Ọbe ri Pọl si rhe Ihwo ri Rom 7:23 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²³ ẹkẹvuọvo me rhe mrẹ urhi ọfa vwẹ ekuakua rẹ oma mẹ ro nene urhi rẹ udu mẹ họnra ro vwẹ ovwẹ ru ọviẹn kẹ urhi rẹ umwemwu rọ hẹ evun rẹ ekuakua rẹ oma mẹ.

Ọbe ri Pọl si rhe Ihwo ri Rom 7:23 ပူးပေါင်းရင်းမြစ်များ

Une rẹ Ejiro 142:7

Reyọ ovwẹ nẹ evun rẹ uwodi rhe, rere me vwẹ ẹkpẹvwẹ kẹ odẹ wẹn! Evwata na cha riariẹ ovwẹ phihọ, kidie wọwẹ ri che nene uvwe yeri wurhie wurhie

Aghwoghwo 7:20

Omuẹro o vwo ọvwata ọvuọvo vwẹ akpọ na ro jẹ imwemwu e ruo-o.

Ọbe ri Pọl si rhe Ihwo ri Rom 6:13

Ovwan rha vwẹ oma rẹ ovwan ru iruo rẹ umwemwu-u, ẹkẹvuọvo ovwan ru oma rẹ ovwan fuanfon kẹ Ọghẹnẹ kerẹ ihwo ri vrẹn nẹ ughwu kpo arhọ nure, re ovwan rha vwẹ ekuakua rẹ oma rẹ ovwan ru iruo rẹ ọvwata kẹ Ọghẹnẹ.

Ọbe ri Pọl si rhe Ihwo ri Rom 6:19

Ọnana ephẹrẹ okokodo me jẹ kẹ ovwan na. Kidie kirobo rẹ ovwan vwọ reyọ oma rẹ ovwan vwo ru obo ri je ovwan, rẹ ovwan vwọ dia eviẹn rẹ umwemwu jovwo na, ọtiọye vwẹ asakiephana ovwan gba vwẹ oma rẹ ovwan kẹ ọvwata vẹ ẹfuọn.

Ọbe ri Pọl si rhe Ihwo ri Rom 7:14

Avwanre riẹnre nẹ urhi na ọ rẹ erhi; ẹkẹvuọvo mẹvwẹ ugboma, ra shẹ kẹ umwemwu.

Ọbe ri Pọl si rhe Ihwo ri Rom 7:21

Ọtiọye na kọ rhe dia urhi kẹ vwẹ nẹ ọke me vwọ guọnọ emu esiri ru, umwemwu kọye ro ovwẹ obọ.

Ọbe ri Pọl si rhe Ihwo ri Rom 7:25

Me kpẹvwẹ Ọghẹnẹ fiki ri Jesu Kristi Ọrovwavwanre. Vwẹ ọtiọye na, me vwẹ oma mẹ ga urhi rẹ Ọghẹnẹ vẹ udu mẹ ejobi, ẹkẹvuọvo ugboma mẹ ke me vwọ ga urhi rẹ umwemwu.

Ọbe ri Pọl si rhe Ihwo ri Rom 7:5

Ọke rẹ avwanre vwọ dia vwẹ ugboma na, ọmeme rẹ umwemwu ọbrabra na, rẹ urhi na kpare na, yo ru iruo vwẹ oma rẹ avwanre rọ mọ emamo kẹ ughwu.

Ọbe ri Pọl si rhe Ihwo ri Rom 8:2

Kidie urhi rẹ Erhi rẹ arhọ vwi Kristi Jesu rhe rhan vwẹ nẹ obọ rẹ urhi rẹ umwemwu vẹ ughwu.

Galesha 5:17

Kidie ẹguọnọ rẹ ugboma na mu kpahe Erhi na ọtiọye ẹguọnọ rẹ Erhi na ji mu kpahe ugboma na; kidie, ayen ivẹ na ivwighrẹ kẹ ohwohwo, o gbi jẹ uwe ru obo wọ guọnọ ru-u.

Hibru 12:4

Ohọnre rẹ ovwan vẹ umwemwu họnra na wa je họnrọ te asan rẹ oma rẹ ovwan de hwẹ obara-a.

Jems 3:2

Kidie avwanre sheri vwẹ oma rẹ emu buebu. Ohwo ro rhe she vwẹ oma rẹ ota-a, yẹ ohwo yena omamọ rẹ ohwo ro se sun oma rọye rhe.

Jems 4:1

Die re suọ ẹghwọ vẹ ofovwi vwẹ uherevie rẹ ovwan na? Ọ dia avwerhe vẹ urhuru rọ hẹ oma rẹ ovwan re ghwa ofovwi cha-a?

1 Pita 2:11

Imoni re me guọnọre, me rẹ ovwan kerẹ erhorha kugbe otu re hẹ imu re we sioma nẹ urhuru sivwe rẹ ugboma ro nene ẹnwẹn họnra na.