ oma rẹ ovwan kẹ ọvwata vẹ ẹfuọn.

Ọbe ri Pọl si rhe Ihwo ri Rom 6:21

Ki didi erere ri te ovwan vwẹ uruemu rẹ omaẹvuọ yena? Ughwu ọye hẹ oba rẹ oghẹre rẹ emu ọtiọye na.

Ọbe ri Pọl si rhe Ihwo ri Rom 6:23

Kidie osa rẹ umwemwu hẹ ughwu, ẹkẹvuọvo ẹserọphẹ rẹ Ọghẹnẹ na ọye hẹ arhọ ri bẹdẹ vwẹ evun ri Jesu Kristi Ọrovwavwanre.

Ọbe ri Pọl si rhe Ihwo ri Rom 7:23

ẹkẹvuọvo me rhe mrẹ urhi ọfa vwẹ ekuakua rẹ oma mẹ ro nene urhi rẹ udu mẹ họnra ro vwẹ ovwẹ ru ọviẹn kẹ urhi rẹ umwemwu rọ hẹ evun rẹ ekuakua rẹ oma mẹ.

1 Kọrẹnt 15:56

Obi rẹ ughwu ọye hẹ umwemwu, ogangan rẹ umwemwu ọye hẹ urhi.

2 Kọrẹnt 10:3

Kidie dede nẹ avwanre dia evun rẹ akpọ na yo dia ofovwi rẹ akpọ na avwanre phiẹ-ẹ.

Galesha 3:10

Kidie ayen ejobi re vwẹ oma da urhi na ayen hẹ otọ rẹ ekan kidie e siro, Ekan kẹ ohwo kohwo rọ yọnrọn emu ejobi re siri phihọ ọbe rẹ urhi na, ro ru ayen gba-a.

Galesha 5:24

Ayen ihwo re dia ọ ri Kristi nure, ayen kanre ugboma na vẹ oja rọye kugbe ẹguọnọ rọye mu agbagba nure.

Ẹfesọs 2:11

Vwẹ ọtiọye na wa gba karohọ nẹ rhabae ovwan Keferi vwẹ ugboma na, ke se ovwan ijẹyanvwọ fiki rẹ obo re se oyanvwe, ra vwẹ obọ ru.

Ẹfesọs 2:3

Ohri rẹ enana avwanre ka dia jovwo vwẹ evun rẹ urhuru sivwe rẹ ugboma rẹ avwanre, ri nene ẹguọnọ rẹ ugboma kugbe iroro, ọtiọye na kirobo re vwiẹ avwanre phihọ avwanre kẹ emọ rẹ ophu, kirobo rẹ ihwo rẹ akpo ri chekọ epha.

Kolose 3:5

Gbe hwe urhuru sivwe ofefe rẹ akpọ na re o ghwu; igberadja, inuhu, avwerhe rẹ ugboma, ẹguọnọ ọbrabra, urhuru evwo ro hirhe oma phihọ ẹdjọ.

Taitọs 3:3

Kidie avwanre je ka dia gheghẹ dẹvure, avwanre ji ke mu oma kpenu devure, a je phiẹn avwanre jovwo re, avwanre ji ke nenẹ avwerhe rẹ akpọ na jovwo, avwanre je ka reoma jovwo, avwanre ji ke vwo ọnko devure, avwanre ji ke tuoma rẹ ohwohwo jovwo.

Jems 1:15

Ọke rẹ ẹguọnọ rẹ ugboma da rhe mrevun re ko vwiẹ umwemwu; umwemwu de rhi bunọ re kọ ghwa ughwu cha.

Jems 4:1

Die re suọ ẹghwọ vẹ ofovwi vwẹ uherevie rẹ ovwan na? Ọ dia avwerhe vẹ urhuru rọ hẹ oma rẹ ovwan re ghwa ofovwi cha-a?

1 Jọn 3:4

Kohwo kohwo ro ru umwemwu yọ reabe rẹ ogbeku; umwemwu ọye hẹ ogbeku rẹ urhi.