Ọbe ri Pọl si rhe Ihwo ri Rom 7:18 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁸ Me riẹnre nẹ emu ọvuọvo ro yovwiri hẹ evun mẹ-ẹ, kọye hẹ ugboma mẹ. Mi vughe obo ri yovwiri, ẹkẹvuọvo yi mi se ruo-o.

Ọbe ri Pọl si rhe Ihwo ri Rom 7:18 ပူးပေါင်းရင်းမြစ်များ

Jẹnẹsis 6:5

Ọrovwohwo da mrẹ nẹ evun umwemwu rẹ ohwo rhoro gangan vwẹ evun rẹ akpọ na, ọ da je mrẹ nẹ iroro rẹ udu rọye pha brabra vwẹ ọke ejobi.

Jẹnẹsis 8:21

Ọke rẹ Ọrovwohwo vwo nyo ọnrhe ghwoghwo rẹ izobo na, Ọrovwohwo da ta vwẹ udu rọye, Me gbe harhe otọ na ọfa vwi fiki rẹ ohwo-o, kidie iroro rẹ evun rọye nẹ ọke-emọ rhe pha brabra, eyẹ Me gbe ghwọrọ emu kemu ro vwo arhọ re Me mare ọfa-a.

ỌBE RẸ JOB 14:4

Ono ri si emu ọfuanfon nẹ evun rẹ emu ogbegbe cha? O vwo ọvuọvo-o.

ỌBE RẸ JOB 25:4

Komavọ ohwo vwọ sa dia ọvwata vwẹ obaro rẹ Ọghẹnẹ? Mavọ ohwo rẹ aye vwiẹre ru fon?

Une rẹ Ejiro 119:173

Jẹn obọ wẹn choma rọ cha vwẹ uko, kidiẹ me jẹ iji wẹn reyọ.

Une rẹ Ejiro 119:176

Mi ghwruru kerẹ ogegede ro ghwruru, guọnọ odibo wẹn, kidie irhi wẹn chọrọ ovwẹ ẹro-o.

Une rẹ Ejiro 119:32

Me djẹ nene idjerhe rẹ irhi wẹn vwẹ ọke wọ da hẹrẹ erianriẹn mẹ phihọ!

Une rẹ Ejiro 119:40

Nighere, mi ro rhẹro re iji wẹn na vwẹ evun rẹ ọvwata wẹn kẹ vwẹ arhọ!

Une rẹ Ejiro 119:5

E mane kẹ idjerhe mẹ mudia gan vwenẹ vwe iji rọye ẹyọnrọn!

Une rẹ Ejiro 51:5

Nighere, a mrevun mẹ vwẹ evun rẹ orukuruku, vwẹ evun rẹ imwemwu oni mẹ de vwiẹ vwẹ

Aizaya 64:6

Avwanre da rhe họhọ ohwo ro jẹfuọn, uruemu rẹ ọvwata rẹ avwanre ejobi da họhọ ewun rẹ inuhu muru. Avwanre ejobi vwioro re kerẹ ọbe, orukuruku rẹ avwanre, kerẹ odju, re muẹ avwanre yanran.

Matiu 15:19

Fikiridie evu rẹ udu ọye iroro imiomiovwi nẹ cha; ozighẹ, igberadja, ọfanrhiẹ, ujiecho, iseri rẹ eku, ọghware.

Iyẹnrẹ Esiri ri Luk 11:13

Ọ da dianẹ, wẹ rẹ ohwo umwemwu, da riẹn obo ra vwẹ emu oyoyovwi kẹ emọ wẹn, komavọ ọ rho te rẹ ọsẹ robo odjuvwu sa vwẹ Erhi Ọfuanfon kẹ otu re nọrọ?

Iyẹnrẹ Esiri ri Jọn 3:6

Ọ re vwiẹri vwẹ ugboma yẹ ọye ọ rẹ ugboma, ọ re vwiẹri vwẹ Erhi yẹ ọye ọ rẹ erhi.

Ọbe ri Pọl si rhe Ihwo ri Rom 13:14

Ẹkẹvuọvo gbe ku Ọrovwavwanre Jesu Kristi phihọ, wọ vwẹ asan kẹ ugboma-a rere ẹguọnọ rẹ ugboma vwo je ovwan esioghwro.

Ọbe ri Pọl si rhe Ihwo ri Rom 7:15

Mi vwo ẹruọ rẹ uruemu robọ mẹ-ẹ. Kidie mi ru obo re me guọnọ ru-u, ẹkẹvuọvo obo ri tu vwe oma kọye mi ruẹ.

Ọbe ri Pọl si rhe Ihwo ri Rom 7:19

Kidie emu esiri ra guọnọ ru mi se ruo-o, ẹkẹvuọvo umiomiovwi re me guọnọ ru-n kọye mi ruru.

Ọbe ri Pọl si rhe Ihwo ri Rom 7:25

Me kpẹvwẹ Ọghẹnẹ fiki ri Jesu Kristi Ọrovwavwanre. Vwẹ ọtiọye na, me vwẹ oma mẹ ga urhi rẹ Ọghẹnẹ vẹ udu mẹ ejobi, ẹkẹvuọvo ugboma mẹ ke me vwọ ga urhi rẹ umwemwu.

Ọbe ri Pọl si rhe Ihwo ri Rom 7:5

Ọke rẹ avwanre vwọ dia vwẹ ugboma na, ọmeme rẹ umwemwu ọbrabra na, rẹ urhi na kpare na, yo ru iruo vwẹ oma rẹ avwanre rọ mọ emamo kẹ ughwu.

Galesha 5:17

Kidie ẹguọnọ rẹ ugboma na mu kpahe Erhi na ọtiọye ẹguọnọ rẹ Erhi na ji mu kpahe ugboma na; kidie, ayen ivẹ na ivwighrẹ kẹ ohwohwo, o gbi jẹ uwe ru obo wọ guọnọ ru-u.

Galesha 5:24

Ayen ihwo re dia ọ ri Kristi nure, ayen kanre ugboma na vẹ oja rọye kugbe ẹguọnọ rọye mu agbagba nure.

Filipae 2:13

kidie Ọghẹnẹ ri ruẹ iruo vwẹ evun rẹ ovwan, ọye re rhọvwa nẹ we ru iruo fiki rẹ erhuvwu rọye.

Filipae 3:12

Ọ dianẹ mi vwo ọnana nure-e eyẹ ke me ghwa fon nure-e; ẹkẹvuọvo me pharha kpo obaro rere mi vwo ru ọmẹ, fikiridie Kristi Jesu vwẹ ovwẹ ru ọrọye nure.

Taitọs 3:3

Kidie avwanre je ka dia gheghẹ dẹvure, avwanre ji ke mu oma kpenu devure, a je phiẹn avwanre jovwo re, avwanre ji ke nenẹ avwerhe rẹ akpọ na jovwo, avwanre je ka reoma jovwo, avwanre ji ke vwo ọnko devure, avwanre ji ke tuoma rẹ ohwohwo jovwo.

1 Pita 4:2

vwẹ ọtiọye na ovwan ki yere akpọ rẹ ovwan ro chekọ ọ gbe dia ọ rẹ urhuru sivwe rẹ ugboma ọfa-a ẹkẹvuọvo kẹ ọ rẹ ọhọre rẹ Ọghẹnẹ.