Ọbe ri Pọl si rhe Ihwo ri Rom 7:12 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹² Ọtiọye na urhi na kẹ ọfuanfon, iji na ke je hẹ ọfuanfon ọsoso yoyovwi.

Ọbe ri Pọl si rhe Ihwo ri Rom 7:12 ပူးပေါင်းရင်းမြစ်များ

Nehemaya 9:13

Wọwẹ ri ghine wotọ ne Ugbenu ri Sinae rhe, wo de nene ayen ta ota ne obo odjuvwu rhe wo de ji omamọ re Iji kẹ ayen kugbe irhi rẹ uyota, omamọ re ẹgha kugbe irhi,

Une rẹ Ejiro 119:127

Fiki re ọtiọye na me guọnọ irhi wẹn na nọ oro, nọ oro ro me yovwi.

Une rẹ Ejiro 119:137

Ọvwata wo ruẹ, E Ọrovwohwo, orhiebro wẹn ọ gbare.

Une rẹ Ejiro 119:140

Ive wẹn a nabọ davwọ ni, odibo wẹn da guọnọ.

Une rẹ Ejiro 119:172

Ẹrenvwe mẹ kọ so ine rẹ ota wẹn, kidiẹ irhi wẹn na ejobi gbare.

Une rẹ Ejiro 119:38

Ru ive wẹn na gan kẹ odibo wẹn, re herọ kẹ otu dje oshọ wẹn.

Une rẹ Ejiro 119:86

Irhi wẹn ejobi muẹro, ayen di kpokpo uvwe ekueku; cha vwẹ uko!

Ọbe ri Pọl si rhe Ihwo ri Rom 12:2

We hirhe oma phihọ ohwo rẹ akpọ nana ọvo-o ẹkẹvuọvo gbe wene iroro rẹ udu rẹ ovwan phihọ ọkpokpọ, re we se vughe ọhọre rẹ Ọghẹnẹ, obo ri yoma ro fo ẹreyọ kugbe obo re gbare.

Ọbe ri Pọl si rhe Ihwo ri Rom 3:31

Kẹ avwanre vwi fiki rẹ esegbuyota phan urhi na? Kaka vwo! Vwẹ owọ ọfa, avwanre ke yọnrọn urhi na.

Ọbe ri Pọl si rhe Ihwo ri Rom 7:14

Avwanre riẹnre nẹ urhi na ọ rẹ erhi; ẹkẹvuọvo mẹvwẹ ugboma, ra shẹ kẹ umwemwu.

Ọbe ri Pọl si rhe Ihwo ri Rom 7:16

Asakiephana ọ da dianẹ obo re me guọnọre-e kọye me rhoma ruẹ, kọye me rhọvwere nẹ urhi na oyoyovwi.

Urhi Rivẹ 10:12

Kọna, Izrẹl, die Ọrovwohwo Ọghẹnẹ wẹn, tobọ guọnọ vwẹ obọ wẹn, ẹkẹvuọvo vwọ djẹ oshọ rẹ Ọrovwohwo Ọghẹnẹ wẹn, vwọ yan phihọ idjerhe rọye ejobi, je vwọ guọnọ, wọ je vwẹ udu wẹn ejobi kugbe ẹnwẹn wẹn ejobi ga Ọrovwohwo Ọghẹnẹ wẹn.

Urhi Rivẹ 4:8

Didi ẹgborho rode ọfa herọ, ri vwo irhi vẹ iji ri Shehọ kerẹ urhi nana, ri mi phihọ obaro rẹ ovwan nonẹ na?

1 Timoti 1:8

Asakiephana avwanre riẹnre nẹ urhi na yoma, ọ da dianẹ ohwo ru obo re wan urhi,